زواج أجباري
الجزء الخامس
ظليت افكر لحد ماخلصت المده اللي انطاها النا محمد ورحت على بابا وگتله اني موافقه ازوجه حتى يرجعون فارس بابا گالي ترى هاي مو لعبه بنتي واخاف عليچ گتله اتحمل ولا اخلي اخويه يموت بسببي.خابره بابا وگاللهم على الموافقه.
محمد:خلصت المده وخابرني ابوها وافقوا على الزواج واني طاير من الفرح گتله تجي لهل المكان باچر وتجيب رفل وياك واجيب سيد ونعقد واخذها وياي وانطيك ابنك سديته من ابوها ورحت خابرتها مجاوب دزيتلها رساله مبروك علينا ياحلو.
رفل:رجعت للغرفه ابچي وسمعت جتني رساله وقريتها هو دازها وكمت ابچي بالزايد اجتي امي وگعدت يمي وگالتلي يمه منعوفچ بس يطلعون اخوچ نرجعچ ونهزمچ منا گلتلها الله كريم گلتلي حظري غراضچ باچر ترحين ويه ابوچ حتى تعقدين وتروحين وياه من سمعت هيچ گمت ابچي بكل حركه وامي جتي تحظن بيه وتصبرني ارتاحيت واحس ماظل دموع بعيني بس قررت انتقم منه اجى ثاني يوم ودعت اهلي واني ابچي ورحت ويه بابا صعدت بالسياره ورحنا لمكان مگطوع خابره بابا وگاله وصلت اجتي وره شويه سياره نزل منها اخويه مجتف وسادين عيونه وياه محمد عرفته من صورته اللي بالفيس وشيخ عقدلنا وراها حظني بابا وگام يبچي سلمت على اخويه وگالي الا ارجعچ اتحملي وراحوا واني ظليت واكفه خايفه شأسوي وگمت ابچي.
محمد:شفتها گامت تبچي انقهرت عليها بس ماكو غير حل رحت عليها اخذت الجنطه وحطيتها بالسياره وگلتلها يالله امشي نروح للبيت .
رفل:گتله قصدك جهنم وعفته ورحت صعدت بالسياره والشيخ جتي سياره اخذته وراحت ظليت ابچي صعد هو وطلعنا وصلنا لبيت جبير كلش وحلو .
محمد:انزلي فرح هذا بيت اهلي نزلنا ودخلنا.
محمد:دخلنا وتلگتنا امي وابوي واني قبل يوم رحت وحچيتلهم كلشي ظلوا يحچون عليه بس شسوي احبها مو بيدي.
رفل:دخلت للبيت واتلگتنا مره نفسها اللي جتي تخطبني تهلهل وجتي بوستني وصاحت مره شويه چبيره تشتغل عدهم صعدتني للغرفه وصلت للغرفه دخلت غرفه چبيره كلش وبيها اثاث كلش حلو راقي طبيت وقفلت الباب وگعدت ابچي ياربي شصار بيه وين وصلت ياربي صبرني وره شويه اندگت الباب .
محمد:صعدت حتى اطمن عليها ردت افتح الباب قافلته دگيته
رفل:منو
محمد:اني محمد افتحي الباب
رفل:شتريد
محمد:اريد اطمن عليچ
رفل:گالتله لاتخاف ماانتحر هسه الا اعذبك
محمد:ضحكت گلتها عذبي براحتچ بس افتحي الباب
رفل:گتله روح منا ماافتحها
محمد :_عاندت مافتحت الباب گلت خليها براحتها الصار مو قليل خليها تتعود عفتها ونزلت گعدت يم اهلي .
رفل:عرفت بيه نزل رحت دخلت للحمام غسلت وبدلت ورحت ارتاح على الجربايه ماحسيت بنفسي نايمه اندگت الباب
ام محمد:رحت على رفل دزني محمد لان من صعدت بعد مانزلت دگيت الباب عليها مجاوبت دگيت الباب وگلتلها رفل اني خالتچ ام محمد افتحيلي الباب انفتحت الباب گلتلها ها رفوله بيچ شي گالت لا مابيه شي بس ردت ارتاح گالتلي راح اخليهم يصعدولچ الغده فوك گلتلها ممشتهيه گالتلي يمه لخاطري تغدي ويانا گلتلها خاله هسه انزل نزلت اني
رفل:رحت بدلت ونزلت حتى اتغده ولو اني ممشتهيه بس لخاطر خاله مبينها خوش مره نزلت وسلمت وگعدت مباوعت بعين محمد ابد گام يحچي ويايه عمو ابو محمد گالي بنتي اعذرينه على اللي صار بس محمد مخبل والا اربيه الچ
محمد :اي مخبل بحبها غير
ظلت خاله تحچي على عائلتهم عدها بنات اثنين مزوجات ولدين واحد مزوج وگاعد بيت وحده والثاني المخبل اللي كدامچ .
رفل:من يگولون عليه مخبل اضحك بيني وبين نفسي .
اذا اتممت قراتها علق
(سبحان الله وبحمده سبحان الله العظيم)
تابعوا البارون ميسر
ليصلكم الجزء السادس من زواج اجباري.
