(قصه فصليه)متاهات الزمن

بارت10

#(قصه_فصليه)_متاهات_الزمن
#اونو_ono
#بقلم_علي_الديواني

ورد على الخدين والشفايف شلها..
شلها تبتسم وتطيح گلوب وتشيلها..
وشفت طوله ومشيته وروحي شلها..
ترا گلبي بعد مو ألية..

_______

ازل/بعد ما اغتصبني كيان قبل كم يوم ومسح كرامتي بالارض.. وهو عرف اني حجيت عليه وعاد علية كلشي گلته...مجان احد يمنا بس اني وام سجاد...بعد ما عندي اي احد بهل البيت اثق بيه حتى ام سجاد جنت اگول زينة طلعت توصل حجي...ثقتي انعدمت بالناس...بقيت على هذا الحال كل فترة كيان يغتصبني ومثل العبد عنده كمت حتى ما اقاومه اخليه يشبع شهوته حتى يتركني اخاف يعصب ويضربني على بطني لو يوگعني ويصير شي بالطفل...بقيت هيج لمن دخلت شهر السادس بنص السادس بعد ما يغتصبني تركني بحالي..

ام كيان/لج يالفصلية يالزفرة تعالي..

ازل/هاا عمة اجيتج..

ام كيان/عمة العماج نظفي البيت كله انتي وام سجاد وخاصة المضيف راح يجي محمد وصديقه من الاردن اريد كلشي تمام فهمتي؟..

ازل/اي عمة فهمت..

ام كيان/وعمة اي والله يلا روحي من وجهي..

ازل/اتحمل كلشي منهم علمود ابني...ولو مو ابني من زمان انتحرت وخلصت منهم وظلمهم...ام سجاد عمتي تگول نظفو البيت والمضيف محمد وصديقه راح يجي...احجي وياها من ورا خشمي..

ام سجاد/شبيج يمة مضوجج شي كوليلي..

ازل/بگلبي...اكلج حتى يوصل بالتفصيل لكيان...طلعتي مثلهم ضبط هم ما تخافين الله...لا ماكو شي اريد اكمل شغلي حتى ما انضرب..

ام سجاد/روحي ارتاحي انتي اني اكمل..

ازل/لا ما اريد بس يشوفني كيان كاعدة يملخني خليني اتعب ولا هيج انظلم...كمت اشتغل واني حامل بنص شهري السادس وبطني واصلة لخشمي والطفل ثگيل وظهري أذاني...كملت شغلي كله وسويتلهم عشا وصعدت لغرفتي اللي حارة وجمر تذب...نمت وكل شوية افز اخاف يجي كيان..

.........

.........

كيان/كعدت الصبح اريد للدوام دخلت سبحت وكملت ردت ريوگي...هاي تأخرت وين راحت اريد اطلع للشغل...ضليت اصرخ...لج ازل وين ريوگي؟..اجتني تركض والريوك بيدها بس شكلها ما عاجبني خدودها صايرات حمر وتگح...مديت ايدي اشوف حرارتها فزت مني ورجعت ليورا تركتها...لج...عندج الم..

ازل/هاا؟!...لا معندي شي...مبية شي..

كيان/احجي لج وبطلي جذب لا اغير تصرفي وياج...صرخت بوجها..

ازل/اي اي...والله بس راسي يوجعني وبلاعيمي..

كيان/ورجليج عندج الم بيهن؟..

ازل/اي شوية..

كيان/امس شنو جنتي تسوين؟..

ازل/مسويت شي غير الشغل وغسلت النضيف وفراشه..