هايي 🏃🏻♀️إنجوي
✪ 𝙲𝚑𝚊𝚙𝚝𝚎𝚛 2 ✪
الكويت ، الجمعة الساعة 1:23 الظهر ..
كانوا كلهم بديوانية ، اللي يتقَهوى و يطالع التلفزيون ، و اللي يلعب الايفون ، و ما كان أحد يتكلم مع الثاني .
دش زايد عليهم توه جاي من غرفته
زايد : " سلام عليكم " ابتسم بهدوء ، ردو عليه و قعد جنب سعود
عبدالله : " زايد أبيك تروح لِـ الإبل تشوف شعندهم "
زايد : " ليه شصاير؟ " سأل وهو يَصْب له قهوه .
عبدالله : " والله داق علي الهندي يبي لهم أغراض ، شوف شيبون " تكلم ويطالع تلفونه
زايد : " انشالله يُبه " أبتسم و لف وجهه على تلفزيون .
علي كان ساكت و يطالع فيهم
علي بنفسه * يع و ليش هو ما يروح هالعود * قلب عيونه
علي * لحظه انا شكو فيه بعد ، انشالله يكرفونه كرف شدخلني استغفرالله بس *
اتجهت عيونه لتشوف زايد ، كان ساكت و يشرب قهوه
علي * ليش ما يقول لا و يفك نفسه ؟ * زفر بقوه و طالعوا فيه ارتبك و طلع برا بسرعه
علي * علي انت شكو فيه ... ياكل زق *
رن تلفون زايد و شاف رسالة من ماجد ، إبتسم و رفع راسه يشوف ماجد جنب ابوه ، فتح الرساله
ماجد : أبي اروح معاك ، عادي :)
رد عليه : ايه
سكر و كمل يشرب قهوته ، بعد ربع ساعة تغدوا و خلصوا و طلع زايد برا يكلم مُنير ' الهندي '
زايد " الو ، هلا مُنير ، تبي شي ، انا جايكم بعد ساعة تقريباً " كان جنبه ماجد بس ما انتبه له
خلص و سكر تلفونه و شاف ماجد ابتسم
زايد : " مجودي يلا مشينا اركب " مسك كتفه و دخلوا البيت
زايد راح لامه " يمه يلا اركبوا أقطكم على دربي ، اي و ترا راح يجي ماجد معاي " تكلم و هو يلبس نعوله