✪ 𝙲𝙷𝙰𝙿𝚃𝙴𝚁 13 ✪
علموني اذا فيه اخطاء إملائية :/
الساعة 8:13 فالليل
عند برجس
في بيت كبير ، تغطي عليه الأشجار سوره الملتف حوالي البيت ، كان قاعد على أحد الكراسي الحوش يطالع بالسما يفكر
" هييي انت ما طقت چبدك من القعدة هنيه !" سمع صوت غليظ ورا ظهر
التفت يشوف صاحب الصوت ولقى ولد زوجة ابوه !
برجس " والله عاد طقت چبدي ولا لا مالك شغل " تكلم من طرف خشمه منزعج من حركات هذا المحسن اللي كل يوم تزيد
محسن " شنو اللي مالي شغل ؟ بيتنا هذا و ابي اقعد بمكان بعيد عن وجهك انت وأخوك "
كان يشوف محسن يقرب منه - شكله يبي يتهاوش - زفر بقوه ماله نفس حتى يتكلم معاه
برجس " انت واحد مشكلچي و جاهل و الصراحه انا مالي خلق لأشكالك اتكلم معاه " وقف يقابل محسن
فرق شاسع كان يشوفه بينه و بين محسن الواقف چدامه
ملابسه الماركة ، من ساعته اللي على يده الى جواتيه كان يشوف فرق
مقارنة فيه كانت ملابسه جداً عادية
محسن " أشوفك بتنحاش " ضحك متكلف الوقفه له مغتر او حتى متكبر ، كانت واضحة انه يستصغر برجس
مارد عليه برجس و مشى للملحق متجاهل قطات محسن عليه و على اخوه و حتى ابوه !
صك باب الملحق واللي اهي غرفته مع ابوه و اخوه سيف ، هما الثلاثة يعيشون من سنين بهالملحق الضيق عليهم
و محسن و امه و اخته ناديه 'اللي اهي اخته من ابوه' فالبيت الكبير لهم لحالهم ..
عايشين بفقر و زوجة ابوه سالم و عياله من ابوه عايشين مُترفين
بعد ما تزوج سالم منها و بعد ما خسر وظيفته و مهنته و حتى نفسه و كرامته خسرها بهالسنين اللي مرت عليهم
كانوا عايشين بضيق الدنيا ، مضايقة خوالة من صوب و مضايقة زوجة ابوه و محسن من صوب ثاني
يستعسرون عليهم حتى باللقمة ..
كارهه عيشته و سبب كلامهم اللي يتنقلونه بكل بمكان و ينعاد و يتكرر چدامه
أنسدح على سريره مع انه الساعه ثامن الا انه يبي ينام مخلي كأبة عيشتهم بعيد عنه
