(SPG/R-18)
❤️ Owl City Boys Series - 2 ❤
The Kikay Australian, witty, and fashionable, Thaysky Suniga locked up in the province. She thought her life will be boring there, until she met the Adonis version, Zedrick Dominic Hetch - the hottie cowboy...
Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
LIKE the usual she busied herself from Monday to Thursday. Some of her teachers were praising her improvement. Sinabi pang baka makapasok siya sa top ten. Sobrang saya matapos marinig iyon. Hindi naman niya hinangad na maging top, basta ay tumaas lang ang marka sa major subject.
"Hi, Sky. Tapos ka na ba sa assignment mo sa math?" Si Peter na kilalang pangalawa sa magagaling sa grade eleven.
"Oh, yeah. I still haven't answered the number four. Can you help me, Pete?"
Umusog siya para mapaupo ito. Lunch break noon at kasalukuyang kumakain kasama si Paige at Benny. Sinamantala niya iyon para magpaturo ng iba pang formula na hirap talaga siya.
"Nakuha mo na ba?" tanong nito nang ituro ang huli niyang tinanong.
Tumango siya at ginawa ang pinasasagutan sa kanilang assignment. Habang subsob ay kumunot ang noo niya sa malakas na sipa sa kanyang tuhod. Instinct told her to throw a dagger look to Paige. Nginuso nito ang malayong mesa nila Ken. Kitang-kita niya ang paninitig ng lalaki.
Napailing siya sa kaibigan. Hinarap niya si Peter. "Pete, thanks for helping me out."
Namula ang pisngi nito noong tumayo. Sa likod nito ay sumulpot si Drake.
"Hindi ko alam na ang preference mo sa lalaki ay ganito, Sky." Inakbayan nito si Peter. Inayos din nito ang kuwelyo ng kaklase.
"Drake, leave him alone."
Tinuwid-tuwid nito ang suot na puting polo ni Peter bago tinapik sa balikat. "Huwag ka matakot sa akin. Matakot ka roon sa varsity player na possessive kay Sky."
Nilingon ni Peter ang tinutukoy nito. Kumurap-kurap ito at nagmamadaling umalis. Tumawa nang malakas si Drake, si Thaysky naman ay iiling-iling.
"Alam mo Drake, gusto ka ni Chesca. Bakit hindi ang tao ang pansinin mo? Huwag na si Ulap."
Hindi ito pinansin ni Drake. Naupo ito sa tabi niya matapos ay bumulong, "Aminin mo sa akin, Sky. Iyong sumusundo sa'yo kada Biyernes ba ang boyfriend mo?"
Natigilan siya sa pag-inom. Nilingon niya ito.
Drake gave her a nasty grin. Guwapo ito at puno ng humor, kaso totoy talaga ang tingin niya rito kahit saang gawi tingnan. Ngumisi siya rito matapos ay nilingon si Ken. Nakatayo na ang lalaki. Tila ba kaunting pitik nalang ay lilipad ang tinidor na hawak nito patungo sa mukha ni Drake.
"He is my coach for the HBR, Drake," ganting bulong niya rito.
Tumawa ito. "Talaga, Sky? Kaya pala lagi kayong kumakain sa restaurant na kayong dalawa lang."
"Oy, Drake anong pinag-uusapan niyo?"
Nilingon niya si Paige. Dahil mahina ang boses nila ay hindi sila nito naririnig. Si Benny sa gilid ay ngumingiti lang, tila alam ang pinag-uusapan nila.
