(قصه فصليه)متاهات الزمن

بارت11

#قصه_فصليه_متاهات_الزمن

_اونو_ono

#بقلم_علي_الديواني

تعيل بية بضحكة ترف تهد الحيل..
يعمي شمسوية بأبنا تگلهم حيل..
تباوع علية بعيونها وتغمز وتحيل..
تحيل گلبي علية..

____________11_________


ازل/ورا ما كملو الغدا وسلمت على الخطار رحت للمطبخ اكمل غسل مواعين...بقيت هيج نص ساعة اعزل بالمطبخ ما احس الا واحد وگف على السنگ باوعت هذا محمد...والله آسفة اخوية هسة اغسل المواعين واكملهن كلهن...خفت يضربني من يشوف المواعين لسا ممغسولات..

محمد/هاا؟!..على شنو تتأسفين اجيت اساعدج شفتج وحدج تشتغلين وانتي حامل..

ازل/لا اني اكدر اكملهن وحدي..

محمد/حتى لو عاجبني اليوم اغسل مواعين متعود هنالك بالشقة اغسل مواعين...اسمج ازل..

ازل/اي..

محمد/حلو اسمج..

ازل/شوية هدأت من شفته هيج...بس اهل هذا البيت ما الهم امان هم اخلي حذري..

محمد/اغسل بالمواعين واحجي ويا ازل...ازل اني اعتذر قبل شوية دخلت فجأة وفززتج...مجان قصدي يصير هيج..

ازل/لا خوية على شنو تعتذر مصار شي..

محمد/صيحيلي بأسمي..

ازل/هاا؟!..شنو؟..

محمد/اني هسة اخوج وصرتي مني واني منج صيحيلي محمد واي شي تحتاجين بس گولي...لا تروحين لكيان خلي يولي ههههه..

ازل/اباوعله مستغربة صدك ويطلع اكو شريف بهل العائلة...ان شاء الله خوية..

محمد/شحجينا يمعودة...دگوليلي محمد هسة يلا..

ازل/ليش تريد اگولك بأسمك..

محمد/ما عليةهيج ركبت ببالي اريد اسمع اسمي منج...احجي واسوي حركات تضحك بوجهي وادية ههههه..

ازل/يلا محمد ارتاحيت هسة..

محمد/اي واخيرا هسة راح ادخل الجنة..

ازل/يااا ههههه...تدخل الجنة ليش؟..

محمد/غير نطقت اسمي وحدة من سكان الجنة ههههه..

ازل/منين من سكان الجنة ما تشوف شكلي شلون صاير ههه..

محمد/حتى لو تخبلين انتي...تريدين الصدگ متندم على قراري..

ازل/قرار شنو؟..

محمد/لا ماكو شي...شنو تردين اكلج كالوليلي تزوجها واني رفضتج علمود دراستي...وهسة متندم لان رفضتج...يلا صرتي رزق كيان وهسة انتي اختي واني احافظ على اخواتي..

ازل/شبيك صفنت محمد؟..

محمد/لا هيج ما بية شي...اكلج انتي صاير جنج طوبة روحي ارتاحي واني اغسل المواعين..

ازل/لا لا انتي وخر خلي اغسلهن لا تجي عمتي..

محمد/عمتج؟...وشعليها عمتج؟..

ازل/متقبل اكعد بدون شغل...بعدني اسولف ويا محمد دخلت ام كيان..

ام كيان/ايا طايحة الحظ يا زفرة يا متستحين...دور تريدين تخلين ابني الثاني محبس باصبعج ويغسل مكانج...لزمتها جريتها من شعرها وخليت راسها على السنگ...بنت الحرام هذا مكانج انتي تشتغلين هنا فهمتي..

محمد/اني مصدوم من اللي سوته امي...هاي اللي اگول عليها ام گلب طيب طلعت هيج...انتبهت لنفسي ورحتلها سحبت ايدها عن ازل...يمة انتي شجاي تسوين؟..بعصبية..

ام كيان/يمة دير بالك منها هاي بت حرام...شوف شلون قشمرتك خلتك تغسل المواعين..

محمد/يمة انتي بعقلج ترا اني مو جاهل...واني گلتلها اساعدج وجبرتها اساعدها ليش تتدخلين انتي..

ازل/كل هذا اللي صار واني ساكتة حرف ما نطقت...اخاف اتأذة اكثر...بس محمد وگفلي ووخرها عني...حجابي وگع من جرت شعري عدلتها ووگفت مدنگة راسي يم السنگ..

ام كيان/تبجي...يمة بساعة وحدة گلبتك علية اني امك..

ازل/بدا يبجي التمساح هي اللي سوت المشكلة وهي تبجي نسوان عيارة..

محمد/يمة شنو گلبتني؟..تريدين الحق انتي غلطانة البنية ممسوية شي واجيتي جريتي شعرها غير طلعتيها بت حرام وتسبيها وهي ساكتة محجت..

ازل/ظلت السعلوة ام كيان تبجي بصوت عالي وتنحب...يمة منجن صدگ مينگدر الجن..

محمد/يلا يمة سكتي وهاي بست راسج ما ارفع صوتي عليج بعد...بس تركي البنية بحالها مسوت شي...عمة سجاد..

ام سجاد/سمعت صوت محمد اجيته بعجل...ها يعمة تامر شي..

محمد/عمة عاوني البنية خطية حامل وخلي آخذ امي لغرفتها..

ازل/يا سبحان الله مو مرة طرگاعة احسن من اي واحد بالعالم بالتمثيل...لا ونزلت دموعها بسرعة اني يدگ كيان بية ومتقبل تطلع دموعي بعد..كملنا غسل مواعين اني وام سجاد وكيان كاعد يم صديق محمد...ما اعرف ليش بس ما ارتاحله ظل يباوع علية عبالك يريد ياكلني بعيونه...مشايف وحدة حامل...صار العشا وصبينا الهم العشا واجا محمد اخذه..

محمد/ازل ازل..

ازل/ها محمد..

محمد/لج اليوم اني بس اعتذرلج...بس آسف على اللي صار الظهر..

ازل/لا عادي متعودة..

محمد/هاااا؟؟!!..

ازل/ماكو شي ماكو شي روح منتظرين العشا وارجع اخذ البقية..

محمد/ميخالف...شنز قصدها متعودة معقولة امي دوم هيج وياها...وكيان ليش يسكت مو مرته...البنية حبابة وحتى من سألت ام سجاد كلتلها ازل تسوي مشاكل گالتلي صوت الابرة من تطيح اعلى من صوت ازل...يعني البنية درة مال الله ليش كيان يسكت...تركت الموضوع هسة وگلت بعدين اعرف شنو يصير..

ازل/خلص العشا وكملت كلشي وصعدت انام اليوم كيان ومحمد وصديق محمد ينامون بالمضيف..

المضيف...
........

محمد/ظلينا كاعدين نسولف اني والجماعة صارت الـ11 غفو من التعب بس اني عندي ارق بس افكر بسالفة ازل كلش تعبتني وباقية ببالي...گمت من مكاني ردت اطلع..

آدم/ها محمد خيرك وين؟.

محمد/هاا كاعد لسة عبالي نمت..

آدم/لا اكو سوالف وحسبات ببالي وميجيني نوم..

محمد/حسبات شنو؟..

آدم/لا هيج متسوة..قابل اگلك ظال تفكيري يم مرة اخوك...وهسة اني ما لگيت غير مرة اخو محمد اللي اكثر من اخو الي..خلي اطلع الافكار التعبانة من بالي وانام...زين انت وين تريد؟..

محمد/اريد يم امي شوية وارجع..

آدم/براحتك حمودي اني راح انام..

محمد/تصبح على خير...طلعت من المضيف وتوجهت للبيت بس قبل لا اروح لامي مريت بغرفة كيان اريد احجي ويا ازل...دگيت الباب ماكو احد...ادگ الباب...لج ازل اني محمد عندي حجاية وياج وبسرعة اروح...يمكن تنام يم ام سجاد لان زوجها اليوم مو وياها وتخاف..لگيت ام سجاد كاعدة ومحد يمها..لعد وين ازل لا بغرفة كيان ولا بغرفتج وين راحت؟..

ام سجاد/لا يمة ازل تنام بغرفتها بالطابق الثالث..

محمد/متفاجأ شنو؟...شنو بالطابق الثالث؟..

ام سجاد/يعمة كيان خلاها بهل الغرفة..

محمد/يحجي صدگ مرة حامل بطنها لخشمها وتصعد للثالث...اني الي حجي وياه واريد اشوفه شيسوي...من عصبيتي حتى ما رحت لامي رجعت للمضيف وشايط على كيان...عبالي بس امي مو زينة وياها...طلع حتى كيان..


ثاني يوم....

كيان/صباح الخير..

آدم/صباح العافية خوية..

محمد/......سكتت مرديت باي كلمة...رحت للبيت دخلت المطبخ شفت ازل...صباح الخير..

ازل/صباح النور..

محمد/شلونها ملكة جمال بيتنا اليوم..

ازل/ههههه يا ملكة جمال...متشوف حالي..

محمد/وشنو يعني ملكة جمال مدعبلة ميصير..

ازل/ههههه اذا طحت ما اتعور...بس اظل افر مثل الطوبة..

محمد/ههههه اي صدگ...ومتغرگين لان تطوفين..

ازل/ههههه هم صدگ ما فكرت بيها..

محمد/تدرين امس من ركضتي كدامي عبالي بطة وتركض ..

ازل/لا حباب كافي تقلد علية..

محمد/والله صدگ اجيت اريد اعتذر الج بس بقى ببالي ركضتج وبقيت اضحك..


كيان/تأخر محمد وين الريوگ...آدم حبيبي اترخص منك شوية.

آدم/لا براحتك مرخوص..

كيان/رحت للمطبخ اشوف محمد وين صار طبيت شفت ازل تسولف ويا محمد وتضحك...ضجت منهم شنو تضحك ويا محمد هاي...ما اريدها تضحك ويا اي احد..

ازل/دخل كيان علينا واني من الخوف سكتت...ومحمد هم سكت..

كيان/انتي باقية تتمضحكين وعدنا ضيف منتظر الريوگ ما استحيتي..

محمد/شبيك كيان وياها...اني جنت اضحك البنية ما سوت شي عيب حتى تستحي..

كيان/انت معليك محمد ولا تتدخل..

محمد/بعصبية كيان شنو ما....

ازل/لا محمد ما صار شي كيان اخوك الجبير لا ترفع صوتك عليه..

محمد/سكتت لخاطرها...كيان بعدين نتفاهم...اخذت الريوك للمضيف يم آدم..

كيان/انتي حسابج بعدين ولج...صايرة عندج لسان وتسولفين گدامي..

ازل/سكتت ونزلت راسي بس هذا اللي اعرفله...واليوم على الاغلب يسوي بية شي كيان...هه راح يطلع الضحكة من خشمي...صرت لا مبالية بشنو يصير بية بعد..

............

كيان/رحت سلمت على آدم وطلعت لشغلي وكالعادة زينب بأنتظاري بالمستشفى...وحاليا جاي احاول اتقرب منها اخليها بديلة لأزل هالفترة...صباح الخير..

زينب/صباح الخير حياتي...اجا كيان وكعد على مكتبه بس مبين الضوجة عليه...رحت من وراه وحضنته شبيك حبيبي؟..

كيان/مبية شي...بس تالي الوكت محمد يعلمني شلون اعامل الفصلية..

زينب/بگلبي هم الفصلية شلون متتركنا بحالنا...لا تضوج حبيبي تروح فدوة لتراب رجليك..

كيان/استغليت الفرصة وهي حاضنتني وبستها بشفايفها وخليت شفتي على شفتها شوية...بقت ممستوعبة شي وجمدت شوية...وراها وگفت عدل وخلت اديها على حلگها وصافنة علية بعدها طلعت بسرعة من الغرفة بدون كلمة...اعتقد استعجلت وياها...بس من شفت ازل تضحك حركت شي جواي واخاف ارجع انام وياها ويصير شي بأبني..

زينب/طلعت من يم كيان بسرعة ما جاي يدخل عقلي شنو اليصير وگلبي يدگ بسرعة بين خوف وفرح...هاي اول مرة يبوسني بس مجنت متخيلتها هيج...رحت للمغاسل اريد اصرخ من الفرحة كيان رجع يحبني اكثر ممصدگة نفسي لدرجة باسني من شفايفي..

..........


محمد/أخذت آدم للكراج...لك متخليني اوصلك لكربلاء بسيارتي..

آدم/حمودي تحجي صدگ...هاي وصلتني الكراج كلش كافي...واذا اجيت وياي الا اخليك تبات يمي ما اتركك ترجع..

محمد/هاا يعني تريدها وحدة بوحدة مو؟ ههههه..

آدم/اي لعد شعبالك...

محمد/يلا وصلنا الكراج منا وولي لاهلك..

آدم/ههههه هاا ولك صارت ولي..

محمد/لعد اريد اوصلك تگلي وحدة بوحدة لك متستاهل..

آدم/ههههه يلا اني اترخص منك..

محمد/بوسته وحضنته...سلملي على اهلك وياك..

آدم/وعليكم السلام..

محمد/راح آدم لأهله وهسة اجا وقتي اشوف شنو جاي يصير بالبيت..

...يتبع