Sa kalawaka'y
Natatanging bituin
Pinakamagandang bulaklak
Sa no'oy maladisyertong hardin
Ikaw ang Tinig sa kanta
Tunog sa aking musika
Ikaw ang bumuhay sa tula
Dahil ikaw ang hanap kong tugma
Ikaw ang pangangib
Ngunit kahit ganun
Sinisigaw ka ng dibdib
Mula pa ito noon
Lahat ng letra
Sa alpabeto'y nagkaisa
Magawa ko lang at maipakita,
Maipadama na mahal kita
At kahit pa sabihin nilang
Pag ibig ay di tama
Di para sa isa't isa
At di raw tinadhana
Pwes, ayoko nang maging perpekto
Maging tulad ng inaasahan nyo
Maging sino ang nais nyong maging ako
Kung wala ka rin naman sa piling ko
Kung ang pagmamahal
Ko sayo'y di tama
Nanaisin ko pang
Maging mali nalang sana
Pitong letrang inuusisa
ng libo libong mata
Pitong letrang nag-uugnay
Sa ating dalawa
Pag di na masaya
Ibig kong ulitin pa
Pag di umayon ang tadhana
Ibig kong tayo nalang ang maglathala
Pag!
Kasi pag nawala ka
Ibig ko pa kayang sumaya?
Pitong letra
Na inuugnay ng linya
Linyang patungo sa
Magkabilang banda
Pitong letrang
Sa gitna'y dinudugtong
tayong dalawa
Ito... ang pitong letrang
Magpapaliwanag ng
Pinakamagandang musikang narinig
Pinakanagpapasayang hilig
Pinakaweirdong nadama ng dibdib
At.. tanging makakapagpaliwanag ng pintig
Pitong letra....
PAG-IBIG.
