حوراء... درت على ام خالد خالة اني مريضة ترى بي
سكر ومرت عمي ما كالتلكم بس فدوة خالة لتكولين
اني الكلت او بسبب المرض
ام خالد...😱😱
سارة... هاج يمة اسم الله بعدوينج ان شاء
حوراء ... امييين يا رب
ام خالد ... اكول عيني ام أحمد انت هسة لا تكولين
لابو أحمد خلينة نوصفهة لخالد وعود اردلكم جواب
زحمة من الشيخ خاف ما ترهم السالفه
سارة .... اتدللين عيوني
يونس ... حوراء حوراء
حوراء ... اني اترخص وطلعت ها يونس
يونس ... كلي للنسوان يلا الزلم ينتضرونهن
حوراء ... اي رحت كلتلهن و راحن
بعدين رحت انضف الاستقبال طبعا الاستقبال
خارجي ويمة مغاسل خاصة بي نضفتة هو والمغاسل
والخارج كلة لان باجر عدنة خطار ما الحك الصبح
انضف كملت باوعت ع الساعة يابة ١٢:٣٠ شلون اخذني الوقت هه طبعا اذا كضيتهة اتصفن
دخلت البيت اريد انام لان وراي كعدة من الصبح
بس من دا افوت من غرفة عمي سمعت حجي
خلاني اوكف
سارة ... سعد اليوم بيت ابو خالد هم كالوللكم
عليش جايين
سعد ... كالو اجينة نسلم عليكم ليش تعرفين غير هذا الشي
سارة ... اي .. ام خالد طلبت ايد حوراء ال خالد
بس كالت هسة لتكولين للشيخ خلي انوصفهة الخالد
يلا هيج تاخذ واخلص منه
سعد ... الله كريم
سارة ... بس خلي ابالك تحول البيت باسمي
سعد ... اي مو يتدلل الحلو بس خلي ترهم السالفة
يلا
سارة. ... ليش ما هسة
سعد ... حتى تكون مخبوصة بالتحضيرات و بلا
ما تدري نخليهة توقع
سارة ... ااخ هو الشفية اخوك لو قابل يحول الأملاك
كلهة النة
سعد ... هو اني ما اعرف بعدين يلا عرفت عندة بيت
بإسم حوراء على ساس كل املاكة حولهة الي قبل
لا يروح
حوراء ... اسمع واني ما مصدكة معقولة كل املاك
ابوي بإسم عمي دخلت الغرفتي واني افكر بالسمعتة
اني جنت اعرف ابوي ما ميت بس هسة اتأكدت من
الموضوع همزين كلت لام خالد مريضة حتى الكل من سالفة الزواج لان اريد اعرف ابوي وين لازم منا
وهيج اكون نبهة وعيوني واذاني عشرة على عشرة
نمت بعد ما شبعت تفكير و خطط كعدت الفجر صليت و دعيت الله يوفقني انو الكة الحقيقة
طلعت عجنت اول شي بعدين حضرت الكدورة
حتى اطبخ بيهة انوب رحت كعدت يوسف حتى يذبح الذبيحة وابدي اركب وصلت الغرفتة دكيت
الباب
يوسف ... منو
حوراء ... اني حوراء يوسف عفية اكعد حتى تذبح
الذبيحة يادوب الحك
يوسف ... اممم نعسان شوفي واحد من الولد
حوراء... عفية دكوم هسة بس اروح يريكوني رزالة
يوسف.... كمت كمت بس كادرة علية الك الله يا عراق
حوراء ... ديلا عيني هسة عاد شوف شراح اسوي
شو تذبحهة وترجع تنام قابل مثل حضي
يوسف ... يمة سودة عليه قهرتيني عليج راح ابجي
حوراء ديلا يلا هاك هاي السجين وشوف طريقك
يوسف ... حادة
حوراء ... اي اي
يوسف ... دروحي كعدي واحد وياي
حوراء ... صار ساعة اجاي الغي مو كتلك ماريد
يريكوني
يوسف ... لا كلليلهم يوسف يكول وهم مايحجون
حوراء ... ماشي بس طلع الذبيحة لما اكعد يونس
رحت على غرفة يونس يونس اكعد يوسف يصيحلك
يونس... شيريد
حوراء ... ساعدة بالذبح
يونس ... ماشي جاي بس وخري من الباب ماريد
اصبح بوجهج و يخرب يومي
حوراء ... ماشي لعد ابقى اروح اجيب هيفاء وهبي
تصبح بوجهة
يونس ... عاب هل لسان شطولة وطلع من الغرفة
وين يوسف
حوراء ... طلع كدامك مشينة اني ويونس و ذبحو
الذبيحة وكطعوهة و اني اخذت اللحم خليته
على صفحة وحضرت الريوك كلهة كعدت تريكت
واني رحت غسلت اللحم خليتة عالطباخ ورحت
خبزت كملت وبلشت بالمطبخ ما شفت احد ولا احد سئل علية صار الضهر اني متت من التعب والجوع
لان ما متريكة يلا هسة منو يشوفني خلي اسوي لفة
واكلهة سويت لفة واكلتهة اجوي الولد
يوسف ... ها كمل الاكل
حوراء ... اي كلة حاضر بعد بس اصبة
يونس ... اكيد وراها راح اروح للمستشفى
حوراء ... والله محد اضربك على ايدك وكالك إلا تاكل علواه تضل لحمة زايدة ناكلهة
يونس ... هسة اني اكبر نفسي إلا الخطار شلون
حوراء ... والله عيني اكو مطاعم وروح جيبلهم
يونس ... مو هو ردت أجيب بس بعد ما رهمت
حوراء ... ليش بلا ما رهمت عثرت مثلا نحسدت
يونس .. بقى ساكت
يوسف ... اذا مشاهدينا الكرام كان معكم يوسف
العراقي لينقل لكم قصف الجبهة من قلب الحدث دمتم في امان الله
================================
يتبع في البارت القادم ان شاء الله
هاي اول قصة الي اتمنى الدعم والتشجيع
نشرت هذا البارت اتمنى اتمنى التشجيع
يعني عفية صوتو علقو حتى اتشجع
مع تحياتي...
فاطمة الشمري
أنت تقرأ
فداك عمري يا ابي
Diversosفتاة تبحث عن اباها الذي اختفى منذ ان كان عمرها سبع سنوات فأين هو وما سبب اختفائه وهل تجد احد يساعدها جميع هذه الاسئلة تطرح للإجابة عنها نتابع القصة
