(قصه فصليه)متاهات الزمن

بارت 15

#قصه_فصليه_متاهات_الزمن
#اونو
#بقلم_علي_الديواني

من ماذا خلقك ِ الله؟..اخلقك ِ من طين القمر؟..ام خلق شفتاك ِ من كرز؟..ام خلق عيناك ِ من البحر؟..ام خلق شعرك ِ من سريان النهر؟..إخبريني أأنتي ملاك ام بشر؟..

________________15________

ازل/محمد صارله اكثر من شهر من سافر وكيان ميتقرب مني وتركني شوية بحالي وامهم بعدها تنفث سم بكل فرصة تذب حجاية تجرح مثل السجين...واني اسكت ما عندي حول ولا قوة وعلمود ابني...بيوم جنت نايمة الفجر صار عندي الم قوي...وبقيت اتگلب بمكاني من الالم وابجي...بس الالم واد كلش بقيت اصرخ..

ام سجاد/جاي اصلي سمعت ازل تصرخ...تركت صلاتي ورحتلها ركض...دخلت عليها لگيتها تبجي وتتگلب بفراشها من الالم...ها يمة شبيج احجي وياي..

ازل/بطني...بطني ام سجاد سجينة وتدجني..

ام سجاد/عرفت اجاها الطلوگ...رحت كعدت كيان وام كيان...

كيان/ام سجاد متأكدة عدها طلوگ؟..

ام سجاد/يمة كيان شنو صغيرة وما اعرف التطلگ..

كيان/غيرت ملابسي بسرعة ونزلت ركض...لگيت وجهة صار اصفر والشفايف بيض...يلا گومي خلي اخذج للمستشفى..

ازل/تبجي...ما اكدر...ما اكدر اگوم..

كيان/اني اساعدج سندي جسمج علية...گومتها...ام سجاد لبستها ملابس وحجاب...اخذتها للسيارة صعدتها ورا هي وام سجاد وامي يمي بالصدر...بالطريق صار انقباض عد ازل وبدت تصرخ..

ام كيان/اش اش تصرخين...مفضوحة متستحين..

ازل/واني بهل الالم تمنيت الزمها وبصوندة واراويها الالم...وبديت اصرخ اقوى خباثة عليها..

ام كيان/يمة والله جذابة تصرخ جذب هاي الحية..

ام سجاد/خية البنية تطلگ..والم الطلوگ مينحمل..

ام كيان/اكلج اني هم طلگت وبـ5 بس ما صرخت هيج..

ام سجاد/غير انتي النادرة...وهاي بعدها صغيرة..

ام كيان/اي صدك اني جنت نادرة ولسا نادرة..

ازل/كطعت حماوتها بصراخي بدت تجذب..

ام كيان/خرس اي والله كل صوت اقوى من القبله...يلا وصلنا لا تضربيهن اصوات بالمستشفى عيب..

كيان/ازل انطيني ايدج...اخذت ايدها وسندتها بس دخلنا المستشفى صرخت على الممرضين جابولي سدية...نومتها عليها اجت الدكتورة الخفر..

الدكتورة/هاا دكتور كيان خيرك شكو؟..

كيان/دكتورة زوجتي عندها ولادة...اخذتها مني الدكتورة ودخلتها لصالة الولادة...وبقيت انتظر بالممر...هيج ربع ساعة وطلعت الدكتورة..