قمري

قمري8

مرت الايام انا وعلا كنا ضاغطين نفسنا في القراية لانو امتحاناتنا قربت علا قررت تمشي داخلية قريبة من جامعتها لانو المسافة بقت ليها بعيدة مشت هي وتهاني وانتقلو على الداخلية التانية ودعتها ولأول مرة نتفارق من نحنا صغار متعودين على بعض بكينا تمام و قالت حتتواصل معاي ايام الامتحانات بقينا انا ومرام واسراء برانا في الغرفة كنت بمشي الجامعة وهناك بقابل لينا علاقتي معاها بقت قوية شديد او بالأحرى بقت انتيمتي التانية ❤ بنحضر المحاضرات ونقعد نشرح لي بعض مجالنا حلو شديد وممتع بس كمان فيهو صعوبة شوية لانو اذا ما بتحب الفن عمرك ما حتنجح فيهو على قدر الصعوبة الموجودة في متعة كمان لانو بحب الفن والرسم ما كنتا بلاقي الصعوبة دي حاجة ممكن توقفني انا ولينا عندنا نفس الشغف ده قدامنا طرييق طوييل و مليان تحديات نهايتو هدف وده العايزنو عايزين نحقق الهدف ده ومن خلالو حلمنا حيتحقق بقيت مجتهدة ومركزة على الدراسة بس جات ايام الامتحانات علا كانت متواصلة معاي بالتلفون وبتطمن علي مرت الايام وخلصنا امتحانات وكنت راضية بشغلي وواثقة تمام كل الجامعة كان خلصت امتحانات اليوم داك طلعنا من قاعة الامتحانات انا ولينا وكنا بنتناقش في بعض الأسئلة اثناء ما كنا بنتكلم جانا كولا سلم علينا وقال: بنات ازيكم بمناسبة الليلة اخر يوم في الامتحانات نحن والشلة حنطلع مشوار نرفه شوية ممكن تجو معانا ومنو تغيرو جو؟ قلتا ليهو والله يا كولا تعبانة شديد ما اظن اقدر اجي معليش لينا قالت : قمر ياخ ما تبيخي خلينا نمشي كلها ساعات بس نرفه ونرجع اذا ما مشيتي انا ما بمشي كمان (تحب الصياعة 😹😏) قلتا ليها : اوك كولا قال : حنتقابل كلنا في شارع النيل ما تتأخرو غمز لينا ومشا ( مجنون ياخ 😂) قلتا ليها في داعي تختيني في موقف زي ده الله ياخدك يا زفتة ضحكت وقالت لي ما خليتي لي خيار وبعدين فيها شنو لمن تمشي حتنسي كل التعب وما تقولي لي حأمشي معاك بعباية من هنا ما بتباريني سامعة" قلت ليها يلا بدون عباية ما ماشة وقبلت منها ودايرة امشي قالت لي حلفتك يا قمر عشاني بس الليلة البسي حاجة زي البنات بس عليك الله وعملت وش برئ كده قلتا ليها : خلاص خلاص عاملة لي عيونك السمحات ديل وضحكتا 😂💔 قلتا ليها لكن انا ما عندي غير العبايات قالت ما مشكلة يا زولة دولابي مليان هدوم بس انتي الليلة علي انا بظبطك يا بت تطلعي من جو الكآبة العايشة فيهو ده مشيت معاها بيتم واول مرة ادخلو كانت فيلا جميلة شديد وتصميمها راقي دخلنا وسلمت على امها قالت ليها دي قمر الحكيت ليكم عنها امها مرة راقية وظريفة وبتدخل القلب من كلامها معاك لينا عايشة مع امها وابوها واخوها بس دخلت غرفتها كانت عبارة عن عالم باربي 😂 كل شي بالوردي نادت الحبشية وقالت ليها : جيبي لينا عصير وموية الحبشية قالت ليها : هاضر 😊 جابت العصير والموية شربنا بعد شوية طلعت لي كل هدومها وبقت تعزل في لبسة اختارت لي اسكيرت اسود من النوع المنفوش و بلوزة بالفوشي وجزمة بالفوشي وطرحة مشجرة ومعاهم شنطة صغيرة عجيبة كانت ❤ لبست اللبسة وقالت الا تعمل لي مكياج بس انا رفضتا ختيت مرطب وكحل بس كنت حلوة شديد ❤ عاينت لي وقالت لي ليه مخبية كل القمممال ده ♥ بالعبايات ضحكتا فيها وصراحة اول مرة البس كده بس كان طالع فيني حلووو ❤ اما هي اختارت بنطلون جنز كحلي غامض مكفوف من تخت وجزمة بيضاء وبلوزة شيفون بالابيض و الاحمر وعملت شعرها كعكة فوضوية ونزلت شوية خصل بالاطراف طلعت مزة ❤ مشيت معاها والسواق وصلنا شارع النيل لقينا كولا وشلتو منتظرنا سلمنا عليهم وكل الانظار كانت بتعاين لينا قعدنا في دائرة كدا وبدينا ندردش لمحتا الولد الكان عايز يضربني اليوم داك وكلامو لسه بتردد كأنو هسي قالو لي بس الولد ما شاء الله كان وسيم شديد كأنو ما سوداني عيوني غريبة كده لمن تعاين ليها بس انتبهته لي نفسي ولسه كنتا صارة منو ... فهد كان قاعد وعاين لي لينا و قمر لمن وصلو وقت سلمت قمر عليهم حسا بشعور قدييييم ما عرف ده شنو وقال في نفسو معقول لسه في جمال زي ده؟ سبحان الخالق ❤ عجبو شكل قمر الطبيعي الما مصطنع لمحا وهي بتعاين ليهو بصرة وش عرف ليه اتزكر اليوم داك بالصباح هي نفسها نفس البت الكان حيضربا بالعربية نفس البيت اليوم داك ما خلتو ينوم وهو بفكر في نظرة عيونا والخوف الفيها وشها جميل شديد فيهو نكهة من البراءة بس بقى ما بصدق اقنعة البراءة الممكن يكون وراها خداع...
نون كانت متلصقة في فهد وبتعمل حركات كل الناس ملاحظة ليها لكن مافي زول شغال بيها لانو دي طبيعتها وعارفين فهد ما عندو ليها حاجة وللبنات عموماا كان مضايق من حركاتها بس ما حاول يبين للناس ... انا كنتا بعاين بس ومستغربة فيها معقولة ما بتخجل من الناس القاعدين ديل وهو الغياظ عاجباهو حركاتها دي ولا شنو ما عارفة لي اتضايقتا لمن شفتها مقربة منو كده! كولا كان عايز يروق الجو فقال لي فهد غني لينا بصوتك الحلو لينا زمن منو فهد قال ما عايز يغني اصروو عليهو وبعد تحانيس رضا مشا جاب الغيتار وغنى ليهم اسمري ♥ صوتو وهو بغني كان حاجة خيالية صوتو من النوع الرنااان داك وفيهو بحة جمييييلةة ❤ كنتا مبسوووطة وانا بسمع في غناهو بعد خلص كولا قال عايزين نسمع صوت بنووتي كده كمان طوالي لينا قالت ليهم قمرر صوتا حلوو ❤ قلتا ليها يابت ما بغني انا كلهم خلاص شبكو فيني غني يا قمر عليك الله ما تخربي اللمة قلتا طيب قعدتا اغني وفهد عزف ليي ❤ كان صوتي حلوو وعجبهم وصفقوا لي كنتا مبسوطة وفهد يعاين لي بي نظرة ما عرفتها اعجاب ولا شنو! ونون تشيل وتحمر لي ما اشتغلتا بيها كتير شوية كده وقلتا لي لينا ماشة اقعد هناك شوية وبرجع قالت لي طيب ما تتأخري قمتا ومشيت قعدتا جنب النيل وطلعتا رجليني ودخلتها في الموية وحسيت بالراحة كده مع اصوات الموية واحساس البرودة الفيها وريحتها والقمر في السماء كنتا مندمجة مع الطبيعة .. فهد كان مضايق من حركات نون قاليهم : عن اذنكم يا شباب شوية وبرجع جا محل ما كنت قاعدة لقاني براي قام جا قعد جنبي استغربتا قلتا ده الجابو هنا شنو! قالي : سلام عليكم قلتا ليهو وعليكم السلام واتلفتا على البحر وبعاين بي قعر عيني ساااي مستغربة ده قعد هنا ليه!😂😂 لمدة دقيقة كده كنا الاتنين ساكتين هو لمحني وانا بعاين ليهو بالطرف قام ضحك وقالي بالمناسبة انا فهد قلتا ليهو قمر قالي اسم على مسمى قلتا ليهو بعرف ضحك وقالي انا شفتك في مكان قبل كده بس ما متزكر وين قلتا ليهو ايوا انا البت البتقيف قدام العربات عشان يضربوهم وتشيل قروش بصرة كده قالي: معليش ياخ بس اليوم داك كنتا مستعجل واصلا عندي مواقف مع البنات ما انتبهتا وانا بقول ليك كده قلتا ليهو ما كل البنات واحد في بنات رجال ربوهم والحمدلله ما محتاجين ولا بقيفو للعربات عشان يشيلو منهم قروش حسا انو جرحني بكلامو وقال لي على العموم انا اسف ممكن تقبلي اعتزاري ؟ الشي العارفاهو انو فهد زول شايف نفسو وجا اعتذر لي دي كيف! قلتا ليهو :حصل خيرر قام قالي : يعني كده اعتبر انك ما زعلانة ورافع لي حاجبو معاها ابتسامة كده جهجهتني 😭😂😿😿قلتا ليهو: ااا اييوة وظاهر توتر في وشي يعني ما متعودة اتكلم مع ولد وكده وبرانا وزيادة كانت ملامحو حلوة شديد 😿 قام قالي : شكرا يا قمر القمر قام وقالي يلا مع السلامة ونتلاقى مرة تانية ومدة لي يدو سلمت عليهو وجاني احساس انو ما اخليهو يمشي قلتا ليهو ان شاء الله فهد رجع علي الشلة وفات خلاني اتلفت خلاني 😂😭😂.. بعد ما مشى سرحت في البحر وانا بفكر فيهو 😿♥ في عيونو والبسمة الجهجهتني دي اول مرة احس بشعور غريب كده شعور انو ما دايراهو يمشي كنت عايزة اتونس اكتر معاهو واسمع صووتو الجمييل زيو ♥ بعد تميت سرحتي ضربتا نفسي وقلتا ده شنو البفكر فيهو ده 💔 اصلا مستحيل يعاين لي وحدة زي يكون مفكرني من البنات الخفاف والجاريات وراهو 💔 شوية كده ورجعت للشلة وقعدت جنب لينا قالت لي مالك اتأخرتي كده ؟ قلتا ليها الجو هناك حلو ورايق بس ادتني نظرة كده وقالت لي شايفة فهد مشا عليك القصة شنو ااه 😂😂😂 قلتا ليها اختيني من فكرك المعوق ده جا اتعرف علي وكده بسس قالت لي : اها 😁 .. بالمناسبة ما شفتي بعد فهد مشا بشوية كده نون لحقتو وجات زعلاانة وصارة وشها وتتكلم مع اريج صحبتها عجبني ليها تكون شافتكم قاعدين سوا وما عجبها الوضضع 😂😂😂😂 قلتا ليها تفكر بالعايزاهو اصلا ما شغالة بيها ولا بحبيبها المفتري ده 😌 * من جوااي فرحااانة 😁* قالت ليه : اه تروح في داهية يوختي 😂 اتونسنا كدهه تمااام انا ولينا بسس شغالين نقطع في نون وحركاتها فهد كل ما يلقى فرصة يعاين لي لمن اتوترتا 😿😿😂 بجد كان يوم حلو شدييد فرق معانا بعد توتر الامتحانات ❤😪 رجعت الداخلية ولينا رجعت بيتهم .. جات إجازة السمستر الاول وكانت شهر كاامل انا رجعت للقرية وهناك حكيت لي اميي وابووي كل حاجة حصلت معاي وكيف جو الجامعة و لينا الاتعرفت عليها علا طبعا برضو رجعت مشيت يوم سلمت هليها بالعصر بالاحضاااان ياااخ كنتا مشتاقة ليها شديد ومشتاقة احكي ليها الدرامات الحصلت معااي 😂😂 حكيت ليها عن لينا وقالت لي: اوووعاا يااا قمرر البت دي تاخد مكاني انا بقتلك عدييل انتي صحبتي انا وبس سامعة 😪😂😂😂 قلتا ليها: ياخ انتي مافي زول بياخد مكانك يا مجنونتي 😍😘😂 قامت قالتلي قمر عايزة اقول ليك حاجة لانو انتي اختي وانا ما بخبي شي منك بس ما تقولي لي زول قلتا ليها : اححكي ما بوري زول قالت لي: انا وووقعتتتا في الحبب 😻😻😻♥ وعيونا بقت تلمع 😂 قلتا ليها : براحة براحة علي يا بت كدي احكي كيف يعني 😳 قالتلي لي : زي ما قلتا ليك يااخ انا حبيييييت ♥ ووقعتا في الحب وقعة شينة اصبري انحكي ليك شفتي في ولد من دفعتي ظريف شديد اتعرفتا عليهو وبقينا اصحاب وحلاتو يخ 😿♥ المهم اخد رقمي وكل يوم تقريبا بنتكلم ... يتبع

المتابعين الرواية ممكن رأيكم