عباس ... اشرتلهة اتمدد ع الجرباية شفتهة مترددة
حوراء... اشرلي وبقيت مترددة
عباس... شوفي حوري لا تصدكين اجبرج على شي
لان مو من اخلاقي هذا الشي
حوراء... ارتاحيت من كلامة اتمددت بصفة هو جان على ضهرة اني نمت على صفحتي ودايرة علية
عباس... اي هسة نرجع نكمل ف يا حوري لا ماخذ مرة ولا عندي جهال بالنسبة العائلتي والدي متوفي
حوراء... الله يرحمة
عباس... يرحم والديج
اي وامي طيبة الحمد لله عندي خوان اثنين الاصغر مني حمزة ما مزوج وسجاد الزغير مزوج
حوراء... هسة انت عرفنة ليش ما مزوج بس حمزة
ليش لهسة بلا زواج
عباس ... حمزة هذا مصيبة انطي بس عرك و مشاكل
و هد على بيت فلان و كاوم بيت فلان لا مفكر بالزواج ولا على بالة ف احنة كلنة السجاد ما
عليك بينة تزوج شوف التريدهة واحنة نمشيلك عليهة تريد كل الامي ادور لك على معرفتها عاد
لكينالة بت الحلال و تزوج و نسيت سجاد بالحشد
هسة نكمل عندي بعد خوات ٣ فاطمة و زينب و بنين
فاطمة متزوجة اخو مرة سجاد وزينب مخطوبة
و بنين بعدهة
وهاي عائلتنة كملت
حوراء ... حلوة العائلة الله يحفظكم بس انتم مو جنتو ب ديالى شوداكم للحلة
عباس... ورة ما كالو عمر مات كرهت الديرة
كلهة و كتلهم بعد ما ضل هنا راح انتقل للحلة
يم عمي اهلي كالو اذا انت تروح احنة هم وياك
عاد شفنة بيت واشتريناه و انتقلنا وبعد من يومهة
ما واصل لديالى غير اليوم حتى الكعدة مال سالفة
احمد ما قبلت اجي لديالى كتلهم الكعدة يمي بالحلة
في سبيل ما اوصل ديالى لان بس اوصلهة احس اختنك
اي هسة انت سولفيلي ورة ما راح عمر شصار
وياج
حوراء... ليش ورة ما راح عمر وقبل لا يروح ما يصير
احجيهن لو حتى اتذكر واحد حرام يتذكر
ذيج الايام
عباس... على كيفج بوية مو هيج الحجي ترة كل السالفة كبل لا يروح عمر كل تفصيلة بحياتج
اعرفهة
حوراء... هاا لا اسفة مو هيج قصدي
عباس... لا ولا يهمج هسة كملي
حوراء... اي بعد ما راح امي راحت يم خوالي
و منعوني انو اشوفهة و شكم مرة تجي تريد
اشوفني و عمي ما يقبل تشوفني
و طبعا ما احجيلك على المعاملة مالتهم
شلون جانو يعاملوني صدك كلهة حاطة رجل على
رجل و حوراء تشتغل
والله بس شنو عاد انة بنت ابوي
ما اسكتلهم لساني عبالك رشاشة عليهم
شسوي ما اكدرلهم عاد اطلع ضيمي بالحجي
عباس... والله عفية ثاريج مو قليلة
حوراء... اي والله مرة رحت اريد اكعد
يونس كال وخري من الباب ماريد يتعكر مزاجي
من الصبح كتلة لعد خلي اروح اجيب هيفاء وهبي
صبح بوجهة
عباس... نعلة عليج هاي وين لكيتيهة
حوراء... اي مو هو كيكي عبالك بنية
عباس... بقت تسولفلي شمسوية بيهم
و آنة خربان ضحك عليه
سمعت صوت الأذان شوفي اذن و ما نمنة
يلا كومي نصلي
كمنة صلينة وكعدنة شوية كتلهة
راح اروح للسوك اشتري ملابس
الي مال عريس
حوراء... لعد البارحة ششتريت
عباس... مو جنت مفكر البس اسود
بس بعد ما البسة
حوراء... وليش جنت مفكر تلبس اسود
عباس... من يوم الراح عمر هذا الشي
حوراء... والله حسدتكم شنو هل وفاء
أنت تقرأ
فداك عمري يا ابي
De Todoفتاة تبحث عن اباها الذي اختفى منذ ان كان عمرها سبع سنوات فأين هو وما سبب اختفائه وهل تجد احد يساعدها جميع هذه الاسئلة تطرح للإجابة عنها نتابع القصة
