(قصه فصليه)متاهات الزمن

بارت 22

قصه فصليه متاهات الزمن
اونو
بقلم علي الديواني
بارت 22

انظر اليها وأنا مصدوم!!..لم أستطع أن اشيح بنظري عنها...رثة مدماة مسودة منكسرة محطمة...هذه هي نفسي💔!!!..

_____________________22________

مدير المستشفى/دكتورة متأكدة من قرارج هذا...راح نفقد احد احسن الاطباء عدنا..

زينب/اي متأكدة..

مدير المستشفى/طيب فهميني احد ضايقج او ازعجج...شنو السبب فجأة تطلبين النقل..

زينب/لا دكتور مجرد ظروف عائلية راح انتقل لغير مستشفى...كل قصور ما بيكم...بس الظروف حكمت بعد..

مدير المستشفى/راح اهمش على طلب نقلج بي اتمنى تغيرين رأيج هالفترة..

زينب/الله كريم دكتور..

مدير المستشفى/والنعم بالله..

زينب/صارلي 3 أيام ممداومة مكلف نفسه يسأل علية انتحرت عايشة تمرضت...الانسان اللي خليت كل ثقتي بيه...خاني واستغلني وبأبشع طريقة...اذخذتني رجلية لغرفته بقيت واگفة بالباب...ادخل او لا...سمعت صوت ضحك بالغرفة وصوت مرة...من غيرتي عليه فتحت الباب فجأة...لگيت كيان كاعد ويمة بنية اصغر منا گاعدة يسولفون ويضحكون..

كيان/اهلا دكتورة زينب تفضلي محتاجة شي؟..

زينب/من دخلت البنية ارتبكت بس كيان ولا كأنه عادي مصاير شي...ورده علية ابرد من الثلج...اكدر احجي ويا دكتور كيان بأنفراد..

قمر/اني اترخص دكتور..

كيان/لا انتي ابقي هنا احنا نطلع برا..

قمر/حبيت من گال ابقي هنا حسيته يهتم بية فدوة للشيخ اني اروح هههه..

كيان/طلعت ويا زينب للممر ورا البناية محد يجي بيه...تفضلي دكتورة..

زينب/زاد فضلك هيج تعاملني كأني غريبة..

كيان/اي انتي تركتيني شلون تريدين اعاملج..

زينب/هاا؟..اني...اني تركتك؟..يعني مو جذبك ولا خلفت بوعدك؟..هسة اني تركتك؟..

كيان/كتلج نبقى هيج وعلاقتنا تبقى هيج مقبلتي مجذبت عليج..

زينب/كيان تفهم شنو تحجي انت؟..انت تريد بس تتونس بية لا اكثر..

كيان/وانتي هم جنتي تتونسين وياي ليش تجذبين..

زينب/افهم جنت ويا اللي احبه بس وجودي يمه ونسة الي وفرحة...طبعا تشوفني متونسة..

كيان/بعد اكو وقت اذا تريدين ترجعين...عندي شقة مأجرها..

زينب/من حجة هيج ضربته راشدي...شفت ناس حقراء بس مثلك ما شفت...احقر خلق الله انت..

كيان/ضربتيني وهنتيني بس ما راح ارد عليج...وحدة رخيصة مثلج متستحق وقتي..