زواج أجباري
الجزء الثامن
محمد:گامت وره شويه لحگتها گلتلها ليش گمتي مجاوبتني سالتها انوب متجاوب تقربت عليها ولزمت ايدها قوووي گلتلها من اسالچ تجاوبين.
رفل:ايدي گامت توجعني عوفها.
محمد:مااعوفها علمود اشوفچ وجع گلبي من تجاهليني واني سويت المستحيل علمودچ .
رفل:شنو المستحيل اللي سويته هددتني وخطفت اخويه وخطيبي ولو مااوفق چان قتلتهم مو هذا المستحيل .
محمد:من گالت هيچ انوب زدت بضغط على ايدها .
رفل:من حچيت هيچ زاد بالضغط على ايدي وگامت توجعني واني اگوله گامت توجعني كافي بس هو ولايمه وعصبي من الوجع گمت ابچي .
محمد:ظلت تطلب مني اعوف ايدها گامت تبچي عفتها واني اگول ليش هيچ سويت بيها .
رفل:عاف ايدي وعفته ورحت صعدت بسرعه حتى لحد يشوفني ابچي ظليت گاعده بالغرفه ابچي وره شويه دخل محمد.
محمد:اسف مو قصدي أذيچ وگومي اخويه يريد يشوفچ .
رفل:اعتذر مني بس اني ممعتبرته اصلا گمت حتى انزل نزلنا اثنينه ومن نزلنا لزمني من ايدي ردت اوخره ماگدرت شفت اخوه سلمت عليه يعرف بالقصه بس مگايل لمرته لان يعرفوها كلهم گعدنا تغدينا ويضحكون ويسولفون خلصنا غده وگعدنا بالهول شربنا چاي اخوه لمحمد اخذ مرته وجهاله ولد وبنيه وراحوا لبيتهم صارت عنده شغله مگدر يظل ظلن البنات وحده عدها ولدين وحده عدها بنيه ولد ظلن يشاقن ويحچن على محمد گام محمد وصعد وگعدن يحچن شلون يحبني وشسوه حتى يخطبني وووو لحد مااستأذنت منهم وصعدت ارتاح
رفل:لگيته نايم على الچربايه اريد انام على الچربايه ظهري وجعني من الگاع .
محمد:اي تعالي نامي احد لازمچ .
رفل:رحت جبت مخاد اثنين وحطيتهن وسويت حاجز ونمت .
محمد:سوت حاجز بالمخاد واني اباوع عليها وخربان ضحك.
رفل:نمت وگعد لگيت محمد ماكو نزلت خواته رايحات ظليت گاعده ويه عمتي تعشينا وتعللت وصعدت .
مرت ٣اشهر وعمي وعمتي سافروا كم يوم ويرجعون واني ومحمد وحدنا بالبيت فد يوم گاعده واگلب بالموبايل وطلعت صور اهلي ومشتاقتلهم گلت من يجي محمد اگله يوديني لبيت اهلي سمعت محمد يصيحلي نزلت .
محمد:شلون الحب .
رفل:گمت ادور بصفي واباوع يمين ويسار وهو واگف يباوع .
محمد:شبيچ شدورين.
رفل:ادور على الحب مالتك مو سلمت عليه.
محمد:من گالت هيچ طگيتها بضحكه گايمه تنكتين ست رفل اروح اسبح واجي نتغده.
رفل:رحت اصب غده ويه ام معتز .
محمد:نزلت ولگيت رفل تنتظرني.
رفل :بيني وبين نفسي اگوله لو لا .محمد اريد اروح لاهلي .
محمد:ماكو روحه واني بگلبي اخاف تروح وبعد مترجع .
رفل :ليش والله مشتاقتلهم صارلي ٣اشهر مشايفتهم.
محمد:ماكو روحه يعني ماكو روحه.
رفل:عفت الاكل وصعدت للغرفه گعدت ابچي ياربي والله مليت وتعبت ومشتاقه لاهلي .
محمد:اذا خليتها تروح اخاف اهلها يهزموها صعدت لگيتها گاعده تبچي عفتها محاچيتها شي .
رفل :خلصت اليوم بالغرفه منزلت جوه ولا تعشيت نمت گعدت الصبح ملگيت محمد.
محمد :گعدت الصبح ورحت لبيت رفل دگيت الباب وطلعلي ابوها سلمت عليه ودخلني وگعدت احچي وياه وطلبت السماح منه ومن امها واخوها سامحوني گلتها خاله اخذچ ويايه لرفل مشتاقتلچ واسويها الها مفاجاءه اخذتها ورحت لبيتنا .
رفل:گعدت شفت محمد ماكو نزلت تريگت وصعدت بدلت .
محمد:رحت صعدت صحت رفل ام معتز متخربطه بالمطبخ مدري شبيها .
رفل:شبيها هسه صعدت من يمها رحت نزلت اركض وشفت امي گاعده بالهول وركضت عليها احظن بيها وابوس .
محمد:سويتلچ مفاجاءه وجبتلچ امچ بعد شتريدين .
رفل:شكرآ محمد.
محمد:ادللي حبيبتي عفتهم براحتهم.
رفل:والله مشتاقتلكم ماما بابا شلونه اخويه كلهم زينين ويسلمون عليچ گلتلها شلون اجيتي اجى رجلچ وطلب السماح وابوچ سامحه هسه عوفينه انتي شلونچ اخبارچ.
اذا اتممت قراتها علق
(سبحان الله وبحمده سبحان الله العظيم)
تابعوا البارون ميسر
ليصلكم الجزء التاسع من زواج اجباري.
