فداك عمري يا ابي

البارت الاول

حوراء بنت تبلغ من العمر ١٩ عاما حنطاوية البشرة
ذات عيون كبار ووجه قاسي الملامح و شعر اسود
طويل يصل الى  نهاية خصرها اما الطول ١٥٩
فقدت والدها عندما كان عمرها ٥ سنوات وبعدها
ذهبت والدتها الى بيت جدها وبقيت حوراء تعيش
مع بيت عمها الذي يتكون من العم وزوجة العم
ولديهما من الاولاد ٣ والبنات ٢
العم سعد و الزوجة سارة والاولاد الكبير احمد
والوسط يوسف و الاصغر يونس اما البنات الكبيرة
نسرين والاصغر سوسن
عانت حوراء في هذه العائلة الكثير من المعاناة
و اقسى العذاب على يد العم و زوجته
لكن لم تكن ذليلة على العكس اتخذت من الواقع
المؤلم مصدر القوة و الكبرياء و الشخصية الجادة

سارة ... يلا كومي شعندج نايمة يلا كدامي حضري الريوك ربع ساعة اذا ما حاضر اعاقبج
حوراء ... اعرف ماكو داعي تكولين
سارة ... ااخ لو بس هل لسان يدخل بحلكج جان ارتاحيت
حوراء ... الساني وحرة بي محد الة علاقة بي
وهذا الريوك كمل
سارة ... اي خوش روحي كعدي عمج واخذي ريوكج
على صفحة مو ويانة
حوراء ... اكيد على صفحة لان اذا اكابلج نفسي
تنسد ........ عمي عمي يلا اكعد اتريك
سعد ... وعما العماج لا تصيحين
سارة ... مو ما تعرف إلا تغث الواحد
حوراء ... 😞😞   اخذت ريوكي ورحت الغرفتي
الي هي عبارة عن مخزن المساحة  ٣ ب ٢
تريكت وطلعت انضف البيت وعفت الاماعين
لما يكعدون الولد والبنات حتى اغسلهن مرة وحدة
كملت تنضيف وكعدو سويتلهم ريوك اتريكو و غسلت
الاماعين و نضفت المطبخ وبديت اسوي الغدة
كملت الغدة اجوي
سعد ... السلام عليكم
حوراء ... هلا
سعد ... متعرفين تردين السلام
حوراء ... اعرف
سعد ... وليش ما رديتي
حوراء ... رديت بس ما سمعتني
سارة .... اي مو مسوية نفسهة رقيقة
حوراء ... شسوي الله خالقني رقيقة بدون تصنع
سارة .... ايبااه ديبا صبي غدة
حوراء ... كملت هوسة الغدة ورحت للغرفة
ااه يا يمة شوكت اشوفج والله تعبت من الضلم
بعدين اتذكرت انو المشتكى فقط لله كمت توضيت
وصليت و دعيت الله يخلصني من الضلم يا رب كل واحد طاقة تحمل واني بعد ما اكدر اتحمل أكثر
شاتحمل امي المانعيني من عدهة وكل ما تجي ما
يقبلون اشوفهة لو اتحمل ابوي الي ما ادري وين اختفى ويكولون مات لو اتحمل كلام عمي و زوجته
وضلمهم يا ربي اني الوحيدة من المنطقة انحرمت
من الدراسة ربي ارحمني تعبت يعني مو من حقي ادخل كلية واشوف ناس حتي المدرسة جنت بس بأيام الامتحانات الشهرية والكورس اروح
سارة ... حوراء صخيمة الطيمة
حوراء ... ها ها ها اسمع اشتردين
سارة ... بعد بعد تعاي اخذيلج راشدي
حوراء ... بكلبي كلت والله كون مو بس راشدي
لا والله راشدي على بوكس على جلاق دفرة عضة
واطلع كل حركة كلبي بيج
سارة ... روحي سوي عشة و ورة العشة ترحين اتنضفين الاستقبال باجر عمج عندة كعدة
حوراء ... ماشي رحت سويت عشة و ورة العشة غسلت الاماعين وتوني ردت اروح للاستقبال اجاهم
خطار من المنطقة رحت حضرت ماي للزلم اجى يونس خذاه واني حضرت ماي للنسوان واخذتة و
دخلت سلمت عليهن جانن نسوان ٣ انطيتهن مي
اشو ذني بس يباوعن عليه اني طلعت سويت
جاي و اجى يوسف خذاه واني وديت للنسوان
انطيتهن وهم بقن يباوعن عليه انوب كاللي تعاي اكعدي يمنة سولي مجال بيناتهن وكعدت بي
وبدن يسولفن والله يا ام احمد احنة جايينكم على شغلة وياريت ما تردونة
سارة ... من عيوني ان شاء الله النكدر عليه نسوي
وما نقصر
ام خالد ( وحدة من النسوان ) ... تسلمين عيني حشاكم من القصور والله عيني احنة نريد نخطب حوراء الابني خالد الجبير وانت شايفتة مو ابني
وامدحة لا والله بس الحق يقال هو زينة الولد ادب واخلاق ومال وجمال
سارة ... اي عيني نتشرف بيكم و بابنكم بس لا
تنسين حوراء هم بنت اخو الشيخ
حوراء ... قصدج بنت الشيخ
ام خالد ... لا والله ما ناسين خية بنت الشيخ وعلى
روسنة
سارة ... الله يسلمكم والله بعد الشور بيد عمهة
احاجي ويصير خير
ام خالد ... ان شاء الله الله يقدم البي خير لعد البنيات وين
سارة ... والله جاي يقرن
ام خالد ...ها الله يوفقهن
حوراء ... سويت نفسي اكح
سارة ... يمة اسم الله بنيتي شبيج
حوراء ... اكح واحجي عمة فدوة مي
سارة ... اي عمة من عيوني وكامت اجيب مي
حوراء ... درت على ام خالد خالة اني
================================

يتبع في البارت القادم ان شاء اللة
هاي اول قصة الي اتمنى الدعم والتشجيع
مع تحيات ...

فاطمة الشمري