عباس ... احد شيوخ العشائر سابقا كان يسكن محافظة ديالى ولكنه انتقل الى الحلة يكون الابن
الاكبر و لديه اخوان اثنان اصغر منه هما حمزة و
سجاد و ثلاث اخوات فاطمة و زينب و بنين
حرم من طفولته و شبابه حيث اقضاه مع والده
في الديوان قبل ايام قليلة اتصل علي احد الشيوخ
و طلب منه أن يحل له مشكلة ما فوافق عباس
وحل المشكلة فحصل على هدية من قبل صاحب
المشكلة
حوراء... عمي كالي اصعدي بالسيارة سئلتة هي
السيارة مال منو كال
سعد ... مال صديقي طلبت من عدة يوصلنة انت
صعدي واني هسة اجي نسيت موبايلي بالبيت
صدت بالسيارة ورة سلمت رد السلام وحرك السيارة
و مشة كتلة
عفية عمو ليش مشيت عمي هسة يجي يصعد
عباس ... شنو عمج يجي سئلتة و كال ما اكدر
انت اخذهة وروح
حوراء... شنو شنو ما يكدر يجي لعد اني شسوي
صاعدة وياك هو اني اجيت علمودة عفية عمو اجاي
تحجي تعال تعال خاف انت خاطفني و ما ادري والله
اذا صدك اعيط عيطة الم الناس كلهة عليك
عباس ... اش الخاطر الله شكد تحجين شنو اجيت
علمود عمي شنو خاطفني شو كمتي اتلوصين بالحجي بعدين اكو واحد يخطف يجي يوكف بالباب
و يصعدج عمج و امشي هاي اول مرة اشوف هيج
خطف
حوراء ... والله أول شي حسن ملافضك بعدين
عمو الله عليك اذا ما خاطفني وين ما خذني و منو انت
عباس ... اول شي عمو هاي بطليهة ثاني شي شنو
حسن ملافضك مو عيب عليج هيج ادكولين والله
لو ما بت الغالي جان جنزتج تجنز
حوراء ... شنو الله عليك عمو اقصد يا زلمة يعني انت تعرف ابوية امانة كلي وين هو اكيد جاي تاخذني علية هو دزك مو
عباس ... شتحجين انت دزك علية انت مخبلة عاقلة
بعدين عفتي الحجي كلة الحجيتة جلبتي ابت الغالي
طلعتيلي ميت سؤال على هل كلمة الله يرحمك يا عمر جان يكلي بنتي لسان بس ما ادري هلكد
حوراء ... ها يعني انت هم عبالك ابوي ميت
و ما تعرف الحقيقة زين اذا ابوي ما دازك علية
وين تريد بية
عباس... شنو ما تعرف الحقيقة يا حقيقة التحجين
عنهة
حوراء... هسة دكلي وين موديني و بعدين اسولفلك
عباس ... يعني ما تدرين وين موديج انت اشك بيج
مو صاحية
حوراء ... الحمد لله عندي عقل و صاحية والله ما ادري وين موديني
عباس ... معقولة عمج ما كالج انطاج الي هدية
حوراء 😱😱😱 شنو انطاني هدية انت شتحجي
شنو بكيفكم تقررون حياتي يعني هسة كل البالي
ما راح يصير و لا راح اكدر آخذ حك ابوي وانت شلون تقبلهة تاخذ هدية مرة احنة وين عايشين
عباس ... شنو انت وانت ما عندي اسم دكليلي بي
حوراء ... لا والله ما حضرت حفلت التعارف حتى اعرف اسمك
عباس ... صدك اجتني ضحكة على حجايتهة بس خفيتهة ما بينتلهة اي هسة اهدئي بالاول و بعدين
نسولف ورانة طريق طويل الحك ع السوالف
حوراء... اخذت شهيق و زفير شكم مرة حسيت
هدئت كتلا يلا سولف اسمعك
عباس ... كتلهة اهدئي اباوع عليهة بالمراية كامت
تاخذ شهيق و زفير يالله هاي شبيهة ما صدك صاحية اكيد بيهة شي كالت يلا سولف كتلهة
عباس ... السلام عليكم
حوراء ... وعليكم السلام
عباس ... الله بالخير
حوراء... الله بالخير والعافية صدك ضوجني هو هسة
اليكول الله بالخير ولو هو اني نطيتة مجال
عباس... وكفت السيارة يلا حوري انزلي وصعدي
يمي حتى نسولف
حوراء... شنو يعرف اسمي لا والنوب يدلعني
الله من شوكت ما سامعة هذا الدلع جان بس ابوي
هيج يكلي للحضة تخيلتة ابوي الكدامي لان ابوي
جان من يريد يحجي اول ما يبدي يكول السلام عليكم والله بالخير يلا يبدي
عباس... يلا وين صفنتي
حوراء .. ها اي اي ونزلت صعدت بصفة يلا اسمعك
عباس ... تنحنحت اول شي اسمي عباس
حوراء... تشرفت بمعرفتك واني حوراء بس انت تعرف اسمي
عباس... الي الشرف اكيد اعرفة شلون ما عرفة هسة منين تردين نبدي نسولف
حوراء ... شلون و شوكت عمي انطاني هدية الك
عباس ... قبل فترة عمج خابرني كال اكو مشكلة
بينة و بين عشيرة ثانية متعاركين ابن عمج احمد
و واحد من غير عشيرة واحمد مطير عين الولد
واهل الولد مشتكين على احمد و ما يقبلون يتنازلون
عن القضية كوة عمج مقنعهم يكعدون كعدة عشاير
وخابرني كال اريدك طرف ثالث بالسالفة واتحلهة
النة وانة وافقت وصارت الكعدة و حليتهة و رضا
الطرفين ورة ما فضت المشكلة و تنازلو عن أحمد
عمج كالي انطيتك بت اخوي هدية الك لان حليت
مشكلتي اني ما وافقت وكتلة احنة بعشيرتنة لغينة
سالفة الهدية بس هو كال اذا عدكم ملغية احنة
موجودة عدنة وما يصير ترفضها الناس شتكول
علينة ليش الشيخ ما قبل هديتهم انت جاي تهينة
بهاذ تصرفك كتلة انة ما قصدي اهينكم او ارفض
هديتكم بس اذا انت هيج حسبت ف انة قبلت الهدية
ومشكور عليهة وباجر الكاهة حاضرة اجي اخذهة
وبعد انت يا حوري تعرفين الصار
حوراء ... يعني هسة ملكك ما الي اي حقوق و بعد ما اكدر اخذ حق ابوي
عباس... شهل حجي يا حوري شنو ملكي شنو مالج
اي حقوق اني صح قبلت الهدية بس مو معاناتها
انو انت ما الج اي حقوق ترة اذا قبلت الهدية
ف مو علمود عمج لا والله علمودج لان انت بنت
اغلى انسان على كلبي ما ردت اكسر بيج و ارفض
وانت تعرفين كل الزين الهدية الترفض شني معناهة
حوراء... زين مشكور لانك ما كسرت بية مثل ما تكول
بس ياريت لو رافض حتى بعد محد يزوجني واخذ
حق ابوي براحتي بس يبقى اني هدية ومالي اي
حق هاي حقيقة ما نكدر نغيرهة
عباس... هاي مال حق ابوي بعدين أفهمها منج مو هسة يرادلهة كعدة هسة نجي على مال مالج اي حق
لا الج كل الحقوق ليش ما لج حق اذا بنت الشيخ
عمر وزوجة الشيخ عباس ما الهة حق لعد منهو الالة
حق
حوراء ... تسلم ما تقصر شكد فرحني من كالي بنت الشيخ عمر و زوجة الشيخ عباس
عباس ... اي عفية هاذ الحجي الاريد اسمعة
================================
يتبع في البارت القادم ان شاء الله
اول قصة الي اتمنى الدعم والتشجيع
مع تحياتي...
فاطمة الشمري
أنت تقرأ
فداك عمري يا ابي
Acakفتاة تبحث عن اباها الذي اختفى منذ ان كان عمرها سبع سنوات فأين هو وما سبب اختفائه وهل تجد احد يساعدها جميع هذه الاسئلة تطرح للإجابة عنها نتابع القصة
