و شكراً على التفاعل اللي طاف✪ 𝙲𝙷𝙰𝙿𝚃𝙴𝚁 9 ✪
الساعة 1:59 الظهر ، مدرسة المتوسطه
على أخر حصه
كان برجس و علي بروحهم يتمشون بالممرات المبنى الثاني من المدرسه
واللي كان فاضي من الطلبة ، مبنى قديم .
برجس : " صيجك انت ؟ " كان يحاول يستوعب كلام علي المتحمس و مستانس
حتى علي بنفسه ما كان مصدق ١٣ سنه وقت طويل حيل
علي : " اهخ والله انا نفسي مو مصدق " تنهد و ضحكته ما فارقته
برجس كان اللي صادمه أكثر حركات علي
وين علي العصبي و النفسيه و الثقيل ؟
سأل نفسه هذا و ابتسم لـ علي
برجس : " اللي يشوفك جذيه متحمس يقول بتسدحه على السرير الحين " ضحك و ضحك معاه علي
علي : " كل خرا زين " قعد على الارض و شرب ماي
علي : " ياخي حر " كشر على العرق اللي بجبهته و مسحه
برجس : " والله شسوي بالقسم وليد قُبس و ما يتزحزح " تغيرت ملامح وجهه لـ مزعجه
طالعه علي : " شفيك عليه ؟ ترا مو ذنبه انه بطيء استيعاب و بعدين اهو متزوج " وقف يقابل رفيجه بوجه جدي
علي : " و إنته ما لقيت غيره؟ " دف كتف برجس بخفه و ضحك
محاول يلطف الجوو ما لقى من برجس الرد ، كان واضح انه منزعج
علي : " اذا تبيه صج روح قوله " رفع راسه من برجس و قام يطالع حوالينه
چنه اللي قاله شي عادي !
خزه برجس بنص عينه چنه اهو الثاني ما صدق احد يقوله هالحچي
برجس : " يسوى اقوله ؟ " صدق
ضحك علي ، مو معقوله برجس ياخذ كلام علي
علي : " إنته من صيجك صدقتني ؟ في أحد يسمع كلامي أنا ؟ " ضحك
برجس : " والله اللي يشوفك يقول ما منك فايده بس شوف هذا اهو زايد يمك الحين "