مكتوبتلك

الحلقة الثامنه

الـحـلقـة #الـثـامِـنـة8⃣
.
.منقووول
.
#مـكـتـوبـتلـگ❤
.
.
.
عمي..الحمد لله العملية نجحت😍وحالتها كويسة تعبت شوية في العملية لكن قال انها قاومت معانا والحمد لله
محمد معاد قدر يوقف قعمز ويحمد في ربي ويشكر فيه ويبكي طلع برا
احني فرحنا هلبا تغمرت مرت عمي وقعدنا نبكو من الفرحة هنادي متغمرة خليل ويبكو هما الزوز كانت فرحة ماتتصدقش واخيرا امل جديد وحياة جديدة الحمد لله ياربي مزال ليها نصيب انها تعيش😍💗
دورت محمد مالقيتاش اتصلت بيه وقتله تعالى بيطلعوها
جي محمد ع طول وعيونه حمر طلعو قمر وكانت مش فايقة مزال حطوها في العناية اليوم
.
.
.
كلمناهم كلهم وطمناهم وبابا وماما قالو انهم حيلحقونا واميرة بتقعد مع خوتي مافيش غيرها تقعد في الحوش
.
.
.
اميرة..توصلو بسلامة
ماما..ديري بالك ع روحك وماتعبيش روحك هلبا باهي بنتي وهونا خليتلك الشغالات الزوز مش حيخلوك بروحك
اميرة دمعو عيونها..ماتعطلوش
ماما..خلاص اس مانبيش نبكي اني
تغمرتها ماما وبعدين ودعت يوسف واولادها وسلم اميرة ع بابا
بابا..ديري بالك ع ولادي😉
اميرة..وني😔
بابا..انتِ وصيتك ع ولادي وولادي وصيتهم بيديرو بالهم عليك😉😂
اميرة..ههههههه ربي يحفظك لينا وماتعطلوش علينا
بابا..حاضر
اميرة..توصلو بالسلامة
مشو واميرة تودع فيهم وتبكي
يوسف لف يده عليها..خلاص يامهبولة بطلي بكي
حازم دار روحه يبكي..نبي ماماااا😭
اميرة..😂😂 من اليوم اني ماما
تيم..نبي باباااا😭😭
يوسف..خلاص يا بابا اس هي
حازم وتيم..😂😂😂
جو بيركبو في السيارة ركب يوسف في مكان السواق بيسوق بيهم جي حازم فتح باب الي جنب يوسف..تفضلي سينيورينا ماما
اميرة..😂😂مهبلة خلوني معاهم
تيم حك راسه..نسينا البساط الاحمر
يوسف..هي اركبو
حازم..الحكومة تكلمت اركبي خير ماتتهزبي من ورانا😂😂
اميرة..ربي يصبرني عليكم😂😂
ركبت اميرة وركبو هما من الخلف
وقعدو يهدرزو ويضحكو كانو يبو يغيرولها جوها شوية خشو مطعم تغدو فيه وبعدين روحو للحوش مشو كل واحد لمكان
يوسف..حبيبتي
اميرة..نعم عيوني
يوسف..هيا باش تبي تمشي لي امك
اميرة..قلقت مني؟
يوسف..لا مش هكي ماه بنطلع ومانبيش نخليك بروحك
اميرة..لالا قالولي احني بنجوك
يوسف..باه تبي حاجة في حاجة ناقصة ؟
اميرة..لالا كل شي فيه
يوسف..جو الي قتلك عليهم امي؟
اميرة..كلموني توا قالولي في الطريق
يوسف..باه ماتعبيش روحك حبيبي❤
اميرة..حاضر😇
جي يوسف باسها ع راسها..مش حنعطل عليك باهي! مع التمانية نكون اهني
اميرة..تمام دير بالك ع روحك
طلع يوسف وناضت اميرة دارت حاجة حلوة ووصت ع ماكلة من برا وبخرت الحوش وركبت سكرت دار ماما وداري بالمفتاح وقامتهم المفاتيح سمعت الباب يطق نزلت فتحت لقتهم الشغالات ورتهم الحوش وورتهم شن يديرو وورتهم مكانهم الي بيرقدو فيه وقعمزت هيا تستنى في اماليها
طق الباب
اميرة..سلمة تعالي الباب
سلمة..حاضر
هدى..السلام عليكم
سلمة..وعليكم سلام ماما اميرة في الصالة
اماني..والله يا اميرة وليتي بية 😂
هدى..ضمي فمك تحشمي
اماني..وينها
سلمة..تعالى من هني
رفعتهم لي اميرة
اميرة..اهلااا سامحوني تعبانة معاش قادرة هدا باش ماستقبلتكمش من الباب
هدى..عادي ارتاحي بنتي
اماني..ماما اميرة😂كيف حالك
اميرة..تفو حيوانة 😂 الحمد لله وانتِ
اماني..الحمد لله
اميرة..حولي بعيد ماماااا ستاحشتك اني
هدى..كيف حالك
اميرة..الحمد لله وانتم شن اخباركم وين بابا خيرا ماخشش معاكم
هدى..قال تو نخش بعدين
اميرة..ستاحشته حتى هوا
هدى..باين عليك تجي يوسف خداك مننا😓
اميرة..لا ماما والله اهني عمتي الحق ماتخلي فيا نطلع ولا نتحرك الحق دلع😂ربي يحفظهالنا وتبينيش نتحرك هلبا وبعدين اني تنفخت 😂 من توا الحركة بحسابها يقولي هوا نوضي نرفعك واني نقوله لا نكلم فيهم تو نمشيلهم
اماني..يما هما كلهم كلهم اسبوعين بعدين مداما بنتك متهنية ومرتاحة ارتاحي خلاص
هدى..باهي الحمد لله المهم بخير انتِ
اميرة..الحمد لله
اميرة..ساااالي جيبي العصير
سالي..هاضر
صبت العصير وشكلاته وجاباته
اميرة..ثاانكس😊
اماني..عرسي بعد شهر
اميرة..لااا امتى!!!
اماني..خيرك
اميرة..عرس سلفي بعد شهر😓
اماني..🤣🤣 امتى
اميرة..والله نسيت
اماني..اني ياحنة يوم 10.10.2018
اميرة..باهي ع خير😍 ان شاءالله
اماني..يارب
اميرة..يعني بدل مانشري حاجة نشري حاجتين😂🤦🏻
اماني..بالزبط🤣
هدى..كيف حال سلافيك
اميرة..بخير الحمد لله
وقعدو يهدرزو
.
.
.
اني..توا نقدر نرقد واني مرتاحة😴
هنادي..بالزبط😧
روحنا كلنا رقدنا تعب واعصاب كان لازم نرتاحو وبالذات ان قمر مش حتفيق توا ف روحنا وخلاص
روحنا ورقدنا كلنا
وبعدين مشينا للمطار استقبلنا ماما وبابا خدو دار وارتاحو واني نحكيلكمش مع النوم وليت رقدت😂 لعند نضت ع اتصال من مروان
مروان..كيف حالك
اني..ااه الحمد لله
مروان..شنو راقدة؟
اني..ايه تعبت هلبا بكري
مروان..هي نوضي هههههه
اني..تو انوض
مروان..صح النوم
اني..سلمك
مروان..كيف حالها توا
اني..الحمد لله كويسة
مروان..كلماتك شهد؟
اني..خواتك كلموني كلهم
مروان..بالله عليك!
اني..والله
مروان..متحشم نخش الحوش
اني..علاش
مروان..كلهم يعرفوك😅تو بيشدوها جرتي
اني..هههههه امممم شن يعرفوني
مروان..كيف
اني..يعني شن يعرفو من نكون اني
مروان..حبيبتي💘
اني قلبي قعد يدق يدق ووجهي يصب عرق😂😂..ءءء اي
مروان..واني من نكون
اني..كيف😳
مروان..من نكون عندك علاش تكلمي فيا شن نكونلك
اني..ءء انت انت
مروان..هيا قولي توا نبي نسمعها عاد
اني..انت حبيبي
مروان..عاوديها
اني..مروان اني اتصلت بيك امس ع خاطر نبي نقولك ان اني نحبك❤
مروان..😍😍
اني..الووو
مروان..معاااك معاااك
اني..خيرك ساكت
مروان..مش قادر نستوعب الي قلتيه عاودي
اني..نحببببك
مروان..نمووت فيك اني واخيييرا
اني..هههههه
وقعدنا نهدرزو للصبح
.
.
.
وبعد ايام بدت قمر تتحسن ع قبل والحمد لله😍
.
.
.
.
خليل..هنادي
هنادي..نعم
خليل..شمس
هنادي..خيرها
خليل..تحب حد؟
هنادي..كيف
خليل..قصدي في ف حياتها شخص!!
اني..هناااادي تعاللي نبيك
خليل..جاوبيني
هنادي..بعدين نمشي نشوفها خيرها
تهربت هنادي وجتني مشينا لمحل خدينا هدية لي قمر
اني..هنادي خيرك مش ع بعضك
هنادي..تعالي نقعمزو اهني
جينا قعمزنا..شن في
هنادي..نفكر في خليل
اني..خيره
هنادي..سئلني عليك هل في ف حياتك شخص او لا
اني..غبااارة شن قتيله
هنادي..انتِ ناديتي عليا هربت منه
اني..اوووف شن بتقولي
هنادي..مش مهم هدا الي خايفة منه يكون الي في بالي صح
اني شفتلها..لاااا
هنادي..تخيلي يطلع يحبك
اني..لالاللاااا
هنادي..ان شاءالله لا🤦🏻
اني..ياااارب خير
روحنا للفندق وقعمزنا نهدرزو مع بعض وفتحت نت قعدت نهدرز شات على مروان جتني رسالة من هنادي
هنادي..(نحي فونك من يدك خليل بدي يشك فكينااا)
اني..مروان تو نكلمك بعدين توا مش فاضية
مروان..اوك حتى اني جوني الاولاد توا
اني..سلامات
سكرت فوني وقمت عيوني لقيته يشوفلي ويهز في رجله
اني..اييي شن جوكم
محمد..استاحشت ليبيا
اني..اللطف 😂
محمد..نمل اني مانحبش نقعد اكتر من اسبوع برا
اني..هههههه اني خلوني وفرو
محمد..باهي والله
نضت انسحبت منهم وركبت لداري وقعدت نفكر في تصرفات خليل معاي اوووف يااااربي لا مانبيش هكي اني😔
مشينا مع العشية لي قمر هدرزنا عليها وضحكنا وغيرنالها جوها
فتحت اغنية وبدينا نصورو في سنابات
قمر..سكري الاغنية وخليني نغني اني
اني..بلكي تتعبي خلي هكي خير
قمر..لالا كويسة اني
اني..تمام
سكرتها وبدت تغني هيا
قمر..سميتك أخو👩‍❤️‍👩
احني..اخوو😍
قمر..على عناد العدو💛
احني..عدوو🙊
قمر..تجوتي والنعم💜
كفو منك كفو💗
قعدت تأشر عليا اني وهنادي..أخوي الهيبة أسميك😎
أشدن ظهري بس بيك😍💜
اني..أهد وياااك للموت🙈
هنادي..وحدك ما أخليييك☝🏻
اني..ههههههه بنديره في السناب وفي الانستا
قمر..باه
قعدنا نهدرزو لعند ما الدكتور قاللنا خلوها ترتاح روحنا للفندق وبديت نتحاشا في خليل ومعاش نكتر معاه في الدوة بدي مستغرب فيا
بعد فترة روحنا للحوش درنا حفلة استقبال لي قمر وعزمنا ناس برجعتها بالسلامة وبعد ايام بدينا يوميا اني ومروان نهدرزو واميرة ولت لحوشها هيا ويوسف وكملو حياتهم عادي
فاتو ايام وليالي
مروان..نبي نجي نخطبك
اني..مزال مروان
مروان..شن مزال
اني..لين نتخرج
مروان..ع الاقل خطبه
اني..يصير خير
اضايق مني مروان بس اني مانبيش شي يصير توا قلت بعد نتخرج ورا بعضه احسن
جتني ماما قعمزت هدرزت معاي
ماما..شايفة ان علاقتك اطورت معاه
اني مقعمزة ونشوفلها..نحبه
ماما..مش راضية ع الي اديري فيه بنتي خلي يجي يخطبك احسن ع الاقل ماديريش شي من وراهم
اني..توا قالي نبي نجي نخطب بس اني قتله لا
ماما..غبر فيك شن لا هدي نبيه وفي نفس الوقت لا تخطبنيش شن هدا شنن
اني..بس مزال يا ماما نبي نتخرج قبل تعرفيه بابا كانا خطبة معناها عرس طول
ماما..اي تطويل الخيط يريح اليبرة وعادي كملي عنده
اني..بس يا ماما نبي نتخرج قبل اني
ماما..اسمعي اهو نقولك راهو الخطاب ماشيين جايين
اني..ماريت حد
ماما..يجو لي بوك ياغبية وبوك يقولهم مزال لين تتخرج لكن امس قالي مليت واني نقول لا خلي تمشي تاخد نصيبها
اني..يعني نقوله يجي
ماما..لو تبيه وتعرفي روحك معاه مرتاحة قوليله يجي يتقدملك
اني..ايه بس كيف بنقوله بعد قتله لا
ماما..دبري
اني..ياااارب
ماما..هي ارقدي تو غدوا نهدرزو
طلعت ماما وامتديت ع السرير..ااااه تي اما نوم هدا بعتتله مسج كتبتله من الاخير مروان لو تبي تتقدملي تمام
اتصل بيا
اني..ايوا
مروان..شن غير رأيك
اني..فكرت في الموضوع ولقيت ان اني غلطت
مروان..باه امتى نجي
اني..امتى ماتبي
مروان..امممم الخميس الجاي
اني..اوك
مروان..هي حبيبتي ارتاحي
اني..تمام
تاني يوم نضت مشيت الجامعة وروحت لقيت خليل عندنا😑
اني..اهلين
خليل..اهلا بييك واني نقول خيرا الحوش نور جتنا شمس
اني..اممم🙃
خليل..شن جو
اني..صقع ونو😑
ماما فنصت فيا
خليل..اي كيف حالك مرت عمي
ماما..الحمد لله ياوليدي شن الريح الي جاباتك لينا
خليل..لا ريح ولا سو غر قلت نخطم عليكم
اني..🙂
ماما..حطي عصير لولد عمك
اني..باه
نضت حطيت عصير وشكلاتة وطلعت عطيته وعطيت ماما
اني..بنركب ماما تبي حاجة ناديني
خليل قعد يشبح وكأنه يقولي اقعدي بعيونه
ماما..لا خليك بنركب نحدد لبوك عربيته عنده فاتحة
خليل..اي اصلا جاي اني باش نمشو مع بعض اني والاولاد
اني..باه🙂
قعمزت غصبا عليا وهو يدره الكبد
اني فتحت فوني وقعدت نتصفح
خليل..ايه شمس بنسئلك مداما قعدنا بروحنا
اني..تفضل
خليل..شمس اني نبيك😊
اني نصدمت ومن قوتها جمدت 😳..ن نعممم
خليل..ايه
اني..ك ككيف تتجرأ وتدوي معاي اصلا
خليل..ليش غيري يدوي معاك واني لا ؟ ع الاقل اني ولد عمك😉
اني..شن قصدك
خليل..قصدي ان هداكا الي تكلمي فيه مش حياخدك وحناخدك اني واعتقد عمي مش حيقول لا اني ولد خوه وولد خوه اولا من الغريب
اني وقفت..هه لو تطربق السمي ع الوطا ماك حالم بيا ولو هما وافقو اني نقتل روحي ولا نوصلك
خليل..الايام بيننا يا عسل
اني..مقرف انت ودوتك
خليل..حلوة منك مقبولة
اني وجهتله صبعي..انت بعمرك ما حتكون الشخص الي نتمناه ولا الي نحبه ابدااا واحد حقير وتافه زيك مستحيل ييكون شي ليا يا بناوتي
شدلي يدي..كلامك هدا معاش نبي نسمعه
اني..وانت وجهك اهني معاش نبي نشوفه يا هه محترم😏
طلع خليل وهو متعفلق صلفقت وراه الباب وركبت لداري خشت عليا ماما
ماما..خيرك شن في
اني..ولا شي ماما بس شكرا خليتيني معاه بروحي
ماما..شن دار
اني..مدار شي غير انه هددني وقالي انه يبيني يبي حناه الشارفة
ماما..اشي مصح وجهه خلاص خلاص فوتيه تو نحرش فيه بوك
اني..لالا هو هكي يبي طلع يعرف بقصتي مع مروان
ماما..ياعليك قصة
اني..عادي اصلا هو بيجي الخميس وبيخطبني
ماما..باهي الحمد لله ماهو قتلك اني
اني..ربي يمشيها ع خير اوقفي معاي ماما
ماما..اني معاك مهما صار
اني..ربي يخليك ليا💜
ماما..ويسعدك يااااارب ويحفظك ليا💕
وجي يوم الخميس جي مروان لي بابا
مروان..السلام عليكم عمي
بابا..وعليكم السلام تفضل تبي واحد من الاولاد؟
مروان..لالا نبيك انت ياعمي لو ممكن كان فاضي
بابا..هي انزل من السيارة فاضي
فتح بابا الباب وخشش مروان لي المربوعة وخشلنا قال ديرو قهوة
درت قهوة واني قلبي بيطلع من مكانه جي تيم وخدي القهوة لي بابا وطلع
مروان..اني ياعمي جاي نبي نتقدم لي بنتك
بابا..باه !!
مروان..نشوف فيها في الجامعة هلبا والحق بنتك تبارك الرحمن الكل يشكر فيها وفي تربيتها واني سائل وشايف وشاري بنتك الحق والي تبيه اني فيه
بابا..نفكر ونرد عليك شن اسمك
مروان..مروان محمد الـ.... شاد شركة بوي الله يرحمه ومعاي ولاد عمي
بابا..ماشاءالله ان شاءالله ولدي نسأل ونشوف ونرد عليك
مروان..خود راحتك ياعمي هي نستأذنك توا
بابا..تفضل
طلع مروان وكان مرتح نوعاً ما مع بابا وكنت ني فرحااانة😍😍
مشيت ركيت نجري وقعدت نسمع في بابا يكلم في ماما
ماما..اسئل عليه زياسر من قولة لا
بابا..ان شاءالله اني الولد حسيته كويس وان شاءالله خير
ماما..ان شاءلله😊
فاتت ايام وبابا سئل عليه وكلم عمي وقاله انه بيوافق عليه
عمي..بنقولك يا خوي راهو ولدي يبي بنتك
بابا..كيف؟؟
عمي..ايه يبيها من قبل قايلي عليها واني قتله تو نقوله جت قصة قمر ونسيت
بابا.. #يتبع
.
.
.
ان شاءالله تنال اعجاب الكل ياااااااارب😘 وسامحوني عطلت عليكم حبقلبي😍 #حنو