قيصر : وين الشهود؟ اعرفكم على نفسي اني قيصر قاضي ويمكن اصغر قاضي صار بالمحكمة من چنت صغير انه انسان مصلحتي فوق الجميع چان هدفي اصعد بسرعة بأي ما بفترت شبابي كل الشباب تطلع وتمشي وشي عندة سوالف بنات اله انه چنت جدي ودقيق باختيار اصدقائي فقط الي استفاد منه اماشي يعني حته زواجي چان علمود مصلحتي علمود اصعد بالمحاماة وتعييني قاضي صح بجهدي بس الفضل لابو مرتي وهة اصلاً ليش ازوجتهة هية تدري انه مزوجهة علمود مصلحتي ومتحمل منه انواع الحجي ما يوم فكرت اخونهة او لاي خلگ لهاي السوالف بعدني محتاجهة بالنسبة للحب شي عمري ما اعتبرته موجود وهم الناس تخدع نفسهة بي خدعة علمود تسير الحياة دخلت رغد سيدي هاي الشاهدة . رغد : اعرفكم على نفسي اسمي رغد رابعة هندسة حاسبات ما مرتبطة صار حادث وية صديقتي بالجامعة انخطفت وصديقتي چان عندهة علاقة وية ولد ويانة بالكلية بس الولد راد منهة علاقة غير شرعية وهية رفضت هذا الشي فهددهة اكثر من مرة الى ان انخطفت وصديقتي اهلهة كلش عائلة محترمة ومثقفة مو مال سوالف عشائر فاشتكو بالمحكمة على الولد بعد ما سولفت الى بابة كلشي وكتلة بابة البنية مخطوفة مو شاردة فبابة قرر ايخبر اهلهة واشتكو بالمحكمة واني وكم طالب ويانة صرنة شهود . طبعاً اني اول مرة ادخل محكمة وكل اعتقادي المحكمة مثل المسلسلات المصرية وكذا بس الصراحة انصدمت بيهة هههههه خابت امالي. المهم صاحوني للشهادة المحامي متفق ويانة شنو انگول بالترتيب دخلت اني واثنين طلاب من دخلت شفت القاضي ايخنزر علية متت خوف ردت اطلع بس هوة حجة ومدنگ على الاوراق منو رغد كمال سالم . اني استاذ .. چان يضرب الميز بقوة ويصرخ گولي سيدي اني ما گدر اتحمل الصرخة فدمعت عيني وسكتت
قيصر: سالت عن اسمهة وبكل تفاهة اسمع صوت ناعم ايگلي اني استاذ شنو استاذ گاعدين بمدرسة احنة فصرخت وضربت الميز علمود تتعلم اشلون تحجي عدل وية القاضي وبنفس الوقت راح ترتبك وماتعرف اجذب عدل فراح اكشفهة هاي الحركة كل القضاة السويهة بس هذا كلة واني ما شايفة من رفعت راسي واشوف ابنية لا هاي ملاك اكيد وانوب الخوف امسويهة اتخبل الدمعة بعينة والوجه احمممممر وشفايفة وردية اخذتلي ثواني صافن بيهة حسيت گلبي ظل ايدگ بسرعة الى ان صحيت على نفسي وگلت مايصر تحجين وية قاضي واتگوليلة استاذ المفروض اتگولين سيدي . - اسفة سيدي ..واني امسح بأدموعي
خرب حضي هاي من وين طلعتلي بعد ما اتحمل معقولة هيج مرة تگلب كياني احس جسمي گب نار من ورة هل رغد ( يحجي بينة وبين روحة ) رغد اشگد عمرج وياريت تحجين على احداث الخطف وكلش اتعرفي . - سيدي عمري 23 سنة اني صديقة منار من ايام المتوسطة ودرسنة سوة بالمدرسة و دخلنة نفس الجامعة منار من عائلة متحررة عدهة عادي تحجي وية الطلاب بالجامعة واسأل عادل و محمد الى ان اجة حسين وبدة يتقرب الى منار منار جانت اتعاملة معاملة زميل بس هوة مجان مفتهم الموضوع حسبالة هية معجبة بي وجان ايسوالف للشباب ايگول انو منار اتحبة وهية معترفتلة الى ان سمع عادل ومحمد وهمة اصدقائنة واخوان النة فما رضو بالموضوع واجو حجو ويانة فرحنة اني ومنار حجينة وية حسين نحجي ويا منا اجيبة منا ميقتنع وايگول اني احب منار وارد ازوجهة فصرخ بوجهة منار لو تبقة اخر رجال مراح ازوجك فهوة لزمهة من سترتهة وگالهة اني اعلمج اذا ما ذليتچ مطلع اني حسين مر اسبوع حسين ما مداوم وميار جانت كلش خايفة فگلت رغد احس حسين جاي ايخطط على شي گالتهة ما اعتقد يعني شنو ايريد ايسوي فرجعت للبيت هية عدهة سيارة وبليل دگت علية ام منار تسأل عليهة وگالت ما راجعة للبيت ومن ساعتهة هية مختفية . - هذا الحجي مو دليل كافي على خطف حسين الى منار ايجوز سرقو سيارتهة . - سيدي عادل ومحمد شاهدتهم اقوة من شهاتي بس اني عندي القصة من البداية .
انعل ابو عادل لا ابو محمد ما اريد اخلص الحجي وياج انوب من تحجي ودي اطفر اكل شفايفهة ولك قيصر هود ولك هاي بعدهة اصغيرة وانت اشكبرك ولك قيصر انت وين وهاي السوالف وين ..عادل انت ومحمد قسمو بالقرأن واحجو الي عدكم عادل : اقسم اني اقول الحق سيدي اني صديق حسين المقرب من منار حجت وية حسين هو جن اجنونة وطلع من طورة فرحنة اني ومحمد لبيتة علمود نطمأن علية بس لكينا بالغرفة گاعد وايدخن وايباوع على التلفزيون ويضحك فسالنا ليش ما مداوم گال ما اداوم الة اكسر خشم هاي الحيوانة گتلة حسين عوفهة البنية ما تريدك گال وهو ابكيفهة بس اصبرلي اذا ما خليتهة ما تگدر ترفع وجهة باوجه احد بعد سالتة شنو راح اسوي گالي انت اصبر وراح اشوف ومن اختفت منار حجت ويانة رغد فدگينة على حسين مرة مريتين ما رد وبعدهة غلق التليفون رحنة لبيتهم گال ابو حسين صالة يومين ما راجع للبيت وايگول اني مسافر لبغداد سالتة كتلة وجان يطلع گالي حسين يطلع ويدخل محد يدري بي . - انت متأكد من هل الحجي ؟ - نعم سيد . - وانت محمد نفس الشي ؟ - نعم سيد اني وعادل چنة سوة واذا ما اصدگنة استدعي ابو حسين وسالة .
خرب حضي المفروض اصرف الشهود يعني مراح اشوف هاي بعد لا خو ماكو شي .ولك قيصر استعوذ من الشيطان لا تهدم كلشي
تأجل القضية الى تاريخ ١٢ بالشهر مع حضور الشهود البحث عن واستدعاء المدعو حسين جعفر جاسم وايضاً المدعو جعفر جاسم رفعت الجلسة .
رغد طلعت من المرافعة واني كاتلني الخوف من القاضي يارب خزاني خز احس اعيونة اكلتني من فوگ اليجوة عشتو هذا قاضي جا اشبقة لولد الشوارع .
من طلعت رغد واني گمت رحت للحمام حسيت وجهي گب نار رحت غسلتة واستعاذيت من الشطان والافكار السودة الي تخطر بالي اريد اوخرهم ماكو
———- شخصيات القصة تشبهة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
رغد من شافهة قصر
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
