حوراء ... جربتة عالصندوك فجأة سمعت صوت يالله
الصندوك انفتح الحمد لله يا رب بديت اباوع بالصندوك شفت اوراق بديت اقرة بيهن اوراق تنازل
ابوي متنازل عن كل املاكة العمي سعد ردت اسد الصندوك بس شفت ورقة عادية من هاي المخططات
بالصندوق شسوي هاي الورقة بين اوراق التنازل
اخذتهة قريتهة طلعت رسالة من ابوية العمي
يكلة اني راح اروح نهائيا وبعد ما اجي ابد واطلك
زوجتي واتنازل عن كل املاكي والمشيخة بس وصيتي هي حوراء كل التردونة يصير بس لا
اتئذونهة
اقرة و ابجي يعني ابوي عايش ااخ يا بوية كل هذا سويتة حتى ما اتئذى ضحيت بكل شي في سبيلي
بس وعد مني ما راح اسكت ولازم اخذ حقي و حقك يا يابة كمت مسحت دموعي و اخذت الأوراق
مال التنازل وحتى الرسالة وطلعت من البيت
رحت على مكتب استنساخ استنسخت الاوراق و الرسالة ورجعت للبيت اخذت الاصليات الي ورجعت
الاستنساخ بالصندوك وقفلتة ورجعت المفتاح بالبوفية وطلعت اريد اضم الاوراق مالتي وين
اضمهة وين كلت هسة خلي اروح اخليهن بالغرفة
لما الكالهم مكان ضميتهن بغرفتي شفت الساعة عزة
ساعة ١١:٣٠ وما مسوية غدة ركضت للمطبخ سويت غدة اجوي صبيت غدة ورحت تغديت اذكرت ما مصلية كمت صليت و سجدت سجدة شكر لله لان
ساعدني يا رب هسة الخطوة القادمة شنهي شسوي
كمت غسلت الاماعين وسمعت عمي يحجي يكول باجر الكعدة بس مو يمنة راح يرحون للحلة يم طرف ثالث بس غدة عشيرتنة يمنة و ورة الغدة يرحون
عمي كالي حضري الغدا من وكت حتى اللحك اروح
اني غسلت الاماعين ورحت عجنت حتى اليوم اخبز
كملت ورحت نمت شوية كعدت العصر خبزت لما
كملت روحي راحت رجعت سويت عشة و كملت ورحت ع الاستقبال نضفتة هو والمغاسل والخارج
كلة اتذكرت الاوراق كلت احسن شي ادفنهن رحت
جبت الاوراق و خليتهن بعلبة ولفيتهة بلاليلون و دفنتهن ورة البيت ورحت نمت كعدت الصبح صليت
و طلعت جان اللحم محضرينة من البارحة اول ما كعدت غسلتة و خليتة ع النار وحضرت ريوك تريكو
وبديت اطبخ كمل ودو للزلم اتغدو وجابو انطيتهم
الجاي وتغديت و غسلت الاماعين و رحت نمت
ما كعدت الا على ضرب سارة
سارة... هي يلا كومي بت المسعدة نايمة منو يحضر عشة جدي يلا كومي كدامي حضري العشة عاب هل شكول تحجي وتضرب بية
حوراء... اييي افتهمت يلا شيلي ايدج مني لا اندمج
سارة ... شنهي ولج اتندميني شو تعاي اكلج وشالت
ايدهة تريد اجر شعري
حوراء... لزمت ايدهة و لويتهة ديري بالج اتمدينهة
علية مرة ثانية بس اسوينهة اكل لعمي شمسوية
سارة ... شدكليلة ولج
حوراء... ما اكول واذا تردين تعرفين شكلة مدي ايدج
وعود اسمعي من اروح اكلة
سارة ... ما عندج شي تكولين بس تهددين
حوراء... اني بت عمر من احجي انفذ ما اهدد واذا ما تعرفيني جربيني و شوفيني
سارة ... خلص خلص افتهمت ما عليه بيج بس كومي
سوي عشة
حوراء ... ديلا طلعي شوية و اجي هسة مشغولة طلعت واني جذب كلشي ما عندي شغل بس هيج
خباثة و اصلا ما اعرف شمسوية من هددتهة بس هيج على نياتي كلتهة شو هية كامت تخاف كلت
لعد اكيد مسوية شي خلي ابقى مصرة ع التهديد
كمت سويت عشة تعشو و غسلت الاماعين كعدت شوية بالهول شو كلهة تباوع علية حتى ما سئلت
شمسوين على سالفة احمد كعدت شوية و رحت
الغرفتي نامو كلهم اني ما اجاني نوم كلت خلي
اكوم اشوف شي اكل كمت اريد اروح للمطبخ
سمعت سارة تسولف وي عمي تقربت ع الباب بلكت اسمع بس اني وصلت هو كاللها الله كريم هسة منا
للصبح تفرج نشوف شنكللهة وكفت بلكت بعد اسمع
شي بس هم بعد سكتو كلشي ما حجو
رجعت للمطبخ سويت لفة جبن كليتهة و رجعت للغرفة بقيت اتكلب مدري اليوين يلا نمت كعدت الصبح صليت و حضرت ريوك كعد عمي كال
سعد ... تحضري اريد اروح للطبيب و روحي وياي
حوراء... تعجبت من طلبة ابد ما رايحة ويا المكان
ولا وية غيرة بس كلت ماشي هسة اتحضر حطيت الريوك كدامة و رحت ادور اريد ملابس البس كل
ملابسي قديمة اتذكرت البنات بالمدرسة رحت الغرفتهن لكيت فستان كلش عجبني اول ما اشترنة
واني بقة بنفسي هو مال نسرين بس بعدهة ما لابستة خذيتة ورحت خليتة بغرفتي ورحت سبحت
ع السريع و طلعت لبست الفستان و ويا شال هم اخذتة من سوسن كملت صاح علية عمي
سعد... يلا حوراء وين وليتي
حوراء... اي عمي كملت طلعنة سوية شفت سيارة
موكفة بالباب صاعد بيهة واحد مو جبير بالعمر تقريبا
يطلع عمرة بنهاية التلاثينات كالي عمي يلا اصعدي اني هسة اجي صعدت بالسيارة ورة سلمت رد السلام
عمي دخل للبيت شو ابو السيارة حرك و مشة
================================
يتبع في البارت القادم ان شاء الله
اول قصة الي اتمنى الدعم والتشجيع
مع تحياتي...
فاطمة الشمري
أنت تقرأ
فداك عمري يا ابي
Acakفتاة تبحث عن اباها الذي اختفى منذ ان كان عمرها سبع سنوات فأين هو وما سبب اختفائه وهل تجد احد يساعدها جميع هذه الاسئلة تطرح للإجابة عنها نتابع القصة
