زواج أجباري
الجزء السادس
رفل:خلص محمد الغدا وگام واني اكلت شويه بس ظليت گاعده وياهم لان مبين عليهم خوش عائله.
محمد:اكلت على السريع وصعدت للغرفه ردت اصعد قبلها حتى اخاف تصعد وتقفل الباب.
رفل:خلصنا غده وگمنا گعدنا بالهول شويه گمت اريد اصعد استأذنت منهم وصعدت دخلت للغرفه لگيت محمد مدد على الچربايه ويلعب بالتليفون گتله شسوي هنا
محمد:گال غرفتي وگاعد بيها وانتي مرتي.
رفل:گتله غرفتك اشبع بيها واني مو مرتك ولاتفكر بيوم اصير مرتك واخذت الجنطه وردت اطلع وصلت لبابا ولزمني محمد.
محمد:وين ترحين
رفل:اروح بغير غرفه مااظل وياك بغرفه وحده لو أموت
محمد:ظلي بالغرفه والله مااتقربلچ ولا اسوي شي والتريدينه يصير
رفل:ظليت ساكته عفته ورجعت الجنطه وگعدت ارتب بملابسي مجبت ملابس هوايه رتبت غراضي انداريت لگيت محمد يباوع عليه عفته ورحت جبت فراش وحطيته بالگاع ونمت.
محمد:رجعت ترتب بغراضها كيفت اقتنعت تبقى بالغرفه خلصت وحطت فراش بالگاع ونامت گلت خليها براحتها .
رفل :نمت وگعدت العصر ظهري متكسر من نومت الگاع كمت شفت محمد بعده نايم نزلت جوه گعدت ويه عمتي وعمي وجابتنا المره اللي تشتغل يمهم اسمها ام معتز كيك وجاي ظل عمي يعتذر مني گتله عمو هذا نصيبي وسكتت شفت عمتي دغته حتى يغير الموضوع وگام يسأل بيه شمخلصه واشگد عمري ومن هل السوالف تونست وياهم حسيتهم يحبوني ومراضين على سوايت ابنهم نزل محمد
محمد:گعدت لگيت رفل نزلت جوه لگيتها گاعده يم اهلي وتسولف وياهم نزلت سلمت مردت السلام گعدت صحت خاله ام معتز جيبيلي چاي جابتلي چاي شربت ابويه گالي شو مرايح للشغل گتله بعدني عريس وشلون اعوف القمر واروح للشغل وانداريت على رفل غمزتلها وشمرتلها بوسه
رفل:شفته شسوه گدام اهله استأذنت منهم وصعدت للغرفه هذا ناوي يخبلني ياربي اكرها مااريده اوووف گمت ابچي.
محمد:من سويتلها الحركه ضاجت وعافتنا وصعدت ابويه گام يحچي عليه عوف البنيه ولاتظل تلح وياها زين تباوع بوجهك الله بعد اللي سويته وره شويه صعدت للغرفه شفت رفل تبچي گلتلها ليش تبچين والله دموعچ يأذني .
رفل:شفته دخل وگعد يسولف ويايه كلشي مجاوبته گام بدل واجى يمي گالي محتاجه شي مجاوبته وطلع .
محمد:نزلت ورحت على امي حتى اخذها واروح اشتري لرفل ملابس جديده وذهب اخذتها وطلعنا ساعتين ورجعنا
رفل :ظليت گاعده بالغرفه مانزلت ابد وره ساعتين سمعت عمتي اتصيحلي نزلت عليها تعاي رفل اخذتني وياها للغرفه شفت علاليك هوايه انطتياهن وگالتلي هاي ملابس جبتهن الچ لان انتي عروس وردت جابت ذهب گالتلي هاي نيشانچ واعذرينا لان صارت هيچ گلتها عمه مااريد لاذهب ولا ملابس اريد ارجع لاهلي مااريد محمد گلتلي والله محمد يحبچ ويريدچ والايام هي راح تخليچ اسامحينه اخذت الغراض وطلعت صعدت للغرفه وحطيتهن وگعدت ابچي اريد ارجع لاهلي مااريد اظل شويه ودخل محمد شافني ابچي محچى شي دك تليفوني جاوبت امي تسأل عليه گعدت احچي وياها وابچي
محمد:صعدت للغرفه شفت رفل تبچي عفتها لان حقها وره شويه دگت امها وگامت تبچي بالزايد وسدته
رفل :سديت التليفون وگمت رتبت الملابس ولگيت ويه الملابس ملابس نوم خليتهن بعلاگتهن
محمد:رتبت الملابس ومن شافت ملابس النوم حطتهن بعلاگه ورادت تنزل گلتلها وين تريدين بالعلاگه
رفل:اريد اشمرهن مااريدهن
محمد:من كل عقلچ هذني الچ.
رفل:مالبسهن ولااحطهن على جسمي ولاتفكر بيوم يصير بيني وبينك شي مااحبك مااطيقك انت واحد مجرم
محمد :اي مجرم بحبچ وانتظرچ ماعندي مشكله الما تحبيني
رفل:استفغرت رب العالمين واخذت العلاگه ونزلت شمرتها بالزبل وصعدت .
اذا اتممت قراتها علق
(سبحان الله وبحمده سبحان الله العظيم)
تابعوا البارون ميسر
ليصلكم الجزء السابع من زواج اجباري.
