(قصه فصليه)متاهات الزمن

بارت 24

قصه فصليه متاهات الزمن
اونو
بقلم علي الديواني
بارت24

الورد ينبت على ثنايا شفتيها..
واللؤلؤ يبرق من عينيها..
ولا تسلني عن حرير خديها..
فكيف اصفها وانا عاشقٌ منجذبٌ اليها..

___________________24________

بالمقبرة...

ازل/"تبجي بصوت عالي على گبر ابنها وامها حاضنتها"...ليش ماما ليش تركتني وحدي...مو كتلك ابقى وياي طول عمري...تمنيتك انت تغسلني وتدفني مو اني اني ادفنك...لك مهيمن ليش ليش ليش...ما اروح وياكم خلوني هنا يم ابني ما اريد اروح...اخاف عليه بالليل يبرد منو يحضنه...وهو يخاف من الصوت العالي خاف يكعد وما يلگاني...لو جوعان اي هسة جوعان هو...صدري يدر حليب اريد ارضعه صارلي 3 ايام مرضعته ابني...ماما كوليلهم خلي يطلعوه بس ارضعه لت يخلوه جوة التراب...خاف يختنگ ماما احجي وياهم حبابة.."تحفر بالتراب"..

ام ايمن/لج ماما كافي يبعد روحي كافي عيونج راح تعمى..

ازل/خليها تعمى خليها...تسع اشهر واني متحملة الضيم والقهر والذلة علمودة...تحملت كلشي منهم مفكيت حلگي خليت ابني بعيوني...جان هو فرحتي بهل الدنيا...گلت اي هو العوض الله عوضني بدل ظلم كيان بمهيمن...هو ونستي بالدنيا...جان كيان يضربني وجسمي يوجعني وبس اشوف ضحكته انسى كلشي وراي..

كيان/كلها من وراهم كلها من وراهم..."يتذكر الصار قبل موت مهيمن"..

قبل 3 أيام...

كيان/العب ويا مهيمن واجتني رسالة من حساب اسمه ضيعت عمري...هذا من جماعة ارسلها لعشرة...تجاهلت الرسالة وبقيت العب ويا مهيمن...اجتني اكثر من رسالة بعد من هذا...شنو هالملل والازعاج...فتحت الرسالة شفت صورتي واگف بباب ام شهد...وكاتبلي

ضيعت عمري/"هذا انت مو؟...دكتور كيان؟...ابو مهيمن لو غلطان؟"..

كيان/بسرعة عدلت وضعيتي ورديت عليه.." منو انت؟...وشلون جبت هالصورة؟"..

ضيعت عمري/"مو مهم شلون جبتها "..." بس انت بالصورة؟"..

كيان/حيل عصبت وصار عندي قلق وتوتر مو طبيعي.."انت تعرف ويامن تحجي؟"..

ضيعت عمري/"لعد المن اجيتك اذا ما اعرف...الدكتور والشيخ كيان 😏"..

كيان/اتصلت عليه مكالمة اريده يرد حتى اعرف صوته.."ليش مترد جبان؟"..

ضيعت عمري/"جبان واخاف بس مو غبي"..

كيان/صورتي بالشارع مو شي مهم اكدر اطلع الف عذر.."اسمع لك كلب متخوفني بهيج صورة ولا انخلق اللي يخوفني"..

ضيعت عمري/"لا انت فاهم الموضوع غلط...مو هاي الصورة تخوفك...بس هاي اي تخوفك"..

كيان/دزلي صورة اني كاعد يم البنات ببيت ام شهد وبنات بحضني ومشروب كدامي...عقلي طار مبقى شي عاقل براسي.."انت منو؟وشتريد مني؟احجي كول انت منو؟"...اتصل ميرد لو يرفض احس الوقت وگف ميتحرك بعد...كمت ارجف من العصبية..