عباس ... همم كومي
حوراء... وين
عباس... نجيب الاوراق
حوراء... اي عيني و شنكللهم
عباس ... كلشي ما نكللهم انت مو دافنتهن ورة البيت
والبيت ما بي شبابيك ع الورة اروح اطفرج الحايط
وجيبيهن
حوراء... وليش اني الاطفر مو انت انت
عباس... ما يصير ادخل البيت غريب
مو من تربيتي ولا اخلاقي
حوراء... ماشي يلا اروح
عباس ... يلا خلي ابدل انطيني دشداشتي
حوراء... ياهي الجديدة
عباس... لا الجنت لابسهة الجديدة باجر البسهة بالعرس
حوراء... اي اتفضل
عباس... زاد فضلج وبديت ابدل
حوراء.... هاي شنو اوكف شو هنا
عباس... شنو شكو بوية
حوراء... روح بالحمام استحي
عباس... اخبال عبالي شوف شكو تستحين انت روحي بالحمام ومن اكمل اكلج
حوراء ... لا والله انت روح
عباس... والله انة ما استحي
حوراء... يلا اني راح ادخل
عباس ... يلا كملت و صحت عليهة يلا
حوراء .. اي
عباس... هسة همة هيج وكت نايمين لا
حوراء... اي ضلو الهسة
عباس ... خوش يلا
رحنة وصلنة للبيت بس طبعا افترينة من ورة
وجان الفرع اضلم يلا حوري تعاي اصعدج عالحايط
حوراء... خجلني لا اني اصعد اكدر
عباس... شو دتعاي شلتهة وخليتهة ع الحايط
بيج تنزلين
حوراء... شكد استحيت من شالني انوب عبالك شايل
ريشة مو بشر اني خفيفة وهو ضخم بحيث بحركة
وحدة لكيت نفسي عالحايط نزلت على كيفي
لكيت عصى زغيرة اخذتها و بديت احفر طلعت العلبة بس شنو كلبي يدك سريع كمت نطيت العلبة لعباس
راح للسيارة خلة العلبة بيهة واني صعدت عالحايط
و جيتت
عباس ... هي جيتت انة لزمتهة صارت بين ادية مو كتلج انة انزلج احجي وانة دايخ بعيونهة
حوراء ... ما ادري ما سمعتك ارتبكت واني بين اديه
نزلني و صعدنة بالسيارة وصلنة الفندق دخلنة
اخذت نفس ما مصدكة صارت الاوراق عدنة
كلت العباس شكرا تمت المهمة الحمد لله ومديت ايدي هيج ✋ هاي الحركة الانسويهة لمن نكمل
شغلة
عباس... باوعت عليهة هاي صدك جاهل ماهتميت
الايدهة خليت ايدي على كتفهة كتلهة ما بيناتنا
شكر أهم شي اعرف الحقيقة
حوراء... يعني الهسة ما مصدكني.
عباس... شلون ما مصدكج بس السالفة صعبة
ويرادلهة تفكير
حوراء... اي صحيح بس هسة عوف التفكير
و سولفلي
عباس... شسولف انت ما تعبانة
حوراء... والله تعبانة بس سولفلي عليكم
قابل باجر اروح كلشي ما اعرف مثلا سولفلي
شكم مرة مزوج كل وحدة شكد عندك منهة أطفال
بعد عائلتك كلهة اريد اسولفلي عليهة بالتفصيل
عباس... ضحكت والله هاي حلوة مال شكم مرة عندك
بوية انة ما مزوج من قبل
حوراء... معقولة شعندك الهسة
عباس... راح اسولفلج اول... وقاطعتني
حوراء... السلام عليكم و عليكم السلام الله بالخبر
الله بالخير كمل
عباس... ضحكت اي انة مثل ماكتلج عمر جان يكلي
ازفك بيدي وراح عمر وانة بعدني ما مزوج هو صحيح جنت المفروض من موجود عمر انة ازوج
بس جنت مالاكي الاريدهة او الراسمهة ابالي
و بعد ما راح عمر ما قبلت أتزوج كلت شلون
اتزوج و عمر ما موجود جنت احجي وانة متمد
ع الجرباية و حوري مكابلتني و مربعة وتباوع
بتركيز
حوراء.... اي كمل
عباس... اشرتلهة اتمدد ع الجرباية شفتهة مترددة
أنت تقرأ
فداك عمري يا ابي
Randomفتاة تبحث عن اباها الذي اختفى منذ ان كان عمرها سبع سنوات فأين هو وما سبب اختفائه وهل تجد احد يساعدها جميع هذه الاسئلة تطرح للإجابة عنها نتابع القصة
