القاضي و الشاهدة

18

خلصت شغلي ورجعت للفندق دگ علية ابوي رفعت الخط

- الوو هلة بابة اسفة ما دگيت بس عندي شغل.
- العفو اختي بس صاحب والي ويا شنو ايصيرون منچ؟
- منو انت وليش انت اجاوبابوي وين ؟
- الرجال الجبير بالعناية المركز وامرة والشاب الي وياهة انطوچ عمرهم البقية بحياتچ اختي وياريت تجين علمود تستلمين الجثث همة بالمستشفة الحلة التعليمي .
- اسفة ما جاي افهم شنو اتگول انت متأكد اهلي ؟
- اي نعم مكتوب بالجنسية كمال ...

طاح التليفون من ايدي وبقيت مصتكة بمكاني شنو أَامٌَِْي و حمود ميتين ... من گد الصدمة طلعت من غرفت الفندق بلة حجاب رحت للمدير العام مال الشركة ودگيت باب غرفتة فتح الباب وظل مصدوم من شافني بلة حجاب والدموع تنزل دار وجهة

- استاذ ارد ارجع للعراق هسة الله ايخليك .
- يا بوي وش الي صاير معاچ ليش چي حالچ ؟!
- استاذ ارد ارجع اتصلو علي گالو امچ واخوچ ماتو وابوچ وضعة حرج ارد اتأكد بالكي مو همة الله ايخليك..
- انشالله يا بنيتي بس ما اهدي

چانت الغترة على چتفة نزعهة وحطاهة على شعري وگالي

- يابوي اني اعرفچ گوية وانشالله اهلچ مابيهم بس العافية لا آنتي روحي الحين لغرفتچ وانشالله احجزلچ للعراق.

عفتة ورجعت ما اعرف شنو اسوي ما عندي احد اتصل علية بالعراق وكل علاقتي وية الناس اني گاطعتهة بس عندي ارقام ودع فتصلت بودع طوط اول مرة ما ردت ثاني مرة انرفع الخط

- الووو !!!
- الووو ودع اني رغد حبابة اريد عمو علاء .
- رغد!!! هلة رغد اشلونچ...
- ودع عمو علاء وين گوليلة بابة امسوي حادث وهوة هسة بمستشفى الحلة التعليمي الله ايخليچ خلي ايروحلة ويا أَامٌَِْي و حمد .
- اسم الله عليهم ما ايشوفن شر هسة اتصل بي واگولة هذا رقمچ اذا اتصل علية احصلچ؟
- اي حبوبة طمنيني اني حالين بالصين وبأول طيارة ارجع.
- مع السلامة خلي اشوف

اصعب ٢٤ ساعة بحياتي شفتهم وكنو ٢٤ سنة المديرلگالي حجز ورجعت للعراق ودع اتصل بيهة ما اترد علية بالمطار دگيت من رقم مرة رفعتة

- هلة ودع اني رغد انتو وين؟
- حمدلله على السلامة وصلتي آنتي للعراق؟
- اني بالمطار.
- تعالي لمستشفى الحلة هناك راح تالگين علاء .
- ودع گوليلي اهلي بيهم شي ليش ما اجاوبين؟
- انشالله ما بيهم شي آنتي روحي اني هسة لازم اسد الخط مع السلامة.

سدتة بوجهي اخذت سيارة من المطار و مباشرة للحلة وصلت للمستشفة اول ما دخلت شفت عمو علاء ويا خالاتي و عمتي وياهم اصدقاء بابة بالشغل وعمو ابو علاء ووكلهم امنگبين وخالاتي وعماتي لابسين اسود اني رجل تتقدم ورجل ترجع الي ورة كلهة من شافوني گب الصريخ بوجهي اجت عمتي يمي اني ظليت جامدة بمكاني هية اتصرخ

- ولچ رغد امچ وحمد راحو ولچ رغد .
- يعني ماتو؟!!

شنو صار بوقتهة بس حسيت الدنية افترت بية وطحت فتحت عيوني على صوت الدكاترة صرت ارد اشوف أَامٌَِْي ارد اشوفهم قبل ما ايدفنوهم.
ابوي بقة بالمستشفة واني رحت وية عماتي ودونة لمغيسل بالحلة ويانة سيارة الاسعاف وگفت السيارة ونزلو تابوبت أَامٌَِْي وحمد اني شمرت روحي من السيارة وظليت الطم على وجهي ياناس هاي أَامٌَِْي اشلون راح افارگهة اذكرهة من جنت اضوج ما چانت اتعوفني الهة تتطمن علية منو الي بعد لو حمد العريس الي اجة علمود عرسة هسة راح انزفة بتابوت للنجف عمتي گومتني ودخلتني جوة المغيسل
فتحو التابوت مالت أَامٌَِْي وشفت ابشع منظر ولچ يمة الموت شمسوي بيچ ركضت عليهة وشبگتهة يمة اني رغد ردي علية حبوبة يمة ردي يمة بس رجعي والله بعد ما اعوفكم يمة رجعي منو يتلگاني وايگلي الله ايساعدچ يمة ببتسامتم اصبح ولچ يممممممممة گعدي لمن اشكي ولچ يمة الدنية صعبة وما اتحمل ابقة بحدي يممة ليش ما اتردين اشلون ايهون عليچ اتعوفيني مو رتي اشوفيني عروسة يمة رجعي والله ازوج مو گلتي اتريدين اشوفين ابني ليش رحتي وعفتيني  صاحت المرة الي اتغسل انتو ما اتخافون الاه وخرو بتهة منهة حتة مو زين على الميتة ..
أَامٌَِْي ما ميتة اشبيكم ما بيهة شي هسة تگعد يمة گعدي خلينة نرجع بابة تعبان يالة گومي ..
احرك بمي ما تتحرك وخالاتي ايريدون ايسحبون بية علمود المرة اتغسل واني ادفع بيهم ما گدرت اتحمل وطحت فتحت اعيوني اشوف بيتنة بالبصرة واني نايمة على رجل أَامٌَِْي وهية تالعب بشعري رفعت راسي واباوع الهة تتبسم الي

- يمة ايگولون آنتي متي😭.
- رغد لا تبچين اني ما متت موجودة بداخلچ رغد ما اوصيچ على روحچ يمة ارد اشوف ضحكتچ الي اختفت من سافرنة رغود يمة اعذريني الموت اقوة مني ومنچ ديري بالچ على ابوچ
- يمة لا اتعوفيني والله اموت بفراگم لا اتعوفيني ارد اسولفلچ على كلشي بس لا اتروحين.
- ما اگدر لازم اروح.

اعيوني ما اگدر افتحهم بس اسمع صوت الاجهزة داير ما دايري جسمي ما احس بي حاولت افتح اعيوني واذكرت شكل أَامٌَِْي ودموعي ظلت اصب وحدهم احس حمد وامي ماتو بسببي لو اني رايحة وياهم ما صار وياهم هيچ اذكر أَامٌَِْي اشلون چانت تتوسل بية بس علمود اگعد وياهم واني ما اقبل ارد ابقة اشتغل و هية اجيبلي اكلي لو اجيب چاي وضل تفتر علية اذكرهة من اتخرجت اشلون فرحانة بية حمد العريس الي قاطة صار الچفن حمد وين راح عشگك مريتك متانيتك ولك خوية مو كتلي اتريد اتعرس واجيب مرتك چان يتعارك وياي ايگلي ما اجيب مرتي يمچ آنتي كئيبة واتغثيهة چان يفتر وايصيح راح اصير دكتور راح اصير دكتور احسن منچ تاليتك يا حمد جوة التراب خوية اشلون ايطمك التراب حمد خاف يخرب شعرك الي جنت اضوج اذا لزمتة ...

——————-
كم شخص بچة😔
En.Zahraa