مكتوبتلك

الحلقه الثالثة

الحلـقـة #الـثالـثـة3⃣
.
.
.
#مـكـتـوبـتلـگ❤
.
.
.
.
.
قمر..رجليا جابوني اهني واسئل روحك علاش نبكي
ووقفت ولوحت عليه المخدة ومشت بتطلع شدها من يدها ولفها وجت في حضنه..لأمتى بتقعدي هكي!!!
قمر..لين نموت☺
محمد..لو نموت اني توا عادي المهم تكوني انتِ في حضني هكي
قمر..محمد ارخيني وخليني نطلع
محمد..حتى اسمي من فمك يهبل خلاص حبيبتي والله تباعدنا عن بعض هلبا يكفي فراق
قمر..انت الي اخترت الشي هدا وتحمل مصير اختيارك 😏
محمد..بس انتِ مش حتقدري لانك تحبيني واني واثق من حبك ليا هلللللبة
قمر..مدامك واثق خلاص خلي الايام توريك ان ثقتك مش في محلها وان مرات الحب يولي كره
محمد..انتِ مستحيل تكرهيني لانة من عيونك ولمعتهم لما تشوفيني او تكوني معاي زي توا ومن طقت قلبك الي نسمع فيها
قمر..وانت حنعذبك ومش حنوليلك لو نموت
محمد..شن رايك انك انتِ ليا اني وحتكوني ليا اني ومش حياخدك حد مني وبعد عرس يوسف عرسنا
قمر..كيف!!
محمد..هكي دماغي قالي وحتشوفي
قمر..هه في احلامك
محمد..تمام بس حتكوني مرتي وعد مني
قمر..زي ماوعدتني انك مش حتسيبني وسيبتني نفس الشي الوعد هدا😏
محمد..تو نشوفو☺
قمر..ممكن ترخيني
محمد..مزال ماشبعتش من شوفتك
قمر..محمد اني مزال شادة روحي ارخيني افضلك
محمد قرب باسها من خدها..اسف
قمر..كأنه عطاني مخدر خلاني نسكت ومعاش نتكلم..😳
محمد باسها ع عيونها..معاش نبيهم يبكو نبيهم يفرحو بس😘
قمر..محمد لووو سمحتتت ارخيييني
محمد رخاها..نحبك😍
قمر..نكرهك😏
محمد..نعشقك😋
قمر..غبي😒
طلعت قمر وسكرت الباب..اااه حتى اني نحبك❤
محمد..مهبولة تحسابني مانسمعش فيها😍
نزلت قمر تجري وقعمزت معانا
اني..كيف بنوضو😒
قمر..ءءء
هنادي..وين كنتي؟
قمر..بطني في الحمام🤥
اني..دورتك في الحمام مالقيتكش
هنادي جتها من ودنها..سمعت كل شي
قمر..ماك حمارة😒
قمر..تو وين ماكنت كنت وين نايضين
اني..بيرقدو البنات واني تعرفو خلاص تعبانة قريب الفجر خلاص
قمر..باهي هي
نضنا مشينا رقدنا كل وحدة فرشت ورقدت😴
.
.
.
.
نضت اني تاني يوم بكري مع ماما وتينا الفطور للأولاد
محمد..هيا فيسع واتي؟؟
اني..اي هي هاك الفرشات
محمد..هاتي
خداهم محمد مشي يفرش وجي حازم وتيم خدو السفر وخليل خدي اخر سفرة ومشو قعمزو يفطرو وناضو البنات وتينا فطورنا احني ونساوين فطرناهم كلهم🤗 قمنا المواعين جو الشغالات غسلو المواعين
وبدينا انضمو لانة مدايرين نجمة حتى احني
جبنا مصمم ديكور زينو الحوش وخلوه يجنن😍
جو الزمزامات وكنت اني لابسة لبسة هندية😍🙏 اني وقمر كل وحدة من شكل وباقي البنات قفاطين👗
.
.
محمد..هيا كان بتطلعو توا ومانبيش كترة بنات فاهمة !
اني..باه كان قالو بنمشو بنقوللهم لا اني🙄؟؟ قولهالهم انت
محمد..الصبر غر هيا قوليلهم
اني..باهي ياهم
خشيت قلت لي ماما تقول للي بيمشو ينوضو ناضو نساوين عمي وخالاتي ووكناينهم اما بناتهم مابوش اني وقمر وهنادي بس😍
طلعنا السوابيت معانا وركبت اني وقمر وهنادي وحازم من قدام
مشينا هيجنا في السيارة
اني..روروروروروروري
قمر..محمد افتح اغنية باهية
محمد..نزلي ام ام الوشاح ع وجهك قبل
اني..نزلي نبي نهيج ماخاطريش في النكد
قمر..😒تف مش مروحة معاكم بنروح مع عمي
محمد..في المرواح نلقاك اول وحدة في السيارة
هنادي..ووووه بتبدو عاااد ياسر هيا قوووي
حازم..كان يندري عليك خطيبك يشردك
هنادي..يملح😏 مزال ماوصلتاش لما نوصله تو يحكم
حازم ويحك في لحيته..زعمك الي خاطبها هكي ادير؟
اني..امالا بتقول لا حازم قالي لا معناها لا!؟😒
قمر..تي هي قووي ياسر نفختوهم
اني..من يتكلم😂
قوالنا محمد المسجل نصفقو ونصورو سيلفيات والجو يهبل وصلنا لي حوش اميرة كانو مدايرينها نجمة بالزمزامات حتى هما وحوشهم كبير هلبا وزحمة
اني..شورا امها مامخلية مكان الا وماشيتله😂
قمر..اها بدينا عاد😂
هنادي..بلكي عيلتهم كبيرة
اني..اي كبيرة
مرت عمي.. خششو السوابيت وبلا قرمة انتِ وياها
خششناهم وزغرطنا وغنينا استقبلونا احلا استقبال 😍 قعمزنا وكان تنسيق حوشهم يهبل😍
اني..يهبل الحوش
قمر..اييه😍
وكمل اليوم هدا بكل مافيه❤
.
.
.
وجي اليوم الموعود👰
كلنا من الصبح في المزينات💆🏼💇🏼 روحت الحوش اني ساعة 4العشية تغدينا وفي الي بدو يستشورو اما اني نتفرج عليهم ونضحك😄مكملة كل شي عليا نلبس بس جت ساعة 7 كنت في الصالة اني وماما وبنات عمي والباقي لحقو علينا وبدو الناس يجو كان يوم متعب هلبا طول الوقت واقفة ماقعمزتش ولا كليت شي جري في جري جت ساعة 10 مشينا لي أميرة خشينا حطولنا عشي تعشينا وخشت هيا ويوسف😍 كانو يجننو
.
.
يوسف..طالعة اطيري العقل يابنت
اميرة..😊هههه
يوسف..سلمهالي المتحشمة ياربي😘
اميرة..يامهبول الناس تشوفلنا
يوسف..خلي يشوفو مش معدل عليهم اني ره
اميرة..باه ماما نتحشم عيب ياسر
يوسف..باه😍
وصلو وقعمزو قعدت اامصورة تصور فيهم
اميرة..كأن المصورة مركزة عليك هلبا😒
يوسف..😂
اميرة..بطل عاد والله حسيتها تشوفلك هلبا
يوسف..تتخايلي بس
اميرة..خلاص عميتيلي عيوني😒
المصورة..عفواً!!؟
يوسف..ءء لا قتلك خلي نرتاحو شوية وكملي بعدين😊
المصورة..اها اوك😍
اميرة..توا اني ماسمعتنيش وانت سمعاتك😡
يوسف..بلا هبال عاد ياسر 😂
اميرة..احح😞
يوسف يضحك عليها وهيا حامقة منه
يوسف..هيا نوضي ياسر نبي نروحو مزال تقعميزة غادي واااك ضروري نخش معاك؟
اميرة..امالا بتخليني بروحي مانعرف حد اني بتخش معاي غصب عنك
يوسف..امري لي الله
اني..هي نوضو قصو التورطة
يوسف..منو هدي
اميرة..تي اختك يا حمار
اني..معاش يعرفني مش منه من الي جنبه ياحنة طيرتله عقله
يوسف..اي والله طيرتلي عقلي😂
اميرة..معاش تتحشمو
يوسف..تي هي نوضي
اميرة..باه اوقف انت قبل ونوضني هاتي يدك شمس
اني..هي
يوسف..لالا اهو نقولكم حل
اني..شنو
اميرة..يووسف لا😳
اني..شن بدير؟
يوسف..تو تعرفو
قامها يوسف ونزلها وجابها قدام الطاولة الي فوقها التورطة
اميرة..حي حي ياحشمتي🙈
يوسف..😂😍
البنات..اووووووو👏🏻👏🏻👏🏻
اني..هكي خليتوني بروحي خزي
يوسف..😂😂
نزلت اني زيني زي الشاطرة اصلا من بيقيمني وبينزلي اااخ يابختي وقفت نصور فيهم وجت المصورة تصور فيهم
أماني..ريتي شن يطلع منهم😂
اني..ايه تعرفي خلوني زي البالو واقفة بروحي خزي عليهم😅
اماني..😂😂
قمر..معليشي تو فارس احلامك يقيمك
اني..للأسف مش حنطيح في واحد زي خوتي😂
قمر..حظنا عطيب
اني..اسكتي حظك مافيش زيه غر انتِ تنكري فيه
قمر..لازم يعني😒
اني..اي لازم😁
رقصو مع بعض بعدين طلعو ومشينا لي الصالة الي دايرين فيها احني وجو معاها ناس
دخلناها وفرحنا بيها هلبا وبعدين طلعناهم ومشو للفندق وروحنا احني
محمد..شمس وين قمر
اني..قالت بتركب مع خوها
محمد..نادي عليها تواااا
اني..كيف بنادي عليها بالله عليك
نزل محمد..وينها
اني..هونا واقفة قدام السيارة تستنى فيه
مشالها محمد وقف جنبها..تمشي توا زيك زي البنت الفالحة تركبي من وين ماجيتي فااهمة؟؟
قمر..مانيش راكبة معاك بنركب مع خوي😏
خليل..خيرها هدي واقفة اهني؟؟
محمد..ماتبيش تروح معاي
خليل..بري روحي معاه امشي معاه اولاد اهم جايين امشي توا😞
محمد..تحركي قدامي😡
قمر..اففف مشت قمر للسيارة وركبت وجه محمد المراية عليها
محمد..لما نقولك تركبي هني يعني تركبي هني كساحة الراس هدي مانبيهاش😡كلهم شافوك ومشاءالله عليك انتِ منزلة الخارب هدا ع وجهك تي نزلي اممه نززليه خير مانتلفتلك وانزله بروحي
اني جمدت معاش قدرت نتكلم اني و هنادي ساكتين ولا كلمة
قمر تبكي..انت اصلا ديما هكي عمرك ماتتغير وتبيني نسامحك تي في احلامكككك مستحيل نسامحك بعد اليوم😡
سكت محمد وهي قعدت تبكي
وصلنا للحوش نزلنا
محمد..امتى بتنزلي استاذة قمر ؟؟
قمر..مش نازلة نبي نروح لحوشنا
محمد..حاااضر
سكر محمد البطم وطلع بالسيارة يجري
قمر..😭🤧
في بالها ان محمد رافعها لي حوشهم
وصلو قدام البحر
محمد..علاش باه علاش تخلي فيا ندير هكي؟!
قمر..اني مادرتلك شي
محمد..اي مادرتي شي صح اني الي درت
قمر..اي انت الي درت كذا مرة يامحمد نقولك بتكشخ ان شاءالله بتقلب الدنيااا بروووحنا اما قدام اختي واختك لااا ماتهينيش قدامهم اوك اقرب ناس ليا صح بس في نفس الوقت مانسمحلكش تهيني قدام حد اني مش حمارة او غبية باش اديرلي هكي كذا مرة يامحمد حتى قلبي بيسامحك لا انت زدت الطين بلا😭
محمد..انتِ عفلقتيني كلهم واقفين والدنيا معبية اولاد من كل جيهة تمشي توقفيلي ولا زيادة هو جايين معاه اولاد واقفة قاعدة تشوف وتقولي لا ااااخ ياربي ياربي صبرررني ع المهبولة الي عندي هدي والله هبلتيني بالله والله ماعاد خليتي فيا عقل يا بنت العم خلاص ارضي عليا وسامحيني وخلي نرجعو لي بعض وعد مني وعدد ناخدك ونسافرو ومش حنرجعو اهني بكل
قمر..محمد ردني ارجوك خلاص
محمد..مانيش رادك والي بيصير يصير اصلا احسن خلي يعرفو باش نقرو فاتحتنا وحفلتنا غدوا ومش ضروري المهم تكوني مرتي❤
قمر..😭😭
محمد..توا فهميني علاش تبكي خلاص يا ستي اني اسف ع الي صار بس جن جنوني
قمر..روح بيا توا توا😭😭😭
محمد..يااارب
ولع محمد السيارة وروحو لحوش العرس
محمد..استني نفتحلك الباب الخلفي وتو نكلم شمس تجي تاخدك
قمر..به
محمد..ايوا وين انتِ
اني..انتم الي وينكم خليتوني نكدب مية كدبة
محمد..تعالي من الباب الخلفي
اني..استنو ماتنززلوش من سيارة لين نكلمك خلي نجيبلها توتة
محمد..اوك
قمر..عطيني كلينكس
محمد..تفضلي الباكو كله
قمر قامت وشاحها وبدت تمسح في وجهها
اني..هيا وينها
محمد..باهي
قمر فتحت الباب وبتنزل
شدها من يدها
قمر تلفتتله..نحي يا محمد عيييت والله عييت وجعتني هلبا راك 💔
محمد قرب منها باسها ع خدها..اسف سامحيني
قمر..قداش حاجة بنسامحك عليها !! خليني بالله عليك
محمد رخاها وتنهد نزلت قمر استناها لين خشت ومشي
اني..وين كنتي
قمر..خوك المهبول هدا قتله روح بيا لحوشنا رفعني للبحر فشيت غلي وروح بيا
اني..مهبلة وحق ربي هاك توتة خشي للحمام غيري حوايجك بسرعة قبل مايلاحظو غيابي
قمر..هي ع السريع
بدلت قمر وطلعو مشو للبنات
هنادي..وين كنتي ليا ساعة ندور فيك
اني..كانت راقدة في داري عارفة انتِ شن الي صار😉
البنات..ربي يجمع بينكم بس لازم يتنازل حد منكم
اني..قتلها اني بس تبيش تسمع الكلام هوا تنازل وتأسفلها
هنادي..وشن تستني يا بعد قلبي انتِ
اني..تستنى امتى تاخده وحدة تانية منها
وكنت نشبح لبنت خالتي ونشبحلها
قمر..شن قصدك
اني..قصدي واضح محمد قريب يهبلو عليه ره وحطي عقلك في راسك وافهمي شن نقصد
قمر شبحت لبنت خالتي وقعدت مركزة فيها ومش فاهمة قصدي شنو يعني هدي بتاخد منها محمد!!
قمر..هه مستحيل محمد يحبني واني الي ندير فيه بس ع خاطر نبيه معاش يديرلي حركاته البايخة هدي
اني..انقدي روحك قبل ماتجيك وحدة ماتعرفيها منين جت وتاخده😊وفهمك كفاية
نضت وخليتها مقعمزة بروحها وحاطة رجليها في حوض السباحة
قمر..ياااااربي ساعدني وقويني معقولة بتاخده مني وحدة تانية لالالااا مستحيل اصلا هو يحبني ومايقدرش يشوف لغيري💔بس سيوره يمل ويمشي ياربي قويني يارب
ميمونة..احم
قمر..تفضلي؟
قعمزت وقامت سروالها وحطت رجليها معاها
ميمونة..اني بنت خالت شمس واخت الي تبي محمد
قمر شبحتلها ومصدومة..ءءء عفوا عاودي مفهمتش من الي تبي محمد😳
ميمونة..اني اخت البنت الي تقصدلك عليها شمس بكري
قمر..وتفضلي
ميمونة..بنقولك ديري بالك من محمد كووويس اني اختي نعرفها وقحة وماتتحشمش عارفة تقولي في عقلك هدي كيف تقول ع اختها هكي بس لاني مليت من عمايلها حتى خطيبي فسخت منه بسببها ردي بالك منه وسامحيه حتى تبيش تسامحيه خليه يتزوجك وبعدين بينك وبينه بس ردي بالك تفلتيه كانك تحبيه اني سمعت من خالتي انها بتخطبك ردي بالك ترفضي لانها قالت كانا رفضت قمر بنقنع فوزي وبنخطب نرجس وهدي نرجس الي تبي محمد ف ردي بالك ترفضضضيه اني قتلك وحذرتك لو تبيه ماتضيعيشي وتقعدي تبكي بعدين هي تصبحي ع خير💕
قمر تلفتت وتشبح وهي مصدومة..يااااربي منين تطلعلي المصايب هدي اني وماكنتش مفكرة للمصيبة هدي ابداً كيف ندير اني نبي اندمه ونبيه يشعف بس شكلي اني الخسرانة وبنقبل وخلاص وبنعفس ع روحي باش ماتاخداش ست الحسن نرجس المشكلة ان مافيهاش ماينرفض حلوة وطويلة وشعرها هلبا طويل مانبيش نكدب ع روحي البنت قنينة هلبا وينغرم بيها اي شاب ويوافق عليها
محمد نفخ الدخان..الا اني نبيك انتِ وبسس🔥
انخلعت قمر تلفتت وتجي طايحة في الحوض..اااااه
محمد..قمرررر هاتي يدك
قمر ماتعرفش تعوم..م م محمد م نبتاؤ انعرفش نتاىي نعوم
محمد نحا تيشرته وغطس قامها..هههههه مهبوولة وحق ربي
قمر تضرب فيه ع صدره..كله منك كله منك كله منك😭علاش جاي شن تبي فيا هي
محمد حط راسه ع راسها..نبيك بس👀❤
قمر..بس اني مانبيكش🙁
محمد..واني نبيك
قمر..بالغصب هيا؟
محمد..مش بالغصب قلبك سمعته قالي تكدب هيا نبيك اني واني نبيه خلاص
قمر..بالله
محمد..والله وراسك
قمر..باه حول نبي نطلع
محمد..نطلقك
قمر..تي لا ياغبي طلعني😓
محمد..قولي نحبك يا حمودي😎
قمر..عينك😒
محمد..خلاص معناها بنقعدو هكي وخلي يجي حد ويشوفونا😎
قمر..عينككك
محمد..خلاص معناها هيا قولي😊
قمر..افففف
محمد..شن قلنا عليها الاف هدي
قمر..الصبر
محمد..منك
قمر..باه بنقولها ومش من قلبي
محمد..وراسك لما تقوليها وكان ماعجبتنيش بتعاوديها لين نقولك باه
قمر..عينك عينك نحبك يا حمودي هيا هيا طلعني😡🤦
محمد..تي غر بشوية ماسمعت شي
قمر..مشكلتك كانا سمعك بدي زي حناي
محمد..ومشكلتك كانك بديتي تدوي زي جدي
قمر..هاهاها بايخة😒
محمد..معاش تعوجيه فمك فاهمة
قمر..😏هيا بنرقد
محمد..عاوديها
قمر..نحبك يا حمودي💔😔
محمد..اااااه قداش ليا معاش سمعتها منك
قمر..🙂هيا طلعني لو سمحتت
محمد..حاضر ياقلب حمودي
طلعها محمد ومشت قمر تجري بدلت حوايجها وخشت رقدت جنبي وهي شعور متلخبط مش عارفة شن تفكر تسامحه او لا تقبل او لا كان دماغها مشووش🖤
.
.
.
جي يوم المحضر ومشي زي مانبو الحمد لله تم العرس وارتحنا ع واحد😌
.
.
.
.
.
.
ماما..استاحشته من توا😔
اني..تو يروح من شهر العسل وتلقيه ديما عندك😒
ماما..قلب ميت😞
اني..اااخ يارجليا ترا خليني سلم ماما نقرا قرايتي نسيت كل شي من دوشة هدي
ماما..اقري سلم بنتي اقري ماتلقي كان قرايتك خلي ننزل لي خالتك لوطة
اني..من خالتي
ماما..عليا هيا وبنتها نرجس
اني..بننزل معاك🙄
ماما..باه تو باش كنتي تقري
اني..اي بننزل ماصارليش😕
نزلت نجري الغبية قمر مخلياته واني نعاني ونجري جرتهم😬
اني..اهلاا نرجس كيف حالك😊
نرجس..الحمد لله شن جوك انتِ😊
اني..الحمد لله
اني..خويلة كيف حالك
خويلة..الحمد لله بخير كيف حالك انتِ
اني..الحمد لله بخير
خش محمد..السلام عليكم
اني اياااح علينا..وعليكم السلام😓
محمد..اوو خالتي كيف حالك
عليا..الحمد لله يا وليدي كيف حالك انت
محمد..اهو ماشية الحمد لله شن امورك شن جوك نرجس
نرجس..الحمد لله حميدا تمام وانت كيف حالك😊
محمد..الحمد لله
ماما..نوضي شمس ديري قهوة
اني نشبح لي نرجس وقريب ننقز عليها
ماما..شمسس
اني..ااه باه تعالى محمد نبيك
محمد..مش وقتك خليني توا كيف ارتحت
اني فنصت فيه..باااااه
محمد ناض ع طول وجي وراي..خيرك تفنصي😡
اني..ماخيرنيش غير ان عيونك في نرجس !!!
محمد..اني؟؟
اني وشادة في يدي الموس..امالا انييي😡🔪
محمد..ءءء غر بشوية عليك وخيتي خيرك تعصبتي والله مانشوف لي غيرها لكن هدي هكي يعني شفتلها وخلاص
اني..تعرف توا تاخد مفاتيحك وبرا اطلع وين مابتهج هج والا والله العظيم نكلم قمر وتزيد تقلبها عليك اكتر ما هيا مقلوبة اهو قتلك🔪
محمد..شن حاطاتك عليا والا كيف
اني..احسبها كيف ما بتحسب🔪
محمد..باه باه اهو طالع
محمد..يما وين مفاتيحي حطيتهم
ماما..اهما خيرك وين ماشي
محمد..وصتني شمس على حجات بنمشي نجيبهم توصو حاجة؟ 😊
نرجس..ءء اني نبي نمشي لي محل بناخد منه حجات ناقصيني
طلعت اني نجري بالموس كنت نقص في الخبزة..برا محمد تو نرفعها اني🔪😒
نرجس..اي خلاص تو ترفعني شمس😬
محمد..ءء اوك ماشي
طلع محمد وطيبت الشاهي والقهوة والحلويات حطيتهم وطلعتهم قعمزنا نهدرزو ونراقب في نرجس وتحركاتها ماخليتلهاش نفس بكل نعرفها وقحة وتوصل بيها لدرجة السحر ف مانأمنلهاش بكل ومانبيش حيات خوي تخرب💔
.
.
روحو حوش خالتي وروح محمد
ماما..تو باش قنينة شن رايك ناخدها لي محمد؟ نحس فيها قمر ماتبيش🤔
محمد..امي موضوع نرجس سكريه مانبيهاش اني
ماما..اي باين عيونك قريب طلعو
محمد..لا طلعو لا خشو من الاخير اني هكي فقش نبي بنت عمي قمر نبيها يام وديري المستحيل باش تاخديهالي
ماما..اي علاش لا اصلا قمر عندي خير من نرجس نحس فيها البنت قد مسؤلية اكتر
محمد..مش عارف مسؤلية او لا اني نبيها☺وهي تبي او ماتبيش بناخدها
ماما..باهي الي تبيه😊
اني مصدومة فيه ساكتة وخلاص ركبت نجري اتصلت بيا قمر
اني..تي وين وين ع الرومنسية
قمر..شن في
اني..تي خوي طايح فيك بوجهه امي قتله نخطبلك نرجس لانة قمر شكلها ماتبيش مشي قالها تبي والا ماتبيش بناخدها
قمر..وااات
اني..يسسس
قمر..😓ياهمي نبي الموضوع يطول شوية نبي نتزوج واني فرحانة مش واني زعلانة منه
اني..هدا الي صار توا
قمر..ان شاءالله خير
اني..باه تو كان سئلك بوك قالك موافقة او لا شن بتقولي
قمر..موافقة اكيد
اني..غر راك تتحمسي بشوية اني نسئل فيك مش بوك😂😂
قمر..حيوانة وربي😂
.
.
.
.
فاتو ايام وليالي سهرنا وضحكنا فيهم
نمشو للجامعة ونروحو اني وقمر مع بعض زاد تعلقنا ببعض اكتر من قبل
اني..واااااك مبرد امه قتله اني مانبيكش علاش الخرا هدا
قمر..فوتيه
اني..من قبل عرس يوسف وهو حارقلي دمي نفخهملي الزفت😡
قمر..😂بشوية يابنت خلاص قلنالك فوتيه
هو جي ووقف علينا..احم يا شمس بنسئلك اخر سؤال
اني..ماتسئلش شي 😡
هو..سؤال بس كلميها اقنعيها
قمر..اني مادخلي في شي عطيني مفتاح السيارة ترا
خدت المفتاح ومشت ركبت وقعدت تسنتى فيا
اني..تو تشوفي باه تفضل انت شن تبي
هو..نبيك
اني..شن تبي فيا قلنالك اني مانبيكش
هو..غر اتعرفي عليا وبعدين احكمي بروحك
اني..ياوالله عليك حالة تي شن بنتعرف عليك هدي قتلك لا
هو..واني مانيش متحرك الا وواخد رقمك
اني..انت هكي اوك
فتحت فوني وبنتصل بمحمد خوي واذا بي واخد مني فوني
هو..تمشيش الا هكي
كتب رقمه و اتصل بيه وخدي رقمي مني واني واقفة نتفرج شن هدااا!!😲
اني..تي شن ادير انت تو نغيره رقمي
هو..تو نحصله من جديد بي اي طريقة
اني..صبرك ياربي😒حيوان حول من قدامي ترا
مشيت ركبت السيارة واني متعفلقة..انتِ كيف تخليني بروحي معاه وتمشي
قمر..اسمعي الولد باين انه يحبك ويبيك
اني ونوخر في السيارة..الي يبيني حوشنا قدامه☺
قمر..بس وين تندري عليه تعرفي عليه شوفيه مرات يمشيش معاك وتعلقي فيه
اني..اني مع من عايشة عايشة مع 4اولاد يعني مايسمعنيش هدا يسمعني هدا فكيني ترا
قمر..انتِ وراحتك بس باين انه الولد يبي يتعرف عليك فترة وبعدها بيتقدملك
اني..مالي ومال وجع القلب يا قمر خليني بالله عليك فكيني مانبيش نعلق روحي في شي مرات يكون مش ليا💔
قمر..براحتك
نسوق ونفكر في كلامه بس لالا شن الكلام هدا لا مش حنكلمه😌
وصلت قمر لحوشهم
قمر..هي انزلي تغدي
اني..والله راسي بيتفجر خليها مرة تانية حبيبتي
قمر..باهي تمام
اني..هي سلامات
قمر..في امان الله
خشت قمر لحوشهم واني طلعت ع طول لحوشنا كانت مسافة قريبة مش بعيدة لاحظت في سيارة تلحق فيا من بكري
اني..ان شاءلله خير يارب
وفجأة السيارة جت قدامي بالعرض
اني..ياااااربي شن هالكارتة هدي
سكرت بطم السيارة والرواشن وفتحت نقالي واول رقم اتصلت بيه ع طول
هوا..ههههه مسرع اتصلتي
اني..ساعدني ارجوووك ساعدني في سيارة وقفت قدامي توا
هوا..كييييف وين انتِ
نشبح فيهم نازلين ومش عارفة شن ندير
هوا..الووووو
اني..نزلولي نشبح فيهم نازلييين وجاايييني
هوا..دوري وولي بسرررعة وين انت قوليلي وين بسسسس
اني..في شارع الـ...
هوا..تم تم
اني نشبح فيهم ومش قادرة
اني..اعود بالله من الشيطان الرجيم ياااااارب قويني ياااارب بسم الله
حطيت رجلي ع البنزينة وشهدت دورت نسمع في رصاص يضربو فيه فوق باش يخوفوني جي قدامي واحد وشاد سلاحه موجهه ليا وقفت اني ونبكي
اني..😭😭ياااااااااارب تسامحني
غمضت عيوني ومشيت بالسيارة نجري طلق الرصاص جت في كتفي بس من حرارتها ماحسيتش بيها ضربته بالسيارة وقعدت نجري مانعرفش روحي وين ماشية اني نشبح في الناس الي هدا يجري بسيارته وولا واحد كلف نفسه ونزل دافع او وقف ياروح مابعدك روح حسيت بدم ينزل مني شبحت لقيته كتفي ينزف كيف اني ماحسيتش بيه نشبح من المراية لقيتهم يجرو وراي
اني..ياااربي ساعدني😭😭
مشيت مانعرفش روحي وين نمشي خشيت بين الزحمة وبعدين من مكان لمكان نحس في روحي دايخة التلفون يتصل بس مش قادرة نرد وقفت السيارة ونزلت منها
اني..ساااعدوني😭
وطحت غبت عن الوعي معاش نندري ع شي
هوا..ياربي مايصيرلها شي ياربي يارب تحميييها يارب هيا شمس رددي رددي
..الو السلام عليكم
هوا..وعليكم السلام وين صاحبة التلفون خوي
..لقيناها طايحة في الطريق اسعفناها كانت متصاوبة في كتفها وتوا دخلوها للعمليات
هوا..اما مستشفىىى؟؟؟
..مستشفى الـ...
هوا..جاي جاي خليك لين نوصل
سكر التلفون ومشي يجري خش اتصل ولقاه رفعه لمكاني
..خوها؟
هوا..ءء لا زميلها في الجامعة
..باه هي نتصلو بي اهلها
هوا..عطيني التلفون تو نتصل بيهم صحيت خوي تعبناك معانا
..ولو ان شاءالله الف لاباس عليها هي السلام عليكم
هوا..وعليكم السلام
.
.
اسمه مروان م 89 مدير في شركة وفي نفس الوقت هو الي يوصل في عيلته ويرفع ويجيب ومتكفل بكل شي لانة هو الولد الوحيد وبوه متوفي وسبب تعارفه بي شمس اخته تقرا معاها كان ديما يرفع فيها ويجيب فيها والباقي تو تعرفوه😉
.
.
مروان..الو السلام عليكم
محمد..😵وعليكم السلام خوي من انت؟؟
مروان..اني اسعفت البنت لقيتها طايحة جنب سيارتها ومتصاوبة في كتفها
محمد..كيييييف
مروان..اي ياخوي احني في مستشفى الـ...
محمد..جاي جاي
مروان..اوك
مروان..اياح توا مانبيهمش يشوفوني اني كيف ندير اي اذكرت ولد عمي ان شاءالله يارب عنده اليوم ايوا ولد العم
حاتم..يا اهلين شن جو
مروان..تو نحكيلك غر اسمع انت وين
حاتم..في المستشفى
مروان..مية مية تركب توا لقسم الـ.. تلقاني قدامك جري اااه
حاتم..شن جابك انت شن في
مروان..تعالى توا قتلك
جي حاتم يجري يحسابة اشبح شن صاير خش لقاه قدامه
مروان..في بنت داخل متصاوبة باهي واني توا كلمت اماليها قتلهم ان اني لقيتها طايحة المهم هي في ولد لقاها طايحة واني نعرفها ومانبيش اماليها يشوفوني توا انت تبدل حوايجك ولما يجو هما تعطيهم التلفون وتقوللهم ان انت هو الي كلمتهم فاهم
حاتم..باه شن نقوللهم
مروان..اني كلمني خوها قتله ان اني لقيتها متصاوبة طايحة في مكان.. و مانعرفش شي غير هكي بسرعة هيا خوها يتصل البس واطلع
حاتم..باهي ديما حاصل فيك اني امتى بتعقل انت
مروان..هيا هيا
لبس حاتم ع السريع وطلع
حاتم..الو
محمد..وينك ياراجل وين هيا بسرعة
حاتم..اهو نازلك هي
نزل حاتم ركبه
محمد..كيف صار ماريتش من ضاربها او شي ؟
حاتم..لالا كنت وراها اني وكانت الطريق زحمة فجأة وقفت السيارة نزلت هيا وطاحت واني اسعفتها
محمد..بارك الله فيك ياخوي
حاتم..هدو حجاتها تفضل وبالمناسبة اني دكتور اهني تبو اي حاجة تفضلو😊
محمد..بارك الله فيك بس ياريت تخش تشوفهالي شن وضعها
حاتم..ان شاءالله
خش حاتم ليا شافهم كيف كملو العملية طلعو الرصاصة ومطلعيني
حاتم..كيف حالها يادكتور توا
دكتور.. #يتبع
ان شاءالله تنال اعجاب الكل يااااااااارب😍😘 وهياااااا نبي تفاعل اكتررر💣 والي بديرلي تم في تعليق نهارها احرف😡نبي تعليق حلو اني يرفعلي معنوياتي يشجعني انزل كل يوم باش نشوف كلامك وتعليقاتكم النزيكة😍😎
~
~منقول
~
# للكتابه حنو