الكاتبه. ... رهف البغدادي
هادي:-زنوبه خويه هاي الفصليه اوووو أقصد زوجتي شهد
اخذيهة عرفيهة ع كلشي بعد مسؤليتجن ماوصيج
زينب//تدلل من عيوني تعالي وياي
اعرفج عن نفسي زينب زوجه عماد أخو هادي
شهد/عاشت الاسامي اخت غاليه أن شاء الله
زينب//شوفي شهد هنا عدنه أهم نقطه يحبون الاحترام ومايردون العناد اخذيهم بالسانج الطيب وعاتبيني اذا مخلوج بعيونهم اني صارلي شهرين عندهم ولحد الآن مشفت شي موزين بدر منهم
شهد//اشكرج حياتي ع النصيحة والمعلومة ممكن تاخذيني ارتب ملابسي
زينب//من عيوني بس بالأول اعرفج ع مامه والبنات
شهد//اوك وبكلبي اكول الله اليستر اخذتني زينب لغرفة أم هادي دكت الباب ودخلنه هلو مامه هاي زوجه هادي البنيه ال...أم هادي هله بيهة
شهد// أم هادي زغيرة موحجيه خطيه زغيرة وترملت ومبين عليهة مكسورة حيل ع زوجهة كالتلي هلا بيهة كلت هاي مبين عليهة فقيرة خلي صدك اكسبهة
كتلهة أكدر اكولج مامه مواني زوجه ابنج واعتذر كل الاعتذار ولو هوة قضاء وقدر بس مهما يكون ايظل عمو السبب
أم هادي//ايي انتي بنتي حالج حال البنات ومالج ذنب بالصار لاتعتذرين ..وهسه روحي ارتاحي
شهد::شكرآ مامه (انه كيدهن عظيم)
اخذتني زنوبه الغرفه البنات عرفتني عليهن رفل حبابه
بس ميلاد جانت قاسية وياي عبالك اني القاتله بس اني مااهتميت آلهة
وبعدهة اخذتني رفل لغرفت هادي لأن زينب زوجهة راداهة
دخلت للغرفة جانت غرفه بسيطه صح اثاث كامل بس مبيهة شي يجذب غيرت ملابسي لبست أتراك برموده أسود وسويت شعري كعكه وعندي فيونكه ورديه خليتهة وخليت عطر هذا كوله ورفل بعدهة يمي كعدت ارتب بملابسي وهيه تحجيلي اشلون انخطبت وع خطيبهة مخطوبة لااخو زينب شايفهة بالعرس ورايدهة
شهد//رفل شافت ملابسي كووومه وكلهم راقيات انعجبت بيهن وكالت لج شنو من شوكت محظرة نيشانج
شهد//قسم هسه اشتريته وقسم الثاني هوة عندي أن شاء الله من تزوجين ملابسج اتكون اظعاف ملابسي
رفل/الله كريم لحد مازوج هسه بعدنه حزينين
شهد/ايي هم صدك
رفل /شهود راح أنزل خلصي وتعاي اكلي
شهد /حياتي اني مااشتهي أريد انام اذا ممحتاجاتني هسه
رفل//اوك اخذي راحتج باي
شهد //نزلت رفل وإني رحت نمت لأن جنت كلش تعبانه ونعسانه نمت تقريباً ساعه وسمعت باب الغرفه انفتح كعدت لكيته هادي ينزع بساعته كتله الله يساعدك
هادي//دخلت للغرفه لكيتهة نايمه ع الجربايه هسه اني وين انام بعدني احجي وي نفسي وكعدت كالت الله يساعدك
بس باوعت عليهة ماجاوبتهة كتلهة جوعان كومي سويلي أكل
شهد//همزين من راد أكل اني هم جوعانه واستحي أنزل
نزلت لكيت زينب تنظف بالمطبخ كتلهة زنوبه شمسوين عشه
كالت برياني ودجاج يم يم يم اني أحبه كتلهة هادي أيحبه كالت ايي عشقه جهزت الصينيه ورحت كتله هادي كوم أكل
كعد وإني اجيت أكل وياه
كال هاي شسوين كتله أريد أكل
كال ..اكلي وحدج اني مااكل وي الفصليه
شهد ..والله مشكلتك اني جوعانه ويبدي جهزت الأكل
هادي. ..ايي عود راح اكل بس موتخلصينه
شهد//جوعانه راح اكل لحد مااشبع
هادي/تاكلين سم
شهد//اكرمنه بسكوتك خلي أكل
هادي//شفتهة بدت تجاوز إني ساكتلهة ردت ادبهة بس ماعرف ليش انقهرت عليهة كلت خليهة تأكل جوعانه
خلصنه أكل واثنينه ساكتين .
شهد//رحت وديت المواعين للمطبخ وغسلتهن وغسلت وفرشت اسناني واجت ميلاد
كالت انتي يالفصليه تلكين ملابسي الوصخات اغسليهن هسه لأن أريد البسهن باجر
شهد/ / ماعجبني اتعارك باوعتلهة 😞😞 كلتلهة تصبحين ع خير اروح انام احسن
ميلاد//كتلج اغسليهن
شهد//بابه روحي من طريقي زوجي بالغرفة اروح اشوفه خاف محتاج شي
ميلاد//سهله اوكفيلي
هادي شوف هاي الفصليه اكلهة بطني توجعني اغسليلي ملابسي ماعندي غيرهن لأن ملابسي السود قليلات مقبلت وفوكاهة ظربتني وتكلي اني مااشتغل خدامه عندج
هادي//شهد😈😈😈 شهد ظربين ملوده اليوم اموتج اني اصلا متحملج من زمان
حبايبي الغالين ابرأيكم شهد حتتحمل الظلم أم تقاوم بنفسها
ادعموني بتشجيعكم من خلال التعليقات حته استمر بالقصه
لأن دوامي حيبدي وبعد ماعندي وقت
