عباس ... ضحكت اي عفية هاذ الحجي الاريد اسمعة طلعت تلفوني و خابرت سجاد
الو السلام عليكم هلة سجاد شلونك ....شوف باجر
اسوي عزيمة وتعزم الكل بمناسبة زواجي ......
لا اليوم نبات بالفندق .... لا ما يحتاج اليوم نعقد يلا مع السلامة
اي حوري صارت دنيا الضهر انزل نتغدة بمطعم لو بالفندق نطلب
حوراء... بدون تفكير لا الله عليك بالمطعم
عباس... ضحكت على تصرفهة ماشي يتدلل حوري
حوراء... 😳😳 حسيت على نفسي شكلت شكد خجلت كتله ها لا قصدي بكيفك
عباس... ابتسمت لان خجلت حبيت العب على أعصابها كتلهة يلا لعد اذا بكيفي اروح للفندق
ونطلب
حوراء ... على راحتك (جان بنفسي اكل بالمطعم
ما ماكلة بي من جنت صغيرة جان ابوي يجيبني
ويا)
عباس... يلا وصلنة نزلي
حوراء ... اي نزلت
عباس... شنو ما لابسة عبا
حوراء ... ها لا مالابسة
عباس... هسة شلون ..... ذبيت عباتي و كتلهة ديري
دارت خليت العبا على اكتوفهة كتلهة هيج احلى
حوراء... خلى العبا على كتوفي شكد فرحني تصرفة
حسيت هو مسؤول عني ويحميني من الدنيا
دخلنة بس مو للفندق طلع ماخذني للمطعم
عباس ... دخلتهة للمطعم وشفت ابتسامة ارسمت
على وجهة ما ادري هاذ الشي كلش فرحني
بس استغربت معقوله بنفسهة تدخل للمطعم
انة الاعرفة من جان عمر موجود الله يرحمة
جان مدللهة معقولة اختلف الأمر بعد ما فقدت
والدها
وصلنة القسم العوائل كعدنة اي حوري شتطلبين
حوراء... كيفك
عباس... لا مو بكيفي انت الراح تاكلين
حوراء... حسيت كانو يكلي كوني صاحبت قرار ابتسمت بوجهة و اخذت القائمة طلبت صاجية
عباس... حوري طلبت صاجية وانة طلبت قوزي
طلبتلهة ببسي وي الصاجية جابو النة الطلب
و اكلنة باوعت عليهة تاكل على كيفهة
كملنة كمنة طلعنة كتلهة
عباس ... هسة راح اروح اجيب سيد يعقدلنة
تجين وياي لو اوديج للفندق اكعدج بي و اروح
حوراء... لا وديني للفندق احجي بثقة و عبالك
اكلة خلص راح اكون صاحبة قرار
عباس ... تمام ابتسمت وصلني التريد تبينة
رحنة للفندق حجزت غرفة وديتهة بيهة وصيتهة
تقفلهة و ما تفتحهة لما اجي
حوراء... ماشي تؤمر
عباس... شنو عجبتج عباتي ماتنطينياهه
حوراء... اسفة نسيت هاك
خذاهة و مشة قفلت الباب وراه شنو هاي كل شوي
مفشلني لا والله اني اليوم مدري شبيه ما انتبه
التصرفاتي
عباس... طلعت من الفندق اول شي اشتريت
عبا الحوري ورحت جبت السيد و شهود اثنين
وصلت للغرفة كتلهة جبت السيد اكفي ورة الباب
حتى يسئلج
حوراء... زين جنسيتي هم يحتاجهة اني ما جايبتهة
عباس... عمج انطانياهة هي وكل مستمسكاتج
يلا السيد برا اني راح اوكف يمة
طلعت وبدا السيد يحجي وهي تردد و وراه
لما كالت موافقة وانت وكيلي بس حسيتهة بجت
من وصلت للاخير
رجع حجى السيد و انة رددت وراه كمل باركلنة ومشة اني رحت وياه وصلتة و تشكرت منة ومن الشهود و رجعت للفندق دكيت باب الغرفة
حوراء ... منو
عباس... حرامي
حوراء ... عرفت هذا عباس فتحت الباب تفضل ابو فضل
عباس ... شلون تفتحين الباب للحرامي
حوراء.... ضحكت لا عرفتك
عباس ... و منو كالج كليلي ابو فضل
حوراء ... اسفة بس لان اسمك عباس كلت يكلولك
ابو فضل
عباس ... همم لا يكلولي ابو فاضل وبتسمت
حوراء... زين هسة انت ضايج فرحان جي كتلك
أبو فضل مو ابو فاضل
عباس ... جنت واكف كعدت ع الجرباية والله ما ادري جنت ما اقبل احد يكلي ابو فضل بس هسة من كلتي فرحت يمكن ذكرتيني ب عمر ألله يرحمة
حوراء... يلا هي الرحمة للعدل و الميت ليش ذكرتك
بابوي شنو الربط بالموضوع
عباس... اشرتلهة تكعد ع الجرباية الربط هو عمر اول من كالي ابو فضل وبدت الناس تكلي ابو فضل
وبعد ما اتوفة عمر منعت احد يكلي ابو فضل
احس هذا الاسم ملكة وهسة انت ذكرتيني
حوراء ... شنو هل وفاء معقولة انت هلكد جنت صديق بابا
عباس... اوو اكثر ما تصورين يا حوري
حوراء... تعرف اني هم جان ابوية يكلي حوري
حتى استغربت من انت كتلي حوري
عباس... اي انة ادلعج وانت ساعة تكليلي عمو
ساعة يا زلمة يلا هو هم حضي
حوراء ... صدك ضحكت من كل كلبي من هيج كال
زين سولفلي على ابوي اذا هلكد صديقة ابد محد مسولفلي
عباس ... اسولفلج بس مو هسة
حوراء... لا الله عليك لعد شوكت
عباس ... هسة اروح للسوك نشتري ملابس عود بالليل
حوراء... لا ما اريد وديني للبيت اجيب ملابسي
عباس... شنو وديني للبيت لا شلون يصير
لازم اشتريلج ملابس هذا حقج وانة هم اريد اشتري
لان ماجايب وياية
حوراء... عادي اذا تريد مو الا اليوم عود من اروح
عباس... لا هسة اروح غير من اخذج كون عروس
كاملة مكملة
حوراء.. على راحتك
عباس .... ديلا كومي تحضري غسلي وجهج
حوراء... هم البس عباتك
عباس ... لازم عجبتج
حوراء... لا مو هيج بس لان انت من جنة بالمطعم
كلت
عباس... لا اشتريتلج عبا من رحت جبت السيد
كومي شوفيهة هذيج بالعلاكة
حوراء .. ماشي كمت شفتهة ورحت سبحت ورجعت
على ملابسي ولبست العبا
عباس... ها كملتي
حوراء... اي
عباس ...يلا لعد وطلعت موبايلي الو السلام عليكم
هلا حمزة اكلك حولي فلوس محتاج ...... ها اي اي منا نشتري يلا فد نص ساعة نوصل السوك اي
ابدايتة اكو صيرفة..... لا لا شلون اكيد عقدنة
يلا مع السلامة
ها يلا نطلع ما وصيج ديري بالج تباوعين بالكاع
مو اضلين اتلفتين وها مو تضيعيني وما الكاج
حوراء... اذا اباوع بالكاع شمدريني انت وين اكيد
راح اضيعك
عباس... بعد بعد تعاي اخذيلج راشدي والله عرفتج
انت لسان بس جنتي ضامتة
حوراء... اني لا لسان ولا هسة طلعتة بس والله انت
حجيت واني جاوبتك يعني ألله عليك حجي صدك لو لا
عباس ... صدك صدك بس امشي
وطلعنة رحنة للسوك اول سي رحت ع الصيرفة
حولي فلوس حمزة اخذتهن ورحنة لابو الذهب
يلا حوري شيعجبج اخذي
حوراء ... دخلنة على محل ذهب وكالي شيعجبج اخذي هسة شتردين يالله شكد عيب استحي انوب هذا راح كعد دتعال اوكف يمي شي اني هم ضليت
واكفة
عباس... هاي يمكن تستحي اكوم اوكف يمهة احسن
يلا حوري شو واكفة ما تختارين اذا ما يعجبنج اروح
لغير محل
حوراء ... ها لا حلوات بس ما ادري شآخذ
عباس... شوفي ذني الحلقات حلوات
حوراء ... اي حلوات
عباس ... ياهي العجبتج بيهن
حوراء... هاذي طبعا جانت حلقة كلش حلوة بيهة نقشة مثل الطير
عباس... هاي اي حلوة اخذتهة خليتهة على صفحة
يلا كملي الباقي
حوراء... اختاريت بعد محبس و والتراجي على شكل
دلة بس الكلايد ما عجبني كتلة كافي كملت
عباس.... مبينة معزبة من اختيار التراجي طبعا انة
عجبني قبل لا تاخذهن بس كلت ما اكللهة خاف
ما يعجبنهة قابل انة الراح البسهن والا يعجبني
انوب كالت كملت بوية انت شخذيتي وكملت
حوراء ... لا مو الكلايد ما عجبني
اني كلت هيج
================================
يتبع في البارت القادم ان شاء الله
اول قصة الي اتمنى الدعم والتشجيع
مع تحياتي...
فاطمة الشمري
أنت تقرأ
فداك عمري يا ابي
Acakفتاة تبحث عن اباها الذي اختفى منذ ان كان عمرها سبع سنوات فأين هو وما سبب اختفائه وهل تجد احد يساعدها جميع هذه الاسئلة تطرح للإجابة عنها نتابع القصة
