زواج أجباري
الجزء الرابع
محمد:اجيت من الصالة دخلت للبيت گالتلي امي رفضوا مينطون بنتهم اني تخبلت اتهسرت لو الي لو متروح لغيري رحت دزيتلها مسج والله متصيرين لغيري حطيها ترچيه بأذنچ وراح اشوفين شأسوي وأله اخلي گلبچ يحترك مثل محاركه گلبي بسيطه .
رفل:شفته دازلي مسج تهديد رحت شوفته لماما وگعدت ابچي على حظي شبيه يربي وظليت شهر خايفه منه وگطع بعد مدز اي رساله ظليت ٤ اشهر هو مدازلي رساله واني ارتاحيت ورجعت حياتي طبيعيه .
محمد:دزيتلها مسج تهديد وگطعت عنها بعد ماراسلتها بس جنت اعرف اخبارها اخاف تنخطب وچنت محظرها مفاجئه اله اخليها تبچي دم .
رفل:رجعت لحياتي كمت اطب واطلع ونسيت تهديد محمد وبيوم گاعدين نتغده چان يندك الباب مالتنا وطلع بابا چان اطب مرة اخويه وجهالها تبچي وتصيح وتعيط وتگول لبابا الحك ابنك راح يگتلونه واحنا نهدي بيها اريد نعرف شكو گالت طلع اخويه اسمه فارس الصبح للشغل تأخر على الغده خابرته ميجاوب وره شويه دك جاوبت واحد يگولي اذا تريدين رجلچ نفذوا اللي نريده .وجيت اركض امي من سمعت هيچ تخربطت واني گمت ابچي اخويه الوحيد ماعندي غيره ياربي ساعدنا صحينا ماما وگامت تصيح وتعيط وتبچي خابرت خواتي وحجيتلهن وجوي هن وازواجهن وگاعدين نبچي وخايفين لا يسون شي باخونا الوحيد ماعدنا غيره ياربي زوج اختي گال هسه ننتظر يتصلون ونشوف شگد يردون فلوس ننطيهم ويطلعون لاتبچون كافي .
محمد :ظليت افكر بخطه رحت حچيت لصديقي كلشي طبعآ اني عائلتي واصله كلش فأاكدر اسوي اللي اريده گالي عوفها وميت وحده تتمناك ليش چلبت بيها گتله لو هي لو مااريد احبها ظل يقنع بيه اعوفها مقبلت لگيت خطه وهي انو اخطف اخوها الوحيد واكيد هسه اهلها يتخبلون عليه لان ماعدهم غيره واساومهم بيها ظليت اراقب بيه وين يروح وين يجي وين يشتغل عرفت عنه كلشي .
صار اليوم اللي لازم انفذ خطتي وجهزت المكان وصدك خطفته وديته لمكان خارج المدينه وخابرت مرته وهددتها
رفل:انتظرنا يخابرون لليل وخابروا وبابا جاوبهم وگعد يحچي وياهم اشو فجأه بابا وگف وگاله ابني اثنينهم قطعه من قلبي شلون افرق بيهم اذا تريد فلوس ادلل بس هذا الشي صعب ونسد التليفون
محمد :لليل وخابرت وجاوبني ابوهم وحچيت وياه گتله فلوس مااريد اني اريد ازوج بنتك رفل ارجعلك ابنك متقبل ابنك يموت واختار انت وعرفته عن نفسي ولاتحاول اسوي شي لان ابنك ينكتل .
رفل:سد التليفون وگعد بابا حط ايده على راسه ويبچي اول مره اشوف بابا يبچي گامت تحجي ماما وياه تگوله شگد يردون ننطيهم بس يرجعون ابني اموت اذا صار بي شي وتصيح وتبچي گام يصيح بابا على ماما وگاللها ميريدون فلوس يريدون بنتج لو يقتلونه گالتله شنو ومنو يريد بنتي حچالنا بابا واني گمت من مكاني والله اموت نفسي وماازوجه رحت صعدت لغرفتي ودزيتله رساله انت متخاف الله الله ياخذك الله يعذبك والله اموت نفسي ومااقبل بيك دزيتها اله وره شويه اتصل بيه مجاوبت ظل يتصل جاوبته لخاطر الله عوفني مااريدك دمرت حياتي والله انت كابوس تعبتني
محمد:اني احبج واريدج وشما اسوين ابقى احبج واختاري لو تقبلين بيه لو اكتل اخوچ والچ مهله يومين وفكري زين وسديته.
رفل:والله هذا مخبل ظليت بالغرفه ماطلعت منها لثاني يوم نزلت لگيتهم كلهم گاعدين صاحني بابا والله بنتي ماافرط بيچ واذا يريدون يكتلون اخوچ خلي يكتلونه ولاتعذبين نفسچ ظليت مدنگه راسي وابچي گالي بابا راح اتفق ويه الشرطه واشوف حل امي من سمعت هيچ گامت تصيح وتعيط تريد الولد يموت لا دخل الشرطه ليروح يسون شي بالولد والله اموت اذا صار شي بوليدي هذا وحيدي گلتها زين واني مافكرتي بيه شراح يصير بيه مفكره بس بأبنچ وگمت وعفتها ورحت للمطبخ گعدت ابچي على حظي اجتي ورايه مرة اخويه وگعدت تتوسل بيه اقبل بيه لو يكتلون اخويه وجهاله يتيتمون وتتوسل بيه وتبچي گلبي تگطع عليها گلتلها الله كريم لاتسوين بنفسچ هيچ .
اذا اتممت قراتها علق
(سبحان الله وبحمده سبحان الله العظيم)
تابعوا البارون ميسر
ليصلكم الجزء الخامس من زواج اجباري.
