يله صقيقاتي خلونه انكمل القصه
شهد / أخذ الفون من عندي عبالك أخذ روحي يعني شنو بعد مااتواصل ويه أهلي وإني من زمان عندي ومحد يتحكم بيه شنو هذا هيج يسوي وبالأخص اني ممسويه شي ليش هيج تتهمني هاي تبارك الكلبه 😡 اني اعلمج أخذ حقي من عندج شنو تنافسيني ع هادي هوة موبعيني اصلا ولااهتمله بس خلص صار زوجي اله اكسبه ومااخليج توصليله هسه خلي انام وآله انفذ خطتي **اتهون بروكه اتهون**
رحت نمت بس كلبي يم فوني اوووف شكول عليكم
قبل لاانام هادي كلي عود كعديني ب6 عندي شغله
شهد / اوك اذا كعدت
صار الصبح كعدت كلت خلي اكعده //هادي هادي يلنعوس سايق مخده موكلت كعديني
هادي//عوفيني نعسان
شهد / موصوجك اني راح انام ومن تكعد لاتكعدني ع ريوك وملابس
هادي/لا كعدت كومي جهزيلي ملابس وريوك
شهد / ملابسك جهزتهن وريوك بس غسل تلكاه جاهز
هادي/يله خلي نكعد
شهد/يله حنزل للمطبخ
نزلت بسرعه أسرع من البرق جهزت الريوك وصعدت لكيت هادي يلبس بملابسه
كتله هذا ريوكك بعد محتاج شي وعود صدك شعجب كاعد هيج وقت وين رايح
هادي//لا ممحتاج شي وكعدت هيج وقت لأن أريد اروح لكربلاء صارلي اهواي مارايح
شهد/صددددك لكربلاء اوووف نيالك مقبوله مقدما شكد مشتاقه أزور لأن الدراسه جانت لاهيتني ماكدر اروح
هادي//من هيج كالت كلت خطيه خلي اعتبرهة صلح آلهة البارحه أخذت فونهة وهسه اتعاملني ولاعبالك صاير شي
شهد ترحين وياي
شهد / / ااااا تحجي صدك كول والله
هادي//ايي والله بعد شبيهة جهزي نفسج خلي نطلع قبل لانتاخر
شهد / اوك شكرا شكرا
هادي/فظيهة عاد
شهد//بسرعه جهزت نفسي عبالك صدك عروس وطالعه ويه زوجهة (مع العلم ابكلبي شايله حقد عليه )
شهد / يله اني جهزت بس اروح انطي خبر لمامه ولرفل
هادي//اوك وإني اخلي عطر واجي
شهد / نزلت كعدت مامه كلتلهة ورحت ع رفوله لكيتهة مانايمه بعدهة تراسل خطيبهة حبيبتي شكد فرحت من كلتلهة راح نطلع سوة
هادي//شهدددد شهدددد
شهد / لج هذا خبصنه خلي اشوفه شبي رحت اهاا شبيك
هادي//لج عطري انكسر تعالي نظفي الكاع
شهد / لحظة رحت نظفته ...اكلك انته خليت عطر
هادي/لا انكسر قبل لااخلي
شهد// ياعيني خطيه ظل بدون عطر شوف اني انقهرت عليك وماريد الناس اتكول شهد طالعه ويه زوجهة وريحته موطيبه فراح انطيك من عطري المفضل بس موتتعود كل يوم
هادي//هههه وهسه اني محتاج لعطرج اصلا عطري عطر هيل من أصلي بعد شوكت ريحتي موطيبه
شهد/يعني هسه متريد اتسويلي فظل
هادي/لا تعاي انطيني ماريد افشلج خطيه😁
شهد//هه انته الخطيه هاك خلي بس مواهواي حباب
هادي//تدللين وخبثت وياهة ورشيت اهواي وهيه ولك راح يخلص كاااافي اذا متعوفه اكعدهم عليك
هادي/هسه ياريت طيب تعالي خلي نطلع اتاخرنه
رحنه يمه فدوة طلعنه انخبش اثنينه👫
بالسيارة دخت كلش خليت راسي ع كتفه ونمت من وصلنه كعدني دخلنه زرنه ودعيت كون يتغير وظعي لأن اني مدلله ممتعوده ع حكم وتدخل بيه ميخالف راظيه حته اذا يحكمني بس بعتبارة زوجي موبعتباري فصليته خلصنه زيارة طلعنه
هادي//شهد تعالي ميت جوع خلي ندخل مطعم وناكل
شهد / حته اني جوعانه دخلنه وطلبنه أكل والحمد لله شبعت
كتله هادي وين يبيعون موطه أريد أكل
هادي / اكعدي وسكتي
شهد/لاتخاف جيبي ثكيل
هادي//هههه ياشيطانه تعاي اخذج ع حسابي...رحنه اني أكلت 2 لأن الموطه هناك غير طعم يم يم يم
وبعدين دخلنه للسوك نأخذ أشياء للبيت
هوة جابلهم حلويات
وإني اشتريت لرفل أتراك وشال ولزينب ساعه يدويه وياهة اسوارهة
ولمامه جبتلهة ثوب حاظر
ولميلاد هم ساعه
هادي كال ولج عليش هاي كلهن لورايحة لإيران شجيبين
بس عود صدك هسه اني طلعتج وونستج وماذكرتيني بهديه
شهد / امممم سبقتني بهاي تعال حقك عليه
اشتريتله عطر اسمه (دنهل )كتله حته بعد متوصل العطري
هادي//عووود شكرا بس مارتاح لحد ماخلص عطرج ع ايدي
شهد//تحلم ههه ورحنه رجعنه للبيت
وانطيتهم الهدايا وجانت حياتي مستقرة بس الأيام الي تجي بيهن تبارك حياتي تنكلب وترجع لااسوء وتحاول تحرك كلبي بهادي
انتهى البارت قلبوشاتي الأحداث القادمة
حتكون بيهة تطورات بحياتهم
ولكن ياترى للاسوء أم للافظل
توقعاتكم ...وتفاعلكم
لأن حتجبروني أوقف القصه يعني هامله دراستي علمودكم وانتم متراعون ظروفي شجعوني بكم تعليق والله مماخذه من جيبكم شي ههه 😚😚 اعبكم
