(قصه فصليه)متاهات الزمن

بارت 1

#متاهات_الزمن
#بقلمي_اونو_ono
#البارت1
كيان/طلعت من العمليه ضايج المريض خسر دم واهله اتاخرو يله دبرو دم وفشلت العمليه ومات طبعن اهله ماحاسبوني لان هذا ذنبهم هم تاخرو
زينب/ حبيبي شبيك كافي اضل هيج ضايج الله يرحمه انته مو اول دكتور ولا اخر دكتور يموت عنده مريض بغرفه العمليات وهذا مو غلطك اذا ماكو دم يله حياتي فدوه لا اضوج
كيان / يله حياتي تدللين ماضوج بس شسوي غصب اضوج هذا حياه شخص وصعب عليه اشوفه يموت جوه ايدي
زينب/ حبيبي هي هاي مهنتنه وكل لعلينه نسوي لنكدرله ولباقي ع الله الله كاتبله يموت قابل شنسوي
كيان/ مادري حيل ضايج راح ارجع للبيت
زينب / اوكي حبيبي براحتك

كيان / مثل مشفتو اني دكتور احب الدكتوره زينب هي هم تحبني صار ع علاقتنه سنتين زينب طبعها  مزعجه بس شسوي مجبور اتحملها لان احبها ...... خل نحجي عليه اني ابن الشيخ اكبر  اخواني يعني اني عون ابويه ومستلم الشيخه من بعده عائلتي متكونه من ابويه الشيخ اسامه وامي واخواني 2 يدرسون بالخارج محمد يدرس صيدله ب لاردن وياسر يدرس تحليلات بتركيا  وخواتي 2 مزوجات وعايشات محافضات اختي ابتهال مزوجه ابن عمي كرم وعايشه بالبصره واختي مسره مزوجه غريب وعايشه ب الحله وماباقي بلبيت غير امي وابويه واني وخاله ام سجاد لي ربتنه من احنه زغار وشايله لبيت ومانعتبره مجرد عامله تشتغل عدنه العكس نحترمه ونحبه وحاسبيها وحده منه ... اما اذا نحجي على طبعي اني عصبي بس كلبي طيب اكره  لياذيني اكون عند ضن الناخيني محد دك بابي ورديته خايب اكون عون للغريب قبل القريب اهم شي عندي عائلتي محد يمسهم واني احب زينب واغار عليها احسها الي ملكي ولوحدي كل ما اكله اتقدملج مترضه وتاجلها اما بعد اجه ليوم لجان صاعقه حياتي اتصلو بيه
ام كيان/ولك يمه الحك ابوك مات وعافنه
كيان/سديت الخط ورحت للبيت مثل الشخص لفقد عقله ...وصلت للبيت دنيا مكلوبه الكل مقهور النسوان ينوحن ويبجن والزلم كلمن شايل سلاحه ردت احد يفهمني ماكو
كيان/عمو سعد فدوه فهمني شلون مات ابوي
سعد(عم يمان)/اكو واحد ماشي سرعه وضرب ابوك ونهزم بس نكمل دفن والله لااسيح دم چتال اخويه
كيان/متحملت ابويه يروح هو اقرب شي اليه جان مو بس اب وشيخ فوك راسي جان اخ وصديق ولاحسيت بسفره اخواني بوجود ابويه ...واكف ع مرايه ولبست دشداشه سوده وساعتي وجت ذكريات ابويه كلها شلون من جنه صغار يلعبنه وجنه اي سر عدنه نحجي اله وجان ميعاقبنه جنت مااخاف من شي لان اعرف ابويه بضهري وسط كل هل ذكريات وي ابوي وشريط حياتي ويا نكطع على سقوط دمعتي ورمي الطلقات والتشيع نزلت لكيت امي منتهيه تبجي وتنوح ام كيان/ اخ ياعمود البيت لنهد راح ابو البيت راح شيخ البيت وعافنه راح نور عيوني وابو جهالي
كيان/ من كد ما امي بجت تخربطت وشالوها لغرفتها كملنه تشيع اني شايل طرف التابوت ونار الغضب شاعله بكلبي اريد بس تخلص الفاتحه والله لا اخذ بثاري من چتال شيخ العشيره ولي حرمني من ابويه وكملنه الدفن وخلصت الفاتحه واخواني رجعو من الخارج وامي مريضه وخواتي يمها
سعد، حسن(عمام كيان)/يتبع .....
بقلمي_اونو_ono