القاضي و الشاهدة

2

كلة بسبب المشاكل الي بيني وبين جنان خلتني اباوع على وحدة بهل عمر مرت الايام واجة يوم ١٢ جلسة الخاصة بمنار طبعاً موتت روحي واني واوصي الشرطة ايدورون على حسين بس مختفي والشرطة كالو بقة امل بس يفتح تليفونة ومن خلال ٱڵـشبكة انحدد الموقع .
بدت الجلسة وسالنة ابوحسين والرجال چان كلش خوش انسان ومتعاون وانطانة مجموعة اماكن اندور بيهة على ابنة وگال حسين چان ايگول لمة ايريد يخطب منار وجان صدك ايحبهة لهذا السبب سوة الي سوى.
قيصر: يعني انت متأكد انو ابنك هو الخاطف.
ابو حسين : اني ما متأكد بس شاك حالي من حالكم .

گال القاضي الايمن سيدي الشهود البقية ما دخلتهم .
- يا شهود ؟
- البنية والولدين.
- منو طلبهم مو خلصت شهادتهم ذيج الجلسة .
- انت طلبتهم .

وجان اذكر البنية وساعتهة حسيت بفشلة معقولة اني هيج سويت ومن فشلتي گلت ها نسيت دخلوهم
دخل الولدين وهية دخلت وراهم تمشي مدنگة اني سويت روحي اكتب وگلت الشاهدة رغد آنتي مو صديقة الضحية منار ؟
- نعم سيدي .
- آنتي متأكدة منار انخطفت ايجوز هية راحت بأرادتهة .
- رديت علية واني متنرفزة من اسلوبة ..سيدي شنو قصدك يعني شاردة شنو هل الحجي بالة انگلك البنية ماكو وابو الولد ايگلك هو شاك خاطفين منار وانت اتحلل ابكيفك ...

قيصر : هية تحجي متنرفزة ورافعة حاجبهة واتأشر بديهة واحلة شي بالموضوع حاطة عينة بعيني وتحجي يارب صبرك على هل البلوة من وين طلعتلي ولك قيصر المراهقة هسة طلعتلك
آنتي احجي عدل الي گبالچ قاضي مو طالب وياج وراح احترم انو آنتي بنية چان هسة خليتج بالتوقيف لمدة يومين .
وخلست من سمعت توقيف خلصنة وطلعت هية واني ومرت الايام والشرطة گدرت تألگة حسين ولگو ويا منار چان حابسهة بيت بالزبير واني ما گدرت انسة هل البنية ابد وخاصة من حجيت وياهة بالمرة الثانية بس شنو اسوي علمود اوصل الهة من المعلومات الي جبتهم عليهة هية مو من النوع الرخيص ولا عدهة علاقات واهلهة خٌوش ناس ومن غير البلوة الي عندي بالبيت خاف تسمع بالموضوع من معارف ابوهة فضليت بس افكر بيهة بعدهة  لازم اصحة شهل خربطة انه وين وهل سوالف وين فترة وانساهة عادي .. مجرد بنية عجبني شكلهة لا اكثر ولا اقل

رغد : منار رجعت للبيت وحالتهة حالة من ورة هل الكلب حسين اني ما گدرت احجي وياهة بسبب وضعهة ورة يوم رحت الهم لگيتهة نايمة عفتهة ورجعت ثاني يوم دخلت لبيتهم امهة حجت وياي گالت منار ما نزلت من فوگ من البارحة وماتقبل تحجي وية احد بالكي تحجين وياهة آنتي صاحبتهة
اني صعدت دگيت الباب ودخلت لگتهة نايمة على الجرباية وتباوع بتليفونهة رحت شبگتهة وباوستة وگعدت يمهة .

- منار لو اسولفلج شنو صار بالمحكمة ولج شسولف وشسولف .
-!!!
- اتعاركت اني والقاضي وراد يسجني .
- لا جذب .
- والله والقران .
- ليش ؟!
- گال ايجوز منار مو مخطوفة يعني يقصد آنتي شاردة بس اني ما قبلت وگتلة شنو تقصد يعني شاردة وضليت اصيح علية فهو راد يسجني .
- هههههههه .
- اتضحكين واني صوجي ادافع عليج وانتي اضحكين علية .
- رامبو ادافعين علية من القاضي ولج راد يستفزج بالحجي اشبيج .
- ايولي هذا القاضي الما يستحي عوزة بس ايرقمني .
- السالفة طويلة گعدي سولفيلي .
- آنتي المفروض اسولفين الي على حسين و صالج اكثر من اسبوعين مخطوفة .
- رغد ما اعرف شنو أگول والله.
- بس لا اعتدة عليج .
- لا ما سوالي شي .
- جا شنو سوة ؟
- كلشي ما سوة بس اول يوم خطفني وداني البيت اول ما دخلني ظل ايصيح وايرگع بالغراض وبعدهة قفل الباب وطلع اجة بالليل اني جنت ناطة من البجي هوة دخل شافني ابجي اجة وحط علاگة اكل وگعد يمي وگال ما اريد اشوفچ تبچين لا هسة اسوي شي ما ايعجبچ ظليت اتوسل بي ايعوفي لزم حنچي حيل وگال مو ابكيفچ آنتي مو اني الي مرة ترفضني گتلة حسين اني معتبرتك اخ صرخ علية وگال اني مو اخوچ اني احبچ احبچ واخذچ غصبن عليچ گتلة واخذلة يومين هيج وبعدهة گعد بعيد عني وايسولف وياي هوة ليش حبني وليش هيج ايسوي وياي وگال هوة ايحبني لحد الجنون ومستعد ايموت روحة وما ايعوفني صراحة اتعاطفة ويا بس الي استغربتة ابد ما حاول يتقرب مني گتالة حسين انت ليش خاطفني گال ما اعرف ايجوز ارد اكسر خشمچ اني ردت اسوي وياج دگة ناقصة بس ما گدرت لان احبچ وما ارد اذيچ واخاف اذا ارجعچ اهلج ايكتلوج واني ما انحمل اعيش بعيد عنچ .
- هذا مسودن ولج .
- لا خطية ولج كلش حباب .
- شنو شنو بابة خطيتيش خاطفچ ومبهذل احوالج وانتي اتگولين خطية .
- اريد احجي وية بابة يتنازل عن الدعوة وايطلعو .
- لا اكيد تشاقين .
- جاي اگلج والله فقير چان خايف ايرجعني واهلي ايكتلوني.
- بس لا حبيتي ؟
- ما ادري .
- لا تحجين صدگ تشاقين .
- ما اعرف تعاطف ويا او حب ما اعرف رغد مشاعري كلش مخربطة بعد الحادث بس كل الي اريدة اتنازل عن القضية وبس .
- ما يسوة بهذلتي گبال هذا الكوسوفي .
- يا كوسوفي !!!؟
- القاضي جنة عمار الكوسوفي و خلصهة علية بس اصياح .
- تستاهلين .
- دروحي ولج لو اشوفين شكلي واني اشوف المحكمة حسبالي مثل المحاكم الي تطلع بالتلفزيون ولج طلعت المحكمة وصخة ومابية لا قفص .
- يعني شنو ؟
- القاضي ويا اثنين گاعدين على ميز جبير والبقية والمحامي واگف واكو بالغرفة قنفاة والبقية ايگعدون برة الغرفة من ايصيح القاضي ايدخلون .
- لا صدگ هههه اتحطمت احلامج .
- انطحنت  وخاب ضني .

دخلت ام منار ما تجون تتعشون يمة
- اي خالة والله جوعانة ومنار هم صالنة هواي ما ماكلين سوة .
- ما اشتهي .
شاورتهة اذا ما تنزلين تاكلين اگول لبوج اتحبين حسين
- اصخونة كون بعضامچ ولا جني صاحبتچ نازلة يمة .

مرت الايام واجة ابو حسين حجة وية ابو منار وقنعة يسحب الشكوة عن منار وهوة راح يخطبهة وعلمود يستر عليهة وابوهة ما قبل وگال راح ايخير منار اذا اتوفق او لا والكل استغرب من موافقة منار على الزواج من حسين بس اني لان ادري بيهة حبتة صدگ وصراحة شاكه اكو شي صار بس منار رافضة تگولة
وطلع حسين وصارت خطبت منار وحسين بدون حفلة بس مهر شيخ وبس وحتة محد شاف الثاني هذا شرط منار ومن رجعنة اني وبابة گال بابة راح انمر على السنتر نشتري كم شغلة نزلت اني وبابة ومامة بصرة سنتر مول معروف بالبصرة واني اشتري غراض الي اباوع اگبالي واشوف هذا القاضي بوجهي ما جنت ادري بي هيج ضخم وهيج حلو چان وجهة معصب كلش وضايج ورى حراس ويحجي بالتليفون من شافني ابتسم ابتسامة جمدتني بمكاني شنو هذا والله حلو وخر العربانة واتقرب مني وگال
- هاي آنتي هم طلعتي الي .
- سيدي اني اسفة اخر مرة صيحت عليك .
- ولج لا تحجين هيچ وياي مو حتة گلبي راح يوگف من وراج .
- العفو شنو تقصد ؟!

قيصر جنت احجي و ية جنان نزلتي اشتري غراض الة اني وطالعة روحي منهة وجان اشوف رغد گبالي معقولة ظليت اتخيلهة گبالي بعدين باوعتلهة اتباوعلي لا ما معقولة اكيد هاي حقيقة واني احجي وياهة ما اعرف اشلون ظليت اشمر بالحجي معقولة اني قيصر الي ارج المحكمة هاي اتهز گلبي لا اكيد اكو خطأ فنتبهت على روحي من شفت ابوهة جاي بتجاهنة .
- يعني لان اللسانج طويل ما متعود على الرقة بصوتج .
- هههههههه ها حسبالي شي ثاني اشوة اذا ما عندك شي اعرفك على بابة .

اويلي شوف الضحكة ولج جنان آنتي مرة وهية مرة ..اي اكيد وينة ابو رغد ؟
- سلام عليكم  قيصر اشلونك ؟
درت وشفتة صديق اخوي  خرب حظي 
- هاي شنو كمال انت ابو رغد ؟
- وين تعرف رغد ؟
- ههههه غير الحظ الغبر عرفني عليهة .
- ام اللسان اشسوتلك
ياخوية صرت قاضي على سالفة صاحبتهة واتعرفة عليهة .
- يعني انت القاضي على قضية منار ؟
- اي .
- ولج بوية لو ادري بي قيصر چان ما رجعتج مرتين للمحكمة صدگ ليش اصيح على بنتي ولك قيصر اذا ما گالت لبوك عليك .
- كامل ما ادري بيهة بنتك والله ....

تشجيعكم هو الي ايخلني اكمل القصة لا اتبخلون بي
En.Zahraa