زواج أجباري
الجزء العاشر
محمد:وره ماطلعت اخذت السيارة وگمت امشي سريع واني مفول من الاعصاب واندعمت بسياره وماادري اله واني بالمستشفى.
رفل:انت ابد موصاحي والله .
محمد:مو انتي خبلتيني بحبچ شسوي .
رفل:ريگته وشربته دوه وانداريت اطلع لزم ايدي وباسها اني اسف واتمنى اسامحيني سحبت ايدي وطلعت ياربي شسوي وره شوي سمعته يصيح .
محمد:رفل رفل .
رفل:ها محمد.
محمد:اريد اروح للحمام ساعديني .
رفل:ها شنو اني انتظر هسه اخوك يجي ويوديك .
محمد:من كل عقلچ انتظر اخويه واني بعد مااتحمل.
رفل:رحت لزمت ايده من بعيد حتى اكومه .
محمد :من كل عقلچ رفل اتگربي حطيت ايدي على كتفها وهي صارت جوه ايدي اباوع عليها شلون خجلت وخدودها يريدن يطكن من الحمار.
رفل: قربني وحط ايه فوق ظهري واني خجلت حيل ورحت وديته للحمام ورديت رجعته وطلعت على السريع.
محمد :اباوع عليها شلون رجعتني وطلعت بسرعه واضحك عليها.
رفل:رحت گلت لام معتز اسويله مي مال لحم مفيد لاهل الكسور .ظليت بالمطبخ اجى اخوه طب عليه ظل ساعه يمه وراح گالي بالليل هم اجي عليه واي شي تحتاجين خابريني وراح .خلص الغده ورحت دخلت .
محمد:اي والله ميت جوع .
رفل:اي سوتلك خاله ام معتز مي لحم مفيد.
محمد:شنو مي لحم واني ميت جوع مااريده اريد تمن ومركه جوعان .
رفل:محمد شنو جاي تدلل اشربه والله مفيد حتى الكسر يلتئم بسرعه .
محمد:مااشربه والله جوعان .
رفل:محمد اشربه لخاطري.
محمد:اذا هيچ جيبي اشربه .
رفل:خرب اني شسويت لو ساكته مو احسن واذا ماشربه شسويله يبوه گعدت اشرب بي.
محمد : هذا من صار لخاطرچ بسرعه شبعت.
رفل:گمت اضحك عليه خلصت ونام ورحت نمت على القنفه يمه اخاف يحتاج شي .
محمد :شفتها نامت على القنفه .تعالي نامي على السرير المكان چبير وحتى يكفي الحاجز مالتچ هم .
رفل:گمت اضحك عليه مرتاحه هنا اني نام انت.
رفل:مگدرت انام على القنفه لان صغيره رحت اخذت المخده ونمت يمه على الچربايه .
محمد:لعد الحاجز وين خاف نسيتي.
رفل:لا منسيته بس متگدر تسوي شي وانت متكسر فمطمئنه .
من التعب نمت بسرعه گعدت لگيت نفسي حاط راسي وراسه مطابگين شفته شلون نايم وباوعت عليه والله حلو ابن الاوادم بشرته مابيها ولا حبايه صافيه گعد هو شافني اباوع فزيت گمت وكفت بسرعه.
محمد:حلو مو.
رفل:شنو حلو مفتهمت .غشمت نفسي.
محمد:لعد صار ساعه تباعين بوجهي .
رفل:اني شوكت غلطان وعفته وطلعت.
محمد :گمت اضحك عليها .
مرت الايام ورجعوا عمي وعمتي من السفر ومن شافوا متكسر تخبل عمي ليش محد گالنا .
محمد:بابا مابيه شي واخويه ورفل ماعافوني مداريني وانتوا رحتوا تتونسون عليش اضوجكم.
عمي وعمتي مشكوره بنيتي ماقصرتي لو غيرچ چان مسوت هيچ بعد اللي سواه بيچ وتنهزم وتعوفه.
راحوا يرتاحون عمي وعمتي واني هم ردت ارتاح تعبانه.
محمد :رفل صدك ليش منهزمتي واني متكسر ومجبس.
رفل:اصدك فكره نسيت مجتي بالي يله باچر انهزم مدامك بعدك مجبس .
محمد:لا رفل صدك جاي احچي وياچ .
رفل:والله جاوبتك مجتي بالي هل الفكره.
محمد:ولو جايه الفكره بالچ چان سويتيها .
رفل:محمد نازل اسئله اليوم اريد انام تعبانه من صخراتك النهار كله.
محمد:ظل بالي ليش منهزمت واخاف صدك اسويها وتنهزم باچر گمت اگعد بيها رفل رفل
رفل:ها محمد.
محمد:رفل صدك تنهزمين باچر وتعوفيني.
رفل:محمد ارتاح ماانهزم .
محمد:ليش متنهزمين .
رفل :گعدت محمد تريدني انهزم ادلل من باچر انهزم.
محمد:ها لا هيچ سؤال انسي يلى نامي مو تعبانه .
رفل:رجعت حطيت راسي على المخده واضحك بگلبي على اسئلة محمد ميدري اني كمت احبه.
محمد:يبوه اني شسويت بس لا حطيت بالها تنهزم اهووووو .
رفل:گعدت رحت صعدت للغرفه حتى ابدل ملابسي .
اذا اتممت قراتها علق
(سبحان الله وبحمده سبحان الله العظيم)
تابعوا البارون ميسر
ليصلكم الجزء الحادي عشر والاخير من زواج اجباري.
