اشرقت شمس يوم جديد وتخللت اشعتها الذهبية مياه النيل المطلة على القرية 💕💕
كالعأدة قمر صحت بدري مع اذان الصبح اتوضت وصلتو حاضر وقرت شوية قران ومشت تسوي الشاي ... استنت ابوها لحدي م يجي من الصلاة وودت ليهو الشاي 🌸
جهزت نفسها ولبست ليها عباية ولفت الطرحة لفة حلوة
_ يمة ماشا لي علا نقدم ليها ونجي راجعين 😊
_ كويس يا بتي م تتاخرو وخلو بالكم من نفسكم
_ حااضر يمة 😘😘
قمر طلعت من البيت ومشت لي علا لقتها مستنياها
_( توسل ) : يا بتي اتفضلي اشربي معانا الشاي
_شربتا والله يا خالتو تسمني وتزيدي حلا 😘😘
عاينت لي علا لقتها بتشرب براحة براحة ... انتي يختي انا مستنياك وحضرتك قاعدة لي وبي كل مزاج قوومي يلا خلينا نمشي قبل م الجو يسخن
_ دقيقة بس قربتا اخلص ... شربت الشاي ومشو على المركز
مشو لقو المركز زحمة وأي واحد عاوز يقدم ويتخارج
_ علا : يااخ زحمة شديدة حنتأخر بالطريقة دي 😧
_اي والله بس م مشكلة ان شاء الله نخلص بدري 😐
_ قعدو مسافة حتى قدرو يسجلو و طلعو من المركز راجعين على البيت وكان الوقت قريب المغرب ....
_ بهناك توسل جات لي هنادي عشان تقيل معاها
يختي البنات ديل مالن اتأخرن كده ؟؟ م يكون حصلهن شي.
بري يا توسل يمكن لقو المكان زحمة عشان كده اتاخرو كدي انصبر شوية
_ قمر وعلا كانو جايين في الشارع وبيتونسو ..
تفتكري يا علا اذا شاءت الاقدار واخدونا جامعات كويسة حنقدر نعيش كيف بعيد من اهلنا وقريتنا ❤
ان شاء الله حتتسهل وتتيسر 🌸🌸
قمر : ابتسمت ليها😊😊😊😊
وصلو البيت علا دخلت مع قمر بيتهم لقو هنادي وتوسل منتظرنهم
توسل : انتن يا بنات مالكن اتأخرتن كده خير ان شاء الله ؟
قمر : معليش يا خالتو بس لقينا المركز زحمة شديدة وبعد صعوبة قدرنا نسجل وجينا راجعين
علا : اووومي ما هندا جينا شداد ولضاض ما جاتنا اي عوجة 😀😀
توسل : غايتو انتي دي بس الله يهديك هسي لو حصلكن شي في الشارع منو الحيجيب خبركن ؟؟ 😂
علا : يا اوومي عليك الله خلااص م بتجينا عوجة هسي اكلتو شنو ؟ لانو ميتين من الجووع 😭😭
قمر : اي والله ما اكلنا شي من طلعنا سويتو الغدا شنو
هنادي : كر عليكن ... امشن المطبخ تلقو قراصة بالبامية مظبوطة اكلن واشربن ليكن عصير و ارتاحو شوية
علا و قمر : يا سللاااام ياخ اكلتنا المفضلة 😂😂😂
مشو المطبخ جرري اكلو وشربو ليهم عصير وجو راجعين الحوش
قمر سوت ليهم شاي المغرب شربو .. علا وامها سلمو على هنادي إيلين وبقو مارقين على بيتهم .. 🌸.
___________________________________
• الصباح التالي •
علا صوت المنبه الموضوع على طاولة بالقرب من سرير ذلك الشاب الوسيم وهو يشير الى الساعة الخامسة صباحا فتح عينيه ببطئ وهو ينظر اليه قفله بيده وقام من سريره متجها الى الحمام الذي بغرفته اخذ حماما سريعا وغطى جسمه بالبشكير توجه نحو غرفة الملابس الخاصة به اختار منها قميص ابيض اللون متوسط الاكمام مع جسمه مما اظهر عضلاته المفتولة بنطلون بني وحذاء ابيض من ماركة اديداس 🌸 ساعة جلدية بنية فاخرة رتب شعره الكثيف من الامام بطريقة البف 😍 اخذ رشة من عطره المفضل.. كانت الساعة تشير الى السادسة ..نظر نظرة اخيرة الى نفسه ظهرت ابتسامة بوجهه قبل ان يخرج من غرفته ويتوجه الى الطابق التحتي ....
طبعا البيت مليان خدم وحشم اي شي تطلبوهو في كسر من الثانية بكون معاك ..
الخادمة سوت الشاي بالكيك وختتو في الصالة ..
السيد عدنان وماما جوري كانو تحت بيشربو في الشاي وبيتكلمو
_ فهد ده من مسك معاي ادارة الشركة ماشة في تحسن كتير وكم صفقة نجحت والعملاء مبسوطين من النجاح ده
_فعلا ما شاء الله عليهو الله يحفظو ❤❤❤
_ هسي لو ده فارس م كان انجز زي فهد بس هو كمان تمام في شغلو وماشي كويس
_ عاد م يجي يسمعك بسس 😂😂
_ لا اطمني طلع من الصباح يعمل رياضة
_فهد جاء نازل لقا امو وابوهو قاعدين سلم عليهم وكان طالع ...
يا ولدي تعال اشرب ليك حاجة قبل م تطلع
مستعجل يا امي بشرب قدام .. طلع لقى السواق طلع العربية ومجهز المفتاح شالو وركب العربية ومشى للشركة ...
وصل الشركة ودخل مبنى كبير مكون من عشرة طوابق مكتوب فيهو بخط كبير شركة آل عدنان للسيارات ... دخل المكتب حقو وقعد في الكرسي.. اخد نظرة للهاتف المختوت بالقرب منو وضرب للسكرتيرة ( سارة جيبي لي قهوة وحضري الملفات بسرعة ) ... بعد خمسة دقائق سارة جابت القهوة والملفات ...
سارة ( السكرتيرة) بت سمورية ورقيقة شعرها طويل واسود عيونها واسعة وانفها حاد قوامها انثوي جميل .
كانت لابسة بنطلون جينز اسود وبلوزة بيضاء مسطرة اسود بالابيض وكعب عالي ابيض وعاملة تسريحة ضنب حصان كانت حلوة شديد
_ ختت القهوة ومعاها الملفات في الطاولة..
_ حضري غرفة الاجتماع وكلمي العملاء عشان حيكون في اجتماع مهم شديد
_ سارة : تمام حيكون الساعة كم ؟
_ الساعة اتنين ظهرا
_سارة مرقت من المكتب ومشت تكلم العملاء بالاجتماع الضروري ...
بينما كان جالسا في كرسيه الضخم بمكتبه الكبير والراقي والملئ باللوحات الفنية والتحف اخذ نظرة الى كوب القهوة الموضوع بجانبه ينظر الى البخار المتصاعد منه اخذ نفس عميق قائلا اخيرا حاحقق حلمي الكنت مستنيهو من زمان ... 🌸
_كانت الساعة تشير الى 1:45م كل العملاء اتجهو لغرفة الاجتماع .. سارة جات وكلمت فهد انو غرفة الاجتماع بقت جاهزة مشا معاها ووصلو الغرفة ...
اول م دخل عم السكوت وبقو مركزين مع فهد ( طبعا يا اخوانا فهد ده صارم شديد في شغلو اي غلطة ولو صغيرة ممكن عادي تنطرد من الشركة وشخصية كده عشان كده اي زول في الشركة دي بياخد الف حذر قبل م يقدم على اي خطوة )
وقف في امام طاولة كبيرة وحولينو العملاء الجالسين في كراسيهم...
اول شي حابب اهنيكم على النجاح الكبير الحصل ده وبفضل مجهوداتكم وتعبكم الشركة بقا ليها مكان مرموق محليا وعالميا وحالياا كل الشركات الفي الخليج واروبا والوطن العربي حتعمل معانا صفقات والشي ده ممكن يفيدنا اكتر ونوسع مجال عملنا اكتر ...
كل الموجودين صفقو كانو حاسين بالفخر والانجاز مجرد م يفكرو انهم جزء من الشركة دي بحسو بالفخر لانو حاجة كده معروفة ومشهورة 😀
عشان كده اي واحد حنزيد مرتبو ضعفين كهدية من الشركة للنجاح ده
_ ظهرت الابتسامة بوجوه الموجودين
_ اما الشي التالت والاخير انا حأتخلى عن ادراة الشركة مؤقتا وحيستلمها خالد ( صديق فهد مستلم معاهو الادراة ) ...
ظهرت الدهشة في وجوههم وعاينو لي خالد الكان بيرسم ابتسامة في وجهو ... قام من مكانو واتكلم ..
زي م قال فهد انا حأستلم الادراة مؤقتا وان شاء الله اكون قدر المسؤلية دي
عارفك قدرها واكتر. وانا م حأتخلي نهائيا مرة مرة حاجي اشوف الحاصل 😂😂😂 ... يلا اشوفكم على خير يا جماعة ..سلم على العملاء ومرق من الغرفة وبكده انتهى الاجتماع...🌸.
أنت تقرأ
قمري
Fiksi Umumفتاة تترك قريتها وتسافر الى الخرطوم لتكمل دراستها الجامعية وهناك سيحصل مالم تتوقعه .. متابعة ممتعة ❤😍
