هاي ..
تفاعلوا لطفاً ..
✪ 𝙲𝚑𝚊𝚙𝚝𝚎𝚛 1 ✪
الكويت ، العبدلي ، الخميس الساعة 2 الظهر .
كانت الشمس متوسطة السماء على الحديقة الكبيرة اللي فيها ثلاثة أشخاص
و الأشجار الكثيفه معطيه لهم الظل يحميهم من ضوء الشمس
واقف بزيه العسكري بنظارته الشمسيه ، مع عمه و هندي 'سليم' .
زايد : " باجر إنشالله يجون " يتمشون في المزرعة .
جابر : " اي إنشالله ، أسمع يا سليم ما يبي أي وصخ مني مناك ، كله نظف زين؟ "
سليم : " اوك بابا ما في مُشكل " وهو يهز راسه كعادته
التفت للعسكري اللي جنبه
جابر : "توك جاي من الدوام جان ما جيت و تعبت نفسك "
زايد : " لا عادي يا عمي ، بس حبيت أشوف المزرعة قبل لا يجون ، تعرف أول مره أحد يستأجر المزرعة فتحمست " ضحك بأخر كلامه و يبتسم معاه عمه جابر
جابر : " أجل يلاه مشينا " حط يده على كتف زايد وهم يمشون .
علي : " يععع غصب يعني نجوع على ما يجون ؟ " تأفأف و هو منسدح على الغنفه
و كمل " يمه جوعان يلا عفيه حطيلي بروحي أجل " ، أمه خزته و دخلت المطبخ
منيرة 'امه' : " بحطلكم و بخلي لأبوك " دخلت المطبخ
أبتسم علي بإنتصار و إلتفت يطالع التلفزيون على ما تحط الغدا .
منيرة : " ديما تعالي أخذي السفره حطيها "
ديما : " انشالله " قامت و اخذت السفره .
واهما ياكلون
علي : " سمعت إن فيه أحد راح يستأجر المزرعة اسبوع كامل "تكلم و فمه مليان عيش
منيرة : " اي اي ، كل وأنت ساكت "
علي : " شدعوه يمه كل هذا لانچ ما أكلتي على خشت أبوي " ضحك
و اخوانه ضحكوا معاه ، ' ديما دانه و خالد '
منيرة : " منزينك أنت و أبوك عاد " حطت لقمة كبيره بفمها
خالد : " احح " ضحك و أمه عطته نظره ' ابلع العافيه ' و سكت و كمل أكله .
