زواج أجباري
الجزء التاسع
احد مأذيچ احد مضوجچ لا ماما كلهم زيينين ويايه محد مضوجني حتى محمد مافد يوم ضوجني او اذاني ظلت ماما تغدت ويانه ونمت بحظنها ولحد الليل واخذها محمد رجعها ردت منها تبات مقبلت.
محمد:رجعت امها لرفل وگلت بلكت تسامحني رفل .
رفل :رجع محمد واجى گعد يمي .
محمد:رفل سامحتيني بعد مااتحمل زعلچ عليه .
رفل:مو معناتها جبتلي امي ارضى عليك واسامحك لا عيني لا.
محمد:گمت اصيح عليها متگوليلي شسويلچ بعد مخليت شي مسويته الچ ومسامحتيني ترى اني مخليچ على مزاجچ اذا اريد اسوي شي مخايف منچ بس اگول بلكت تسامحني وترجع علاقتنا بس الظاهر اني غلطان سحبتها من ايدها واخذتها للغرفه دخلتها للغرفه وقفلت الباب .
رفل:محمد شتريد اسوي والله مااسامحك اذا سويت شي محمد عوفني والله اصيح .
محمد:صيحي محد يسمعچ ثانيا انتي مرتي اسوي اللي يعجبني گمت اتگرب وهي ترجع وره وتريدني اعوفها .
رفل:هو يتگرب واني ارجع لحد مالطخت بالحايط وحط اديه على الحايط وگرب عليه وباسني واني ادفع بيه وخر ورجع لزم اديه وگام يبوس بيه واني مااگدر اقاوم ولا اگدر ادفعه لان لازم اديه دست على رجله وماكو گام يبوس برگبتي واني اتوسل بيه يعوفني محمد الله يخليك عوفني وگمت ابچي واتوسل بيه اخر شي وخر.
محمد:شفتها تتوسل وتريدني اعوفها وگامت تبچي عفتها واخذت السويچ وطلعت.
رفل :وخر مني وگعدت بالگاع ابچي گمت رحت على الچربايه ومددت ونمت فزيت بالساعه ٢بالليل شفت محمد ماكو بالغرفه اكيد ميجي ماله عين يجي للغرفه بعد اللي سواه توني غفيت ودك تليفوني شفت محمد يدك مرديت دك مرة ثانيه جاوبته شتريد محمد مكفاك اللي سويته رد واحد صوت غريب گالي اختي شتصيرين من صاحب الرقم لان كاتب على الرقم حبيبتي گتله مرته ليش وين محمد گالي بالمستشفى جابوه مدعوم اخذت عنوان المستشفى واني خايفه بس لابي شي ومن ورايه ياربي شسوي گمت ابچي .
رحت اركض على ام معتز گعدتها گلتلها محمد مدعوم گومي نروح للمستشفى گالت وين نروح بهل الوقت واحنا نسوان وحدنا گمت اتوسل بيها خاله عيني شوفينا حل ليروح يصير بيه شي گامت طلعت ارقام التليفونات وطلعت رقم اخوه خابرته وگال هسه اجي صدك شويه واجى ورحنا للمستشفى وندور لگيناه دخلنه عليه مجبسين ايده اليمنى ورجله اليمنى ونايم الدكتور گال انطيته مهدئ حتى يرتاح من الوجع بس گال منو رفل گتله اني گالي طول ماهو يتوجع يصيح بأسمج مبين يحبچ هوايه اخوه گاله شوكت نگدر انطلعه گال اجي الصبح اشوفه وتگدرون تاخذونه.راح اخوه يحچي ويه اللي دعمه واني رجعت للغرفه ظليت گاعده يمه وابچي يربي شسويت لو ميت چان شصار بيه ياربي كومه بالسلامه وظليت اباوع عليه ماادري بنفسي ونمت فزيت على صوت محمد يون من الوجع گمزت رحت عليه شبيك محمد.
محمد:جسمي يوجعني اخ يمه اخ .
رفل :رحت گلت لاخوه گعد ويون من الوجع صاح الدكتور واجى شافه انطاه ابرة مهدئ وانطاني التعليمات وديناه للبيت بالطريق خابرت ام معتز تحظر الغرفه جوه علمود ينام بيها محمد وصلنا دخلنا محمد ونام واخوه گال فد شويه امر بس اكمل شغلي .
رحت وغسلت وبدلت ملابسي ونزلت سويتله ريوك واخذته وگعدته محمد اگعد اتريك .
محمد:مااريد خليني اموت علمود تخلصين مني وترجعين لاهلچ .
رفل:عوف هل السوالف وگمت اسويله لفات صغار واحط بحلگه .
محمد:شفتها خايفه عليه گلت خلي اثكل عليها شويه غصبتني على الريوك اتسوي لفات صغيره وتحط بحلگي واني فرحان گلتلها لو ادري متكسر من زمان علمود توكليني.
رفل:گمت اضحك على سوالفه .
محمد:رفل سامحتيني والله احبچ ومااتحمل اشوفچ بعيده عليه .
رفل:الله كريم .بس گلي شلون هيچ صار وياك.
اذا اتممت قراتها علق
(سبحان الله وبحمده سبحان الله العظيم)
تابعوا البارون ميسر
ليصلكم الجزء العاشر قبل الاخير من زواج اجباري.
