(قصه فصليه)متاهات الزمن

بارت 17

#قصه_فصليه_متاهات_الزمن
#اونو
#بقلم_علي_الديواني

نظرت الي بعينيها الناعستين فأضعت نفسي...وتدهورت كلماتي..وقلبي طلب اللجوء اليها...فكان لا بد ان استرد كرامتي...فضممتها لصدري..

_________________17________

ازل/بعد اسبوعين من ولادة مهيمن اخذني كيان للمحكمة وعقد علية عقد محكمة رسمي وصرت زوجته بالقانون...بس مو حباً بيا...لا كله علمود يطلع اوراق رسمية لمهيمن لا اكثر...طبعا اني كمت لشغلي...يعني هو مريضة وتوني جبت مهيمن وهيج سوت امه...لعد من اصير زينة طبعا ما تسكت الحية...حاليا مهيمن عمره شهرين...وكيان ابد ميتقرب مني ومعليه بيا بس الحية مستمرة بسمومها...طبعا كيان ما اكول يتركني فد مرة يجي يجر شعري راشدي يصرخ بوجهي بس ما يضربني مثل قبل...كله هذا لعيون ابنه وبس...مو مسألة بدا يحترمني او اي شي...بس حاليا اني فرحانة كلش...لان الاسبوع الجاي راح يرجع محمد...صدك احبه مثل اخوي ومشتاقتله...حتى مكدرت اتصل بيه هالفترة وهو بالسفر...سمعت صوت ابني يبجي...ام سجاد اروح لابني ارضعه وارجعلج..

ام سجاد/روحي رضعيه خلصت مبقى شي اكمل وحدي..

ازل/ان شاء الله..

ام كيان/وين رايحة...وخلت ايد على ايد وتباوع صفح..

ازل/بس ارضع مهيمن وارجع للشغل..

ام كيان/انتي خوش حصلتي عذر حتى تتركين الشغل مو؟..

ازل/عمة اذا تريدين خلي مهيمن عندج واني اكمل شغلي كله..

ام كيان/اي حتى من يجي كيان تكوليله امك متخليني ارضع ابني وتخليني اشتغل النهار كله مو؟..

ازل/بگلبي هاي سوالفج انتي هيج جذابة...لا تسويني مثلج...لا عمة صدك تحجين شلون اسوي هيج...انتي بيبيته وتخافين عليه اكثر مني ومن ابوه..

ام كيان/اي بس كدامي هيج الحجي ومن يجي شكل ثاني..

ازل/استغفر الله هاي الحية شلون هسة اخلص منها...اترخص منج عمة ابني فحط من البجي..

ام كيان/عمة العماج...ولي..

ازل/رحت لمهيمن رضعته ونومته ورجعت لشغلي...والايام تمر وهيج وعلى هالرنة... لمن اجه يوم رجعة محمد...خطية جان يسولفلي يكول مكضيها بس بيض وطماطة لو فلافل...اليوم طبخت اله اشكال الاكل والانواع..

..........

..........

بالطيارة متوجهة لبغداد..

محمد/لك والله مشتاق لأهلي ولا عبالك 4 اشهر بس عنهم عبالك سنين..

آدم/تحمل مبقى غير ساعة او ساعتين نوصلهم..

محمد/لك شتحمل اريد اشوف مهيمن يكولون يشبهني..

آدم/عاف ابوه طلع على مرة ابوه...تحجي صدك ولك ترك كل جمال امه وابوه يجي يطلع عليك انت الاجلح املح..