مكتوبتلك

الحلقة السابعه

الـحـلـقـة #الـسـابـعـة7⃣
.
.منقوووول
.
#مـكـتـوبـتـلـگ❤
.
.
.
اني..سامحيني بس والله ماعرفتك
المرا..قولي لي بوك فوزي تسلم عليك خولة تو يعرفني
اني..تي باه منو انتِ شايفاتك لكن نسيت
المرا..هدي كنتكم
اني..ايه اميرة مرت يوسف
المرا..مشاءالله تبارك الرحمن
اني..سلمك
اميرة..😊
المرا..هي امالا زي ماقتلك
اني..ان شاءالله
مشت وقعمزنا..تي منوو
اميرة..🤣🤣ماعرفتش
جت شهد وخواتها سلمنا عليهم وعزيناهم وكانو مش قادرين مش صابرين بكل كانو يقطعو القلللب🖤💔
نضنا طلعنا
اني..مروان اني طلعت بنروح
مروان..باهي ديري بالك
اني..تمام
سكرت منه ومشينا روحنا للحوش لقينا الغدي واتي
ماما..وين يوسف
اميرة..خليته راقد قالي تعبان
ماما..امالا اهو سقيتله بروحه لما تروحو روحي بيها والا يجي ياكلها اهني
اميرة..حاضر
قعمزت معانا اميرة نتغدو
بابا..اميرة وين يوسف
اميرة..خليته راقد قال تاعب وجابتني شمس اني
بابا..ايه صح تعب هلبا الصبح خدمة جت كلها عليه
محمد..اهو روحت اني وننهض من ع كتافه شوية
بابا..وانت امتى بتخطبلك امك مش كأنه طولتو بيه الموضوع🤔
ماما..والله قلة فضوة توا غدوا نمشي
بابا..وين
ماما..وين تبو انتم نرجس والا قمر؟؟
اني..قمر ماما شن نرجس
بابا..ايه قمر
محمد..لا
شبحناله كلنا😳
ماما..شن😦
محمد..نرجس
تيم وحازم قعدو يشبحوله..هههههه تبصر
محمد..والله نحكي جديات
ماما..باهي براحتك الي تبيها
بابا..لا يا قمر يا لا
ماما..خيرها بنت اختي من شن تشكي
بابا..كلمة اني قلتها
اميرة ناضت ركبت داري انسحبت تحشمت
اني..خلاص محمد بلا تسهويك انت بعضمة لسانك قلتها نبي قمر وهيا وبس شن صارلك توا
محمد..غيرت رأيي نبي بنت خالتي
اني..محمد قمر الي تبيها من 3سنين
بابا..شنوو
اني..ايه من الاخير بابا محمد وقمر من قبل يكلمو في بعض ويبو بعض وتوا يجي يخطب بنت خالتي؟؟؟ شن هدا الي ادير فيه تحشم ع وجهك راك كبير وراجل قد بوك مش معقولة تلعب على بنت عمك
نضت وسيبتهم مصدومين
ماما..حق يا محمد؟؟
محمد..ايه لكن معاش نبيها نبي نرجس
بابا..عليا اليمين غير قمر ماك واخد
محمد..اقعدو فيها هي
خدي محمد مفاتيح سيارته وطلع
اني..مش مصدقة اني😱والله قمر تقتل روحها تجهز في نفسها البنت وع اساس بنخطبوها
اميرة..لا حول ولا قوة الا بالله
اني..والله ساحراته هدي متع سحر البنت والله اديرها
اميرة..استغفري ربك مش طول هكي تقولي وين تندري
اني..نعرفها اني يا اميرة والله ماتعرفيها انتِ
اميرة..توصل بيها للدرجة هدي معقوولة
اني..ايه واكتر تتلصق فيه ديما شكلهم متلاقيين والله وراه وراه ونعرف شن الي دايره هدا
اميرة..ان شاءالله خير
اني..ان شاءالله يارب مايطلعش الموضوع لي قمر ياااارب
ترن ترررن
اني..تي لاااا قداش ليها ما تكلمتش مالقتش الا اليوم اووف
اميرة..منوو
اني..قمر
اميرة..كيف
اني..قمر تتصل كيف ندير ان شاءالله ماكلمهاش بسس..ايوا قمر
قمر..شن جو
اني..الحمد لله
قمر..خيرا صوتك هكي نحس فيك مضايقة
اني..ايه شوية عادي مادوريش
قمر..باه بنسئل محمد خيره مايردش
اني..ءء متعارك هوا وبوي ماتعدليش عليه وماترديش عليه كان اتصل بيك
قمر..كيف يعني
اني..قمر توا تعرفي بس توا ديري الي نقولك عليه مهما يتصل ماترديييش فاهمة
قمر..باه اصلا بنقولك ان اني بنساافر
اني..كيف امتى
قمر..اني مريضة😔 بوي يتصل بيكم ماتردوش
اني..ما قتلك بابا توا كيف تعارك مع محمد اكيد مايبيش يرد توا وبعدين يرد عليه غر شن فييييك
قمر..تعالي توا نحكيلك
اني..مرض قوي والا شنو شن فيك يا بنت
قمر..ايه
اني..باه شنوو
قمر..ماينحكاش هكي
اني..ان شاءالله خير يارب جايينكم توا هي
قمر..باه
نزلت نجري لبابا
اني..بابابابابابا😢
اميرة..خيررك تعالي خيرك تجري يابنت
ماما..شن فييي محمممد ولدي؟؟
اني..ياريت هو 😡 يا بابا قمر يا بابا
بابا..شن في عمك من بكري يتصل ماقدرتش نرد
اني..قمر مريضة
بابا..خيرررها
اني..غدوا مسافرة البنت وقتلي مريضة مرض قوي مافهمتش قتلي بوي ردو عليه من بكري يتصل
بابا..اااه هاك اتصليلي بيه
اميرة..عطيني تو نكلمهولك
خدت اميرة اتصلتله بيه وعطاته الفون
بابا..ايواا
عمي..وينك يا فوزي وينك
بابا..والله كيف كنت نتعارك مع الاولاد هدم معاش خلوني نرتاح دقيقة شن في قتلي شمس قمر مريضة خيرها لاباس عليها
عمي..مريضة بالمرض
بابا..لا حول ولا قوة الا بالله
عمي..غدوا بنرفعها
بابا..جايين احني هي دقيقة وتلقاني عندك
سكر بابا..وتو روحكم نمشولهم
اني لبست عبايتي ووطلعنا مشينا لي حوش عمي لقينا مرت عمي قالبتها بكي وغريد وقمر مقعمزة جنبها وتسكت فيها هيا وهنادي
اني جيت نجري وتغمرتها..قمممر
قمر..😭😭
اني..ماتخافيش حتصحي ويكون حالك افضل بإذن الله
قمر..بس في هلبا ماتعافوش منه
اني..حنكون معاك ومش حنخليك
قمر..توعديني
اني..نوعددك
طلع بابا اتصل بمحمد ماردش اكتر من مرة بعدين رد
محمد..نعم يابوي خليني في حالي
بابا..تعالى توا لحوش عمك بسرعة
محمد..شن في
بابا..قمر
محمد..خيرهااا
بابا..مريضة البنت بالسرطان (عفانا الله)
محمد وقف معاش قدر يتكلم
بابا..الوووو تواااا تجي
محمد..ج ججاي
قعدنا مقعمزين وحكولنا ع الي صار
قمر..صدفة هيا اني لعند توا ماحسيتش بشي مشيت عيادة قلت نبي ندير تحاليل درتهم ومشيت تاني يوم خديتهم وطلع في بدايته
اني..وين جايك😢
قمر..في صدري😔
اني..😭😭بابا مش حنخليها بروحها بابا نبي نمشي معاها مستحيل نخليها اني
بابا..حاضر خلاص اشش
محمد..السلام عليكم
اني شفتله..😏
محمد..قمر خيرك لاباس عليك
قمر..سرطان في الثدي💔
محمد حط يديه ع راسه ودمعو عيونه..وكيف يصير توا
عمي..غدوا مسافر بيها اني وحجزتلها عند دكتور
محمد..ان شاءالله خير
طلع محمد للجنان قعد يبكي
'
مش فاهم روحي شن نبي نبيها ومانبيهاش شن الي صايرلي ياااربي ساعدني اني نحبها ونبيهااا بس علاش درت هكي علاش قلت نبي نرججس اااخ ياربي شن نددير بسس ياااارب ساعددني شن الي صابني شن الي صااير
'
طلعت لقيت محمد مقعمز وباين انه كان يبكي
اني..محمد
محمد..نعم
اني..اسفة على بكري
محمد..عادي
اني..محمد نبي نقولك حاجة
محمد..شنو
اني..ماتمشيش
محمد..ونخليها؟؟؟لالا مستحيل حنمشي معاهم
اني..محمد واضح ان هديكا مدايرتلك حاجة
محمد..كيف
اني..نرجس
محمد..شن بديرلي
اني..البنت نعرفها واضح انها موكلاتك حاجة فيها سحرها الله لا تسامحها
محمد..موكلتني؟؟
اني..اي حاول تتفكر هكي تلاقيت معاها؟
محمد..ايه تلاقيت معاها لكن مش بروحنا كلموني قالولي تعالى مشيتلهم مشي مالقيت حد خالتي طالعة لقيتها هيا بس ومش عارف مدايرة حجات كليت وطلعت
اني..وانت معمي ع عيونك والا شنو الباقي في الحوش بروحها ماتخشلاش
محمد..نحساب خالتي قاعدة
اني..غبببي
محمد..ومن يومها بديت نهمل في قمر ومعاش خاطري نشوفها توا نبيها ونبيها تتعافى بس في نفس الوقت مش عارف كيف
اني..اااخ ياربي صبرنا اسمع لا اني ولا انت نمشو
محمد..كيف باه
اني..نقولولها نلحقوك
محمد..باه شن بديري
اني..لازم تمشي لشيخ وتنحي الي كليته
محمد..باه
خشينا وقعمزنا شوية وبعدين هما روحو واني بتت عندها تاني يوم رفعناها للمطار وتحججنا ان مالقيناش تذاكر الا بعد اسبوع او اسبوعين ومشت سافرت وقلبي معاها😢
روحنا للحوش وكلنا تعبانيين و جونا اخيي
اني..بابا تعالى نبيك
خشينا اني وبابا لمكتبه
اني..بابا اليي بنقولهولك نبيش ماما تعرفه لانها مش حتصدقه بابا راهو (.....)
بابا..كنت حاس بيها
اني..المهم توا لازم ادبرله شيخ بابا راهو محمد يبي قمر بس مرة مرة تنوض عليه الهبلات لما نجيبوله سيرة ويقول نبي نرجس نبي نرجس بس هو يبي يتعالج
بابا..اني حندبرله
مشي اليوم اخيي والي بعده اخيي كلمتنا قمر قالت انها كويسة وان الحمد لله حيستأصلوه بس حتكون عملية كبيرة وقتلي موعدها بعد اسبوع اني قلت مليح بكل نكون عندها وقتها بإذن الله
لهينا بمحمد وماما عرفت وكانت ماتبيش تدخل لانه بابا مقتنع ومسكر راسه يبي يعالجه وان بنت اختها هي الي دارت مشو الايام مشي محمد للشيخ قري عليه قرآن وماتحملش تعب هلبا روح رقد طول💔💤
اني..واجعني محمد
ماما..معقولة اختي وبنتها ادير في ولدي هكي😢🤧
اني..الوقت هدا تخافي من روحك
ماما..والله صدقتي
اني..تقول عين وصابتنا هدا واكل سحر وهديكا تعالج برا من المرض واااخ ياربي😓
ماما..الله غالب هدا امتحان من ربي
اني..الحمد لله
ماما..بري نوضيه اعطيه امية رقية قال وادهنيله رجليه باالزيت المرقي
اني..حاضر
خشيتله..محمد حميدا
محمد..خليني يا شمس مش قادر نتحمل روحي
اني..باه هاك اميا تو ترتاح بعد تشربها
ناض محمد وبيشرب
اني..سمي بسم الله وشربها ع تلات مرات شربها الميا وخديت الزيت ودهنتله رجليه ودلكته ودرتله ظهره وبطنه ووجهه وراسه عبيته بيه وطلعت ورقد محمد بعدها نومة حلووة❤
واني مارقدتش من جيهة مروان ومن جيهة محمد ومن جيهة تانية قمر والله معاد لحقت
اتصلت بمروان ماردش بعدين رد
اني..اهلين كيف حالك
مروان..الحمد لله
اني..شن داير كيف حال خواتك
مروان..اهو ماشية الحمد لله
اني..اسفة معاد اتصلت غر صارلي ظروف
مروان..شن الظروف الي تخليك تغيبي هكي والا اااه نسيت اني مش مهم عندك لهدرجة اصلا منو اني وبصفتي منو نكلم فيك يا شمس فهميني خلاص تعبت اني انتِ تبيني والا لا امتى ماتبي تتصلي وامتى ماخاطركش تفوتي ولا تردي حتى ع مكالماتي
اني..مروان والله اسفة والله ظروف خوي مريض نعالجو فيه عند شيخ وقمر بنت عمي مريضة ومسافرة تتعالج برا من المرض هداكا😭
مروان..المرض هدا خدي مني امي وبوي🖤
اني..الله يرحمهم💔
مروان..ربي يغفرلهم ويرحمهم ويسامحهم يارب
اني..يااارب
مروان..شن قالولها بنت عمك
اني..الاسبوع الجاي بيديرولها عملية وبنسافرلها اني
مروان..وين وامتى
اني..لي المانيا يوم السبت عمليتها بنمشي اني ومحمد خوي
مروان..ان شاءالله تنوض منه يارب وترجعلكم
اني..ان شاءالله💔
مروان..ايه كيف حالك
اني..الحمد لله
مروان..خيره خوك
اني..وحدة دايرتله سحر وموكلتهوله حشاك
مروان..ربي يسترنا ويبعدهم علينا ياااارب
اني..امييين شن داير
مروان..اهو وليت لخدمتي سيبتها هلبا وخواتي كل مرة خالة تجيهم ومرات نساوين عمي والبنات مش مخليينهم وعماتي حتى هما وهوا هدا
اني..ان شاءالله ربي يصبركم💔
مروان..ياااارب
اني..مروان محمد ينادي عليا تو نكلمك
مروان..تمام
سكرت منه ونضتله
محمد..حجز بوي ؟
اني..وين
محمد..لي قمر
اني..ايه حجزلنا كيف حالك انت
محمد..اهو الحمد لله
اني..ان شاءالله حتتعافى
محمد..يارب
بدي كل يوم محمد يمشي وهكي مشت الايام لعند طلع كل شي واكله في بطنه كان هداكا اليوم رعب لينا كلنا وليا بذات😦 جيت عطيته من العشبة الي قاللنا عليها الشيخ نعطوهاله ورقد شوية وجيت نوضته اني..محمد محمد يبيك بابا
محمد..ااااه بطني
اني..محمد خيركك
محمد..بنرجع من بكري نبي نرجع مباش يطلع شي
اني..كيف نديرلك باه اشرب امية رقية مرات اطلع
شرب محمد وزاد يتوجع
اني فتحتله قرآن بدي يهدا بعدين ناض من جديد وقعدت نشد فيه ونهدي فيه
محمد..بنرججع جيبيلي حاجة مش قادر نوقف
جبتله حاجة يستفرغ فيها وطلع الي في بطنه كله
لما سكت تلفتتله لقيته مقعمز ويشبح
اني..😳شن هدا ياااربي
محمد..سانديني نبي نخش للحمام
قمته خششته ومشيت ناديت ماما وبابا طول
اني..تعاااالو
ماما..شنوووو
اني..بسرعة تعالو
جو يجرو وشافو الي شفته تقول قطران مطلعه من بطنه ياربي لطفك ياااارب علاش هكي بسس😭
طلع محمد وهو واضح ع وجهه تعباااان ومش قادر يوقف جيت شديته وقعمزته
ماما..الله لا تربحهم الله لا تسامحهم من اليوم لا عاد نبيها تجيني ولا نشوفها ولا هي اختي ولا نعرفها
بابا..قتلك اني انتِ ماتبيش تصدقي عاجبك ولدك توا
اني..خلاص اسكتو مش هكي خلوه يرتاح
نضفتله داره وفتحتله الرقية وحطيت في جنبه كروانة يرجع فيها مرات وحطيتله اميا وطلعنا خليناه يرقد
~
~
يوسف..السلام عليكم😍
اميرة..السلام عليكم😍
احني..وعليكم السلام🙂
خشو قعمزو نضت اني صبيت عصير لحقتني اميرة
اميرة..بنقولك خبر😍
اني..شنو
اميرة..اني حامل😊😍
اني حطيت السفرة ووليت..قولي والله
اميرة..وحق ربي هي
تغمرتها كنت محتاجة اخبار حلوة زي هدي😍..الف الف مبروووووك ياعمري😍😍
جبتلهم السفرة وفرحانين نضحكو
ماما..مبروك اميرة تو من اليوم معاش تتحركي هلبا سلم بنتي و يا يوسف يا اما تجيبلها شغالة تعاونها يا اما تجي تعيشو عندنا عاد هدا اول حفيد😍😍
يوسف..حاضر تو نجيب شغالة
اميرة..مش ضروري عادي ياعميمة
بابا..لالا زي ماقالت ره
اميرة..باه انتم تؤمرو
ناض يوسف..وين محمد
اني..في داره تعالى نشوفوه
نضناله خشينا لقيناه يرجع تاني
اني..محمممد
محمد..من بكري انادي عليك
يوسف..لا حول ولا قوة الا بالله حسبي الله ونعم الوكيل
محمد..عييت انييي خلاااص
اني..خلاص ياقلبي هدي روحك حتشفى منه بإذن الله خلاص اذكر ربي بس
محمد..لا اله الا الله
اني..حسبي الله ونعم الوكيل ربي ياخد الحق
يوسف..من امتى هكي هوا
اني..اليوم بدي يرجع
يوسف..ان شاءالله خير يارب
ناض خش الحمام واني نضفتله مكانه وجي بيرقد
يوسف..نوض نوض انت وين بترقد
محمد..تاااااعب
يوسف..نوض تعودت ع الرقاد انت هكي مش باهي ليك نوض
محمد..خليني ياراجل
يوسف..باه بنقولك خبر
محمد حط يده ع عيونه بتعب..شنو
يوسف..انت بتولي عم
محمد نحا يده..بالحق
يوسف..وحق ربي
محمد..ربي يتمم ع خير ويطلع من حملة كتاب الله
يوسف..ان شاءالله يارب
محمد..من توا لبسه وكل شي ليه نجيبهوله اني من المانيا لما نمشو
يوسف..بحبح هي هدا قاعد ماجاش هكي
محمد..حتى هو اول حفيد😉
يوسف..باهي اطلع توا بنمشي للأولاد نهدرزو شوية ونروحو
محمد..خلي نبدل
يوسف..هي نستنى فيك
ناض محمد دوش وبدل وصلى العشاء ونزل طلعو هوا ويوسف
اني..باه الي جي يوسف وطلعه
ماما..ايه ربي يشفيه وليدي
اميرة..ياااااارب
اني..بابا امتى الحجز
بابا..يوم الخميس
اني..باه مليح😍
ماما..بنقعد بروحي
اني..الله غالب
اميرة..كنهدا نحو اني ويوسف نقعدو عندكم لين يروحو هما
ماما..😍😍يارييييت
بابا..يكون احسن
اميرة..خلاص معناها
ماما..اصلا يوسف داره كبيرة يعني ماعليك غير انك تجيبي حجاتك بس
اميرة..اي تو نطلع حجاتي ونوتيهم غدوا ونجيبهم
ماما..باهي
اني..خلي بنركب نرتاح
اميرة..اركبي ارتاحي تعبتي هلبا😊😉
اني..تمام😊تصبحو على خير
ركبت اتصلت بمروان وقعدت نهدرز عليه لين رقدت واميرة قعدت تهدرز مع ماما وبابا لين روح يوسف ومحمد ومشو روحو
مشو الايام ومحمد كل يوم يغسل لمدة 40 يوم وكان كل يوم يتحسن على الي قبله جي الخميس نضنا كلنا بكري فطرنا مع بعض وحتى يوسف واميرة معانا
هدرزنا وضحكنا هلبا جونا حلوو😍
مشينا لي مرت عمي هيا وهنادي سلمت عليهم ومشت معانا هنادي وام قمر وخليل طلعنا مع بعض وصلونا للمطار وخش معانا بابا بواسطاته لعند الطيارة تغمرته وبسته
بابا..ديري بالك من خوك ماتخليشي يسيب الغسل تبعه وديري بالك من روحك بنيتي
اني..حاضر
ركيت الطيارة وقعمزت اني ومحمد وورانا هنادي وورا هنادي خليل وامه
بعد ساعات طويل وصلنا لي المانيا🤗😍
نزلنا من الطيارة تعبانين كان عمي يستنا فينا وتام الحجز في فندق وكل شي تمام ركبنا السيارة مشينا للفندق من التعب رقدنا طول وكل واحد غرفته
نضنا نزلنا تعشينا وقعمزنا هدرزنا شوية محمد مشي مع عمي ومرت عمي لي قمر لانه مدخلينها من اليوم واحني قعدنا قالولنا نرفعوكم غدوا هدرزت اني وهنادي وخليل وبعدين فتحنا نت كلمت ماما وبابا وخوتي واميرة شوية وبعدين نضت للدار وكلمت مروان
اني..مروان كيف حالك
مروان..ماشية الحمد لله وانتِ
اني..الحمد لله وصلنا من بكري غر من تعب رقدنا
مروان..باهي الحمد لله
اني..شن اخبارك
مروان..ع حطت يدك زي ماخليتيني
اني..ماتخافش بإذن الله تفرج
مروان..ان شاءالله
قعدنا نهدرزو لين رقدنا
نضت تاني يوم الصبح دوشت وبدلت ومشيت لي محمد نوضته ووتيتله الميا الي بيغسل بيها جايبينها من ليبيا وناض دوش بيها ونزلت اني قعمزت نفطر لقيت خليل مقعمز يفطر قعدنا نهدرزو وجونا حلو ونزلو الباقي فطرنا ونضنا مشينا لي قمر
اني..قمورتي😍😍
قمر..😍😍شمممس ياكذااابين قتولي ماجتش
محمد..😂😂مفاجأة ماه
قمر..خزي عليكم
اني..ههههههههه كذبو عليك تو اني معقولة نقعد ومانجيش
قمر..لا مش معقولة الصراحة
اني..ايواااه😘
هنادي..ما استاحشتيش اختك؟
قمر..عينك يابقرة 😂
اني حسيت نفسيتها مرتاحة وجوها حلو شوية فرحت انها مش مكتأبة كان عندها امل كبير😍وهدا هو نصف العلاج😌
هدرزنا وبعدين جي الدكتور قال لازم نخلوها ترتاح
خليناها وطلعنا روحنا قعدت معاها امها بس
ادهورنا شوية وتغدينا برا في مطعم وبعدين قعدنا نتمشو لعند الفندق كان قريب من المطعم👣
اني..هنادي شن امتى عرسك
هنادي..قريب ماهو مزال ماكملش الحوش
اني..شن يبني في قصر هدا
هنادي..حالته المادية ضعيفة شوية يعني كل مايحصل يديره في البني
اني..اهاااا باه ان شاءالله ع خير
هنادي..وانتِ شن جو مروان
اني..مش فاهمة روحي شنو وهوا مضايق مني لاني ماعطيتاش الرد
هنادي..تحبيه؟
اني سكتت
هنادي..تكلمي
اني..ايه ويوم الي مانكلماش نضايق ونحس في حاجة ناقصتني ولما مايردش تركبني نار😔
هنادي..خلاص علاش تبيش تقوليله ؟
اني..خايفة بس
هنادي..ماتخافيش باين عليه ولد كويس
اني..يعني نقوله
هنادي..ومن اليلة
اني..اممممم به
هنادي..بس من قلبك ها
اني..ايه عارفة
هنادي..تمام
وصلنا الفندق ركينا لديارنا اني وهنادي كل وحدة دارها اما الاولاد قعدو يدورو ومابوش يروحو😒
قعمزت اني نفكر زعما نقوله والا لا اوووف خلاص لأمتى هكي قوليله اي خلاص بنقوله هي اتصلي يا شمس اوووف خااايفة خلاص عاااد بنتصل هي
اتصلت وياريتني ما اتصلت💔
اني..مروان كيف حالك
هي..عفوا ممن انتِ
اني..ءءء اني شمس انتِ اخته؟
هي..لالا اني اني مرته🙂
اني..نعممم
هي..ايه تفضلي شن تبي
اني..بجد تحكي
هي..اي امالا نلعب معاك اني؟ من انتِ
اني..لا ولا شي اني
سكرت عليها وقعدت مصدوووومة معاش عارفة شن نقول وشن ندير ضميت رجليا ليا وقعدت نبكي نبكي بحرقة ومش قادرة نفهم شي من الصدمة وكلمة اني مرته ترن في ودني من امتى مرته وكيف صار ااااخ ياربي يعني هو كان يخدع فيا!! لالا مروان مش هكي🙁يعني خلاص بعد تعلقت فيه تو كيف مرته واني نسهر معاه للصبح؟؟اوووف
اتصلت بهنادي تجيني جتني طول وخشت
اني..طلع متزوج🙂
هنادي وقفت في مكانها من الصدمة..نعم😳😵
اني..ايه
هناددي..كيف عرفتي
اني..هاك اسمعي التسجيل
هنادي فتحاته وسمعاته وقعدت تشبحلي ومش فاهمين ومش قادرين نصدقو
اني..يعني هو يكدب عليا😭اني غبية صدقته وخليته يلعب بيا وبمشاعري
هنادي..مش عارفة ومش فاهمة شييي
اني..باه حتى لو حد بيلعب بيننا شن جيب تلفونه ليها هااا قولي اااااخ
هنادي..زيدي شوية وعاوديله
اني..عينك مش نعاودله يمشي يطير من عليا
هنادي..مش هكي تنحل الامور يا شمس مرات وحدة تبي تفرق بينكم
اني..مادخليش واضحة من الثقة الي تتكلم بيها ان كلامها حق
هنادي..اوووف خير بإذن الله
اتصل مروان ومابيتش نرد عليه مرة وتنين وتلاتة مابيتش وهنادي تلح عليا تقولي ردي بدي يتصل ع الواتساب ونسكر عليه يبعت في مسجات
مروان..معاش تبي تكلميني!
اني..شوفي كيف يتكلم كأنه مايعرف شي
هنادي..مرات هديكا مسحت المكالمة
اني..زعما؟
هنادي..امالا شنو
اتصل ورديت عليه
مروان..وينك شغلتيني عليك علاش ماترديش عليا
اني خديت نفس وندوي وخانقتني العبرة ..خلاص مروان الي بيننا انتهي قبل مايبدا انت راجل متزوج واني مستحيل نفرق بينكم ربي يسعدكم ويهنيكم💔
مروان..شن تقولي شن تخرفي زواج شنو ويسعدك شنو انتِ هيا حتكوني مرتي وغيرك مافيش
اني..خلاص مروان بلا كدب عاد
مروان وبصوت يكشخ..معاد تقولي نكدب شن تخرفي انتِ اني مش متزوج شن تقولي والا تبي تتخلصي مني لقيتي االسبلة هدي
اني..اتصلت بيك بكري وكلمتني مرتك
مروان..امتى مافيش مكالمات منك بكل
اني..لحضة نبعتلك التسجيل
بعتتله االتسجيل ونتصل معاد يرد عليا عرفت انه متزوج زدت نبكي ومعاد قدرت نسكت وهنادي ماعرفتش كيف تهديني💔😭
.
.
.
نجو من اول ما اتصلت اني
سمرا..هههههههههاااي صدقت الغبية
شهد..شن درتي
سمرا..لقيت تلفون مروان يتصل ورديت شن يا شهد ماقلتيش ان خوك يحب انتِ تعرفي ان متسمييين لبعض من لما كنا صغار علاش مدرقة عليا
شهد..خوي حر في حياته لا انتِ ولا غيرك متسمي عليه وتوا لو سمحتي تفضلي برا ممن داره قبل مايجي ويقلبها عليك
حطت سمرا التلفون وهي متكنطية وطلعت وشهد رتبت كل شي في مكانه وطلعت..وقحة😒
طلع مروان من الدوش وخدي فونه وقعمز اتصل بيا
وبعد ماسكر مني وسمع التسجيل لبس ع السريع ونزل
مروان..من الي كانت فوق في داري!!!! تقول منو والا نطلعها بروحي اوك اسمعو هي يااا سمرا براڤو عليك صراحة
وسمعهم كلهم التسجيل وام سمرا انصدمت ومعاش عرفت كيف تتكلم الي هي عمته
وعمته التانية..سمرااا😡شن العار هدا من امتى وليتي مرته؟؟؟ وكيف تخربي في حيات الولد ؟؟ لو يبيك راه خداك لكن من الاول هو قايل سمرا زي اختي
مروان..وللأسف مايشرفنيش تكون اختي خواتي متربيات وعمرهم مايديرو عار زي هدا😏
داليا..خلاص مروان عيب
مروان..سامحيني ياعمتي لكن بنتك هي الي جبرتني نتكلم هكي
خدي حجاته وسكر داره بالمفتاح وطلع
.
.
.
اني..معاش يبي يرد ويسكر عليا😭
اتصل بيا ورديت ع طول
اني..وينك علاش معاش تبي ترد
مروان..اسمعيني الي قالك الكلام والي ردت عليك كدابة
اني..كيف يعني
مروان..صدقيني تكدب عليك هدي بنت عمتي ودايرة راسها من راسي ومن الاخير لما كنا صغار مسميينا ع بعض واني رافض الشي هدا وهي مزال في راسها وتبي تحققه لكن اني لا والكل يعرف ان اني مقايل لا ومانبيهاش
اني..به علاش ماتردش بكري
مروان..مشيت وريتها قيمتها وهزبتها قدامهم كلهم وطلعت
اني..به تمام
مروان..اسف لانة صار هكي واسف لاني مش داويلك عليها قبل
اني..باه
مروان..امباه علاش متصلة بكري والا غر بتهدرزي
اني..لا في حاجة كنت نبي نقولهالك بس خلي مرة تانية
مروان..زي شنو
اني..حاجة تستنى فيها ليك شهور
مروان..وتوا ماتبيش تقوليها؟!
اني..لما نروق تو نقولك
مروان..باه براحتك
اني..اي
مروان..توا اني مش فاضي تو نكلمك شوية تانية
اني..اوك
سكرت منه وقعدت مفركسة ومش فاهمة من نصدق💔
هنادي..صدقيه من كلامه صادق معاك
اني..مش عارفة
هنادي..كيف
اني..نبي دليل
هنادي عوجت فمها..شن جو محققين هدا نبي دليل😏
اني..ما مش قادرة وشوفي اني وين وهوا وين اني في المانيا وهوا في ليبيا يعني مسافة والي صار ومعاش عرفت شي الصراحة
تررن تررن
هنادي..منو
اني..نعرفش رقم من ليبيا
هنادي..ردي
اني..مانبيش ردي انتِ
ردت هنادي..الو السلام عليكم
شهد..وعليكم السلام شمس معاي!
هنادي..لا اني بنت عمها تفضلي
شهد..اعطيهالي اني اخت مروان
هنادي..اووك
عطتهالي وقتلي اخت مروان
اني..السلام عليكم
شهد..وعليكم السلام
اني..كيف حالك
شهد..الحمد لله وانتِ
اني..الحمد لله
شهد..توا اتصلت بمروان باش يعطيني رقمك اسفة خديته بدون اذنك بس نبي نفهمك حاجة وحدة ان مروان يحبك ويبيك وتوا والله قلب الحوش ع خاطرك ردي بالك تصدقيها هدي بنت عمتي ديما هكي تحب تخرب علينا لمتنا فوتيه تعدليش عليها وردي بالك تكدبيه راهو والله يحبببك وتكدب عليك هيا ره ماليهاش علاقة بكل بيه ولا يحبلها شبح وجه
اني..تصدقي انك ريحتيني شكرا
شهد..ولو احني البنات نعرفو بعضنا وعارفة انك حتكدبي لانك مش في ليبيا اصلا ولانك حايرة من تصدقي اني حطيت روحي مكانك وحسيت بيك وقلت لازم نكلمها
اني..ربي يخليك بجد شكرا والله طلعتيني من بير
شهد..تمام معناها
اني..ايه
شهد..ان شاءالله امتى مروحة؟
اني..مزال مش معروف غدوا عملية بنت عمي واني قريبة هلبا منها ومش مروحة الا بيها
شهد..ان شاءالله ربي يشفيها بجد المرض الي هي فيه صعب هلبا وربي ينوضهالكم سالمة ياااارب وماتفقدوها
اني..امين يارب
شهد..هي نعطلش عليك حبيبة وتو نتصل بيك غدوا ونطمن عليها
اني..اوك🙂
سكرت منها وفي داخلي فرحانة انها طمنتني واكدتلي ولازم ما نصدق ونوثق فيهم المرة هدي وربي حيورلي وين الحق ووين الباطل
اتكيت شوية واتصلت بي قمر هدرزت عليها وبعدها سكرت حسيت ان نفسيتها مرتاحة ومعنوياتها مرتفعة ممكن لانة كلنا جنبها!! وماخليناهاش تحتاج شي ياااااارب تشفيها يارب
مشي الوقت اخييي كلنا نفكرو في نفس الشي محمد لا ياكل ولا يشرب خايف وبيهبل عليها مشالها وبات معاها وامها روحت لانها تعبت وظهرها تقدرش تقعد
.
.
محمد..نحبك
قمر..حتى اني نحبك
محمد..حبيبتي انتِ حتنوضي بإذن الله ونروحو ونتزوجو ونجيبو كومة صغار
قمر..ههههههههه
محمد يشبحلها ويتأمل فيها..ربي يحفظك ليا ومايبعدك علياا ياااااااارب
قمر..اميييين محمد انت تحبني بجد؟
محمد..ايه اكيد
قمر..بس مش باين
محمد..كيف
قمر..محمد انت تهمل فيا هلبا لدرجة بديت نتعود ع غيابك
محمد..صارولي حجات وتوا بإذن الله ماعاد نتفارقو
قمر..شن صارلك
محمد..لما نروحو من هني نحكيلك ع كل حاجة تبي تعرفيها
قمر..لا توا احكيلي
محمد..من وين تبي نبدالك
قمر..نعرفش
محمد..احم احم كان يا مكان في قديم الزمان
قمر..بططل ههههههههه هيا احكي
محمد..هدا ياحنة
وبدي محمد يحكي وقمر تسمع وتنصدم وتبكي وتخلطت عليها
قمر..يعني لولاهم لكنت توا خاطب نرجس💔
محمد..😔مش بوعيي ومش حنتزوجها اني كنت نقول لا نبيها هيا ولما نشوفها مانحسش بشي ليها هي الي مدايراته كله كله مانتزوجكش
قمر..ربي ينتقم منها ياااارب حسبي الله ونعم الوكيل
محمد..امين وهدا هوا حبيبي
قمر..ربي يحميك ليا يارب
محمد..ويشفيك ويحفظك ليا ومايوريني فيك مكروه
قمر..اللهم امين
حطت قمر يدها ع لحيته وقعدت تمسح عليها باسها💋 محمد وحط راسه عليها قعدت قمر تمسح ع راسه لين رقد ورقدت حتى هيا...
جي الصبح ناض محمد ولقاها راقدة جي الدكتور وقاله بعد ساعة عمليتها لازم نجهزوها ويبوه يطلع
محمد قلهم نبي نكلمها شوية وبعدها تعالو خلوه دقيقة نوضها محمد
محمد شد يدها..نحبك اني هلبااااااااا ونبيك تكوني قوية واني حندعيلك وردي بالك تسيبي اية الكرسي والمعوذات طول الوقت لين يخدروك وترقدي باهي حبيبتي نستنو فيك احني ومش حنروح لعند تنوضيلي ياعمري وردي بالك تستسلمي قاومي وكوني قووية وربي معاك
باسها محمد ع جبينها
قمر..ادعيلي😔
محمد..حاضر هي توا بيخش الدكتور وبيقعد يكشخ😂
قمر..😂😂
خش الدكتور وطلع محمد ودارو هما اجرائاتهم
جينا احني
اني..واااك مالحقتهاش😭
محمد..حتى لو لحقتيها مش حيخلوك من بكري هما معاها توا دخلوها
عمي..راحت علينا نومة مارقدتش ليلة امبارح بكل
مرت عمي..ولا اني قدرت نرقد
اني..طول الوقت نفكر فيها ولعند توا قاعدة نايضة
هنادي..ربي يشفيها وينوضهالنا سالمة يااااارب
واصعب واطول انتظار انتظرته في حياتي😔💔
محمد مقعمز وبدت اعصابه تزيد وبدي يهز في رجليه ينوض يتحرك يمين يسار مش عارف شن يدير يديه مربطة خليل نفس الشي متكي ع الحيط ومش قادر حتى يتكلم خايف يخسر اخته💔
اتصل بيا مروان وماقدرتش نرد بعتتله مسج ان مزال نستنو اتصلت بيا شهد رديت عليها اتصلو بينا العيلة والكل ع نار وهما اصعب انتظارهم في مكانهم ومايعرفوش اي شي اما احني كله قدامنا يارب خير يااارب
نضت من جنبهم خشيت لي دارها صليت وقعمزت ع سريرها نقرا في قرآن وندعيلها خايفة نخسرها☹ قريت لين غفيت جتني في حلمي قمر لما كنا صغار نلعبو مع بعض وهي تتعارك مع محمد وحلمة كانت ملخبطة مش مفهومة نضت ع صوت هنادي
اني..شن صار
هنادي..مزال
قعمزت جنبي وخدت مني وقعدت تقرا هيا
اني قعمزت فتحت نت شوية صحباتنا كل الناس الي يعرفونا يكلمو فيا باه علاش علاش يكلمو فيا اني ناقصة اني؟؟😩
هنادي..صدق الله العظيم ااااه تعرفي توا ارتحت
اني..بس اني مزال قلبي شاعلة فيه نار مش قادرة عيييت واني نستنى😔
هنادي..زيك هي نطلعولهم
طلعنا ركبنالهم ولقيناهم يستنو مزال
محمد..واااااك خلاص الزفت شن هدا عيت اني هيااا اطلعوووو وينكم
قعدو يشدو فيه عمي وخليل ويسكتو فيه
عمي استغرب من ردة فعل محمد ومفهمش شن معنا هدا!! وخليل نفس الشي حسو ان في حاجة
اني قعمزت جنبه..ياسر شد روحك تحكم في اعصابك عمك تو يفهم غلط
محمد..معاد قادر
اني..تحكم في روحك شوية مانبوش عمك يشك في حاجة🙃
محمد..باهي
اني..ماتاخدوش عليه ياعمو هو اعصابه تالفة ومايحبش يستنى
عمي..الله غالب ان شاءالله خير
مرت عمي..ان شاءالله يارب عنده حق بسلوها لعند توا ماطلع حد
ونراجو قريب ساعتين او تلاتة واخيرا طلع الدكتور وتقول اشبح منين طالع داهش😂
مشيناله طول وقعد عمي يكلم فيه بلغتهم واحني زي الاطرش في الزفة لين كملو
عمي.. #يتبع
.
.
.
ان شاءالله تنال اعجابكم يااااارب وطولتهالكم😊هي وين التفاعل😄 #حنو