(قصه فصليه)متاهات الزمن

بارت2

#(قصه_فصليه)_متاهات_الزمن
#بقلمي_اونو_ono
#بارت_2
سعد-حسن(عمام كيان)/ احنه لازم باجر نهد عليهم نريد دم اخونه
كيان/اي اكيد اني ماسكت الدم عمره ميصير مي واخذ الدم بلدم
احمد/(اكبر عمام كيان )ابني كيان صح انته صرت الشيخ من بعد ابوك بس اسمع كلمتي اذا صار الدم بلدم هم اخذو دم واحنه نرجع ناخذ دم هيج متصفه يضل الدم بلدم لحد متخلص عشيرتنه وعشيرتهم
كيان/ والله اخذ الدم يعني اخذه وعسى خلصانه العشاير كلها
احمد/ اسمعني اخذ فصليه هيج راح نكسر ضهرهم وبهذي الشغله نسببلهم وجع اكثر من ناخذ دم كتل ابوك وسمعت عدهم بس بنيه وحده و4 ولد هيج تحرك كلوبهم
كيان/مدري خل افكر
سعد/اي ابني فعلا احنه مافكرنه بهاي بس طلع عمك احمد حاسبها صح
حسن/اي واني وي كلامهم
كيان/طلعت من يمهم واني ضليت افكر الفصليه احسن لو الدم واخيرا توصلت الحل الفصليه احسن اخذها اكسر كلوبهم بيها وابقه اعذبها لحد ميشفه غليلي ويبرد كلبي ....كعدت الصبح سبحت ولبست دشداشه سوده...لكيت امي كاعده ومثل كل يوم تبجي ومنهاره واخواني يمها ويحاولون يهدوها طلعت اني وعمامي احمد_سعد_حسن وابن عمي كرم رجل ابتهال رحنه لبيت لكتل ابويه اتفقنه الكعده ب 3 العنصر ....رجعنه للبيت واني افكر بالف طريقه حتى اعذبها بس اريد انتقم كل ما اعصب اجي اضربها ...صارت ب3 لابس دشداشة سوده وعكال كلي هيبه و وقار وعيوني تجدح نار من الغضب والحقد والقهر كل موقف يصير يذكر ب ابويه وسندي لاول مره تنزل دمعتي ونزلته ع ابويه الله يرحمه ...صارت الكعده
ابو امير/عمي اني اعتذر عنكم والبقيه بحياتكم ابني ايمن تسبب بموت شيخكم وبدون قصده انتو شتامرون اني حاضر اشكد متردون ادفع
كيان/اسمع احنه مو محتاجين فلوسك والفلوس مو اغله من ابويه ولا فلوس بشر ولافلوس الدنيا كلها راح تنشف دم ابويه ولاراح ترجعه من الموت واني ماخلي دم الشيخ يروح هدر(طبعي احجي بعصبيه وعاكد حاجبي)
احد الكبار من عشيره كيان/ احنه من بعد شيخنه كيان انريد الدم بلدم
احمد/لاعمي من رخصتك احنه نريد فصليه
كيان/واني موافق على طلب عمي احمد
ابو امير/لافدوه شيخنه بنتي صغيره بعده وهل وحده عندي ماكدر انطيكياها أغلى شي بحياتي شتامر اني حاضر بس مانطي واحد من جهالي
كيان/احنه مجاين نخطب حتى نحتاج موافقتك اني كلمتي وحده مصير ثنين لو رايد الدم جان بدون هل كعده اروح أفرغ شاجوري براس ايمن اني جاي اخذ فصليه باجر الصبح اني ادز يجون ياخدوها مكو داعي تجي انته ودوس بيتي وتنطيها واخذه من بيتك غصب ماعلى اكبر راس بيكم .... بعد هل كلام تركت الكعده وطلعت حتى ملحك يحجي  ورجعت للبيت  احس كتله مال غضب كاعده بصدري بس انتضر الصبح دافرغ غضبي بهل فصليه الرخيصه
كيان/ياسر_محمد
ياسر-محمد/ها خويه
كيان/انتو واحد منكم ياخذ الفصليه اني ماريده اريد بس اعذبها
ياسر/لاخويه اني اصغركم وبعد يومين مسافر عدي دراسه
محمد/لاخويه اني هم ماكدر ابقه اليوم بليل طيارتي اخذها انته مو تريد تعذبها انته اخذها حتى بعذابها انتى احق واحد ومحد يكدر يدخل احنه مناخذه مالنه دخل بس اذكر ياخويه البنيه مالها دخل مو هي كتلت ابونه ومالها ذنب بغلطه اخوها ارحمها شويه هي بس عوفته لأهله كافيه شكد حسسبلها وجع انوب اتعذبها لو ابويه عايش مجان رضه بكلامك لان كله غلط مابي اي حق من حقوق الإنسان وانته كانو دتعامل حيوان مو انسانه
كيان/ رفعت ايدي ردت اضربه...( عطت عليه )محمد سد حلكك مالك دخل بشغلي اعاملها بلي يعجبني
زينب/ضل بالي على كيان صار له 4ايام ماخذ اجازه دريت بصار ويا اتصلت عليه ....البقيه بحياتك حبيبي
كيان/شرايده
زينب/ حبيبي شبيك بس ردت اطمئن عليك
كيان/ سديت الخط بوجها مالي حيل تفاهاتها
كيان/اجه الصبح وسرعت حتى ادز احد يجيب الفصليه دزيت عمي احمد يجيبها ....بعد ساعتين ورحت جبت السيد حتى يعقد واجه عمي ويا بنيه طويله لابسه عبايه اسلاميه ومغطيه وجها كلت لابتهال اصعدها لغرفه بطابق الثالث حاره ومابيها غير مروحه وحده وعاطله كوه تتحرك .....واجه السيد وصحت امي لحتى اجيبها نعقد
ام كيان / جاب كيان السيد وصاحني اجيبها صح تعبانه مابيه حيل بس شديت همتي لحتى اجيبها وصعدت لطابق الثالث جريته من شعره وسحلتها سحل ونزلته ضلت تبجي مهتميتلها
كيان......يتبع
#بقلمي_اونو_ono
اتفاعلو حتى اطول البارتات
#شنو تتوقعون يصير ب بارت الجاي ...تابعو