قمري

قمري 18

بهناك في المستشفى الواطة قايمة وقاعدة وكل الناس كانت بتعاين للراجل البيصرخ في الدكتور..😤

عامر : كيف يعني م حتخلو بتي تتعالج عندكم؟ م شايف الدم الكابي في الواطة دهه؟ بتي دمها كلو اتصفى شوية كده وحتروح من يدي حتقدر ترجعها انت والله العظيييم اسمع هنا ده ولا على كيفك تدخلها وتعالجها ولو حصلت ليها حاجة المستشفى ده انا بقفلو 😡😡😡💔👊

الدكتور : يا سيد اهدا وروق وم تصرخ نحنا البتت دي عديل كدهه م حنقدر نشوف وضعها دهه الموضوع فيهو موضوع تاني وقضية الانتحار دي ممكن تدخلنا في حتات ضيقة ولازم الشرطة تدخل وتعرف الحاصل كلو...😐

عامر : يعني اخليها تموت لحد م الشرطة تجي؟؟ حيعملو شنو يعني ؟ ا😡💔ناااا قلت ليك تعالجها ولو م نفذت هسي المستشفى دي وكمان كل مستشفيات المدينة اعتبر نفسك مطرود منها ورخصتك تاني تلقاها في الاخرة 😡😡😡

الدكتور اتوتر شديد وبقى يبلع في ريقو والممرضين وكل الطاقم الطبي كانو بهدو في عامر الخايف علي بتو..
اثناء م هم قايمين وقاعدين جا راجل من رجال الشرطة وقال لي الدكتور يعالجها فورا .. دخلوها الغرفة وبدو يعالجوها واحتاجو انو ينقلو ليها ده سريع عشان حالتها خطرة... 💔
فاطمة بقت تبكي وعامر م عارف ليه بتو وصلت المرحلة دي وهو قاعد في الكرسي ومنتظر قدام الغرفة جات اريج وبقت تتكلم معاهو

اريج : يا عمو انت عارف انو نون دي مستحيل تعمل كده من فراغ انا صحبتها واختها وبعرف تقريبا كل حاجة في حياتها بسس بتك دي الحاصل عليها ده كلوو سببو زول واحد وانت بتعرفو احق المعرفة 😊

عامر ضيق حواجبو وعلامة استفهام كبيرة بتظهر في وجهو قال ليها بنبرة هادئة :
كيف كلامك ده ؟ منو العمل في بتي كده وكان عايز يضيعها من يدي انا م حأخليهو والله الا اندمو اليوم الشاف فيهو الحياة دي!!!😡

اريج نزلت راسها وتاني رفعتو وقالت بجدية :
ود صاحبك السيد عدنان .. فهد عدنان .....

______________________________________

*قمر*

نهاية الدوام في الجامعة كانت اخر محاضرة الساعة 1 ضهر رجعت البيت مع لينا وكنا مرهقين شديد اخدنا لينا نومة سمحة كده صحيت مع العصر اصلا مع الجوطة في البيت ماف طريقة للنوم اكتر بسس الحمد لله كنا خلصنا بروفات الرقص واي زول عرف حيعمل شنو في الفترة دي فهد بقى زميلي وصحبي في نفس الوقت لو في حاجة صعبة علي او م قدرت افهمها بيشرحها لي بي كل سهولة ومرات بيوصلنا البيت بي عربيتو مع انو انا ولينا عادي ممكن نرجع لوحدنا بسس هو كان بصر الا يوصلنا معاهو في طريقو من خلال الكم يوم ديل اكتشفت انو هو زول كويس شديد م زي ما كنت ماخدة صورة غلط عنو او حسب م سمعت من بعض الناس..💛

تلفون قمر كان بيرن
قمر : الوو اووومي كيفك اشتقت ليك وربي كتتتتيييير كيف صحتك وامورك وابوي كيفو؟ ان شاء الله بصحة وعافية

هنادي : قمر يا بتي ازيك نحنا تمام والله بس فاقدين صوتك وضحكتك ومشاكلك وكل حاجاتك دي ..💔

قمر : واي يا امي انا جاياكم بسس م عايزة اقرا 😢💔

هنادي : يا بت ده كلاام شنو ده خلي بالك من نفسك وقرايتك ده مستقبلك ومستقبلنا معاك فاهمة معليس كلو هيهون 💔.. اها كيف لينا وامها سلمي عليها

قمر : حااضر يا امي ان شاء الله كلامك زيين العقل .. يوصلل

هنادي : اسمعيني يا بتي

قمر : ايوا يا امي

هنادي : انتي م ناوية تمشي لي عمك يوسف ده بسأل منك طوالي قمر وين وليه م جاتني وقت في الخرطوم وشينة منها النبي امشي ليهو زيارة كم ساعة كده وتعالي عشان م نسمع كلام كتير...

قمر : انتي عارفة يا امي عمي ده عمل شنو انا م حأمشي ليهو خسارة اسميهو عم للأسف..💔

هنادي : عارفة يا بتي بسس صلة الرحم بعدين ربنا بسألك منها م تاخدي سيئات عليك الله بس عشان خاطري امشي ليهم كم يوم كده

قمر : حاضر يا امي تأمري بس عشانك لكن انا م عندي ليهو حاجة لا هو لا مرتو ولا اولادو ...

هنادي : طيب خلي بالك من نفسسك مع السلامة .

قمر كانت كل م تتكلم مع امها لازم تبكي لانها بتشتاق ليها شديد ... كانت قاعدة في الحديقة والناس جوا جايطين وهي بتقشقش في دموعها جا فهد وقعد جمبها 💛

فهد : قمر ازيك مالك حاصل عليك شنو خير ان شاء الله ؟💛

قمر : ماف حاجة بس اشتقت لي ناس البيت وكده

فهد بإبتسامة : ده كلو شوق يا سلام ياخ 💛

قمر ابتسمت ليهو وسكتت ...
فهد زاتو سكت وكانو قاعدين في سكات دام لمدة خمسة دقايق وفي كل دقيقة كان بيختلس النظر لي عيونها .... 💛
قطع لحظة السكوت صوت تلفون فهد وهو بيتصل كان ابوهو
آلو ..

بصراخ
فهدد!!!

ايواا يا ابوي خير!!!

بنفس اللهجة
تعاال راجع البيت بسرعة بسسس ؟!

لي يا ابوي خير حاصلة حاجة لا سمح الله؟!!

الليلة خطوبتك ولا ناسي..... ؟

#يتبععع

#صوتو يخوانا باليز يعني .. 🐸💜