قمري

قمري 17

3 days ago
(كانت تجلس في الأرض تضم اقدامها الى صدرها تضع يديها في شعرها الغير مرتب الكحل يسيل من عيونها المرهقة بسبب الدموع وهالات سوداء تحيط بها الاشياء مرمية في كل ارجاء الغرفة مع بعض قطع الزجاج كانت تصرخ بهستيرية وهي تردد :
فهد فهد فهد ....
فاطمة (ام نون) سمعت صوت تكسير وصراخ جايي من غرفة بتها جررررت مشت تشوف الحاصل شنو بقت تدقق في الباب وتدقق ما فتحت ليها بس سامعاها بتصررررخ نون الله يرضى عليك يا بتي افتحي الباب م ممكن البتعمليهو في نفسك ده طيب وريني الحاصل عليك شنو ما كنتي كويسة افتحي خليني اتفاهم معاك بس مافي رد بعد شوية صوت التكسير وقف ومافي صوت لي نون هنا امها اتوترت شديد وخافت تكون عملت في نفسها حاجة جرت بي كل خوف وشالت تلفونها واتصلت لي عامر (ابو نون) يا عااااامر اللللحق بتككك م عارفة الحاصل عليها شنو قافلة عليها غرفتها وما بترد علييي وبقتتت تبكي بي اعلى صوتها قفلت الخط وبقت تدق في الباب مرة تانية على امل انو تفتحو....
عامر طوالي ركب العربية وكل خوف الدنيا ظاهر في وشو خايف على بتو طبعا نون دي وحيدة عند امها وابوها ومدلعة شديد كل طلباتها مجابة ابوها كان بنفذ ليها اي حاجة هي تطلبها بسس امها م كان عاجبها الوضع وكام بتقول ليهو حتخربها بي دلعك فكان بقول ليها هي بتي الوحيدة ولازم ادلعها ومافي زول يدخل ....
دخل البيت بسرعة ولقى فاطمة واقعة جنب الباب وبتبكي رفعها وقال ليها نون مااالا؟؟ قااالت ليهو م عارفة بس فجأة سمعت صوت تكسير وصراخ لمن جيت افتح الباب م بترررد  😭😭 عامر بقى يحاول يفتح في الباب ويدفر بس مافي فايدة جرى على غرفة معدات كده شال شاكوش وبقى يكسر في الباب محل المفتاح بعد صعوبة حتى فتح وكانت الصدمة ... لقو نون مرمية في الارض والدم جاري من يدها حاولت تنتحر 💔....
ابوها جرا وقعد جنبها وبحاول يصحي فيهااا بس مافب استجابة من ناحيتها وفاطمة بس بتبكي رفعها بين يدينو وقال لي فاطمة لازم نوديها المستشفى فورا والا حتضيع مننا 💔 نزل بيها من السلالم والدم جاري من يدها 💔 دخلها العربية في المقعد الوراء وركب معاها فاطمة ختت راسها في رجولها وضاغطة بي يدها علي يد نون عشان الدم م يسيل والدموع دي ابت تقيف ولسه بتربت في وشها علي امل انو تفتح عيونها بس بدون فايدة .. عامر ساق العربية بي اقصي سرعتو ووصل المستشفى نادى علي الممرضين بسرعة ختوها في النقالة جاء دكتور وقاليهم دخلوها الغرفة المعينة عشان ينقذوها ابوها وامها شايفين بتهم مدخلنها الغرفة وقفلو الباب نور احمر فوق الغرفة نور معلن بداية عملية خطرة)
***************************************
بدأ المدرب بوضع بعض الاغاني على جهاز الاستريو وقال :
- طيب يا شباب حنقسم العمل على ثلاثة اقسام والي هي البداية والوسط والنهاية كل قسم عندو حركان معينة مع موسيقى خاصة والموضوع ده كلو داير التزام وتدريب حأقسمكم لي ثنائيات على اختياركم .
كانو مركزين مع المدرب ومع كل حركة هو بيعملها بعد فهمو قسمهم لي ثنائيات
لينا مع فارس قمر مع فهد علا مع رامي روان مع كولا 😂💛

*فهد*
دخلت البيت لقيت الشباب قاعدين في الصالة سلمت عليهم شربنا القهوة ومشينا على الفناء الخلفي كان في لينا ومعاها صحبتها قمر .. 💛
كانت بتتكلم وتضحك انا لأول مرة تلاقيني ضحكة بتضوي 💜 الحاجة الغريبة انو هي كمان كانت لابسة اسود يعني ممكن اقول انو الاسود يليق بها ولا يليق بنا!! .. انتبهتا انو انا بقيت مركز معاها شديد والحاجة دي ضايقتني م عايز ادخل في دوامة الخروج منها حيكون صعب جدا 💔.

اي زول فهم الحركات المفروض يأديها مع الشخص المرافق ليهو كانو كل يوم بتجمعو في نفس المكان ويتدربو يعني حرفيا علاقتهم قوت اكتر خاصة فهد وقمر ... 💜

#يتبع..

#بعتزر على التأخير 💕