شهد :- نزلت لكيت الكل واصلين سلمت عليهم قسم اتقبلوني برحابه صدر والقسم الثاني سمعني كلمه فصليه اوووف ياربي بعد مااتحمل بس ماريد انهزم اله أخذ حقي مربع من عدكم يلي هنتوني كلكم
رفوله وزنوبه كالن تعالي خلي انحظر الأكل رحنه للمطبخ وإني عيوني اتدمع بس بهدوء
رفل / شهود ليش تبجين اكو أحد ظوجج
شهد//ليش هيج رفوله كلهة اتكلي فصليه اني مو عندي اسم
وبعدين هاي ماعرف منو اتكول لهادي زوجي المستقبلي
رفل/حبيبتي انتي غاليه عدنه كل احنه مالج دخل بحجيهم
هذول بيت عمي لأن اخذتي مكان تبارك
هيج يحجون
شهد:تبارك شنو قصتهة بعدنه نحجي ودخلت أم هادي كالت استعجلن بالأكل
ايي مامه خلصنه
صبينه الأكل وإني كعدت بالمطبخ مااكل
هادي//انتبهت شهد ماكو سويت نفسي أريد اغسل دخلت للمطبخ لكيتهة كاعده وعيونهة غركانات 😢😢
ليش متجين تاكلين وشبيج تبجين
شهد//مااشتهي واخاف عمامك ميتقبلون فصليه تكعد وياهم
هادي/فهمت منو كلج هاي الكلمه صدك صرت اكرهة الله يعينج انتي
شهد/روح أكل هسه يفتقدونك وإني راح اكل هنا
كعدت بس ماشتهيت أكل بعدني بالمطبخ ودك جهازي اباوع هذا حسام ابن عمي فتحت خط لك ياهله بظلعي شخبارك
حسام//من كل عقلج انتي اسئلين ع اخباري وإني حبيبتي مويمي صارت ملك غيري شهد كليلي شنو الحل ماكدر انساج
شهد//عود صدك جنت اتحبني وبعدك لحد الآن بس بعد شيفيد انته كلتهة ملك غيرك صرت بس تدري هسه ياله حسيت بيك من جنت اتغار عليه من الهوة
حسام//هاا يعني ظليتي اتغارين ع زوجج مثل ماجنت أغار عليج
شهد//كابرت حته ع نفسي كتله تحجي صدك أغار ع هادي هوة اني مشايفته من أصله تريدني أغار عليه
كتله يله حسام سلملي ع أهلي اروح اغسل المواعين باي
طلعت واشوف تبارك واكفه يم الباب سوت نفسهة تريد تدخل للمطبخ رحت اشيل بالمواعين وهادي يباوعلي وبعدين كلي كدام الكل شهد أريد جاي ☕من أيدج حسيته راد ينبهم احنه متفقين بيناتنه
كتله من عيوني
هادي/كالتلي من عيوني وحسيت نفسي صدك زوجهة ومتفاهمين
شهد جبتلهم الجاي قدمت للكل وصلت لتبارك ذبته عليه وسوت نفسهة بدون قصد اني احتركت صعدت للغرفه ورحت اغير ملابسي وايدي جانت اتاذيني
صعد هادي كلي سلامتج يامرتي حجاهة هيج بالعاميه ظحكت كتله شو حلوة هاي الكلمه كال بس مواحله من كلمتج من كلتي من عيوني
كتله هادي صدك عود شنو قصد تبارك من كلتلك زوجي المستقبلي احسهة اتغار من عندي وحركتني عن قصد
كال شتحجين ترة تبارك ماتهمهة هاي السوالف هيه مثقفه
اوك لاتصدكني بس احجيلي شنو قصدهة
هادي//هيه تكون بنت عمي أخته لخطيب رفل من اجونه ع رفل ابوي قرر يخطبهة الي بس صارت ظروف واجلنه الخطبه وبعدهة وفاة ابوي وانتي حالياً اعرف بالباقي
شهد// هااا يعني راح تخطبهة
زينب شهد يله تعالي نغسل المواعين
اوك جايه
عود اغسل المواعين موتنسه كملي شوكت تخطبهة
ظحك وكال احجيلج بس كولي مرة ثانيه تدلل من عيوني
شهد ههه شسالفه لهاي الدرجه عجبتك ظحكنه اثنينه ونزلنه
اني دخلت للمطبخ اشتغل وهادي راح يم الخطار
خلصت شغلي ورحت يمهم كعدت يم رهف واحجي بهمس هاا عيني اليوم شفتي لخطيبج ههه
رفعت راسي اباوع ع هادي عيونه نار وخزرني
يالله هذا شبي قبل شوي يظحك وياي
******مرت الساعات والكل راح البيته وإني رحت لغرفتي حته ارتاح لأن صدك هلكت وايدي محتركه
صعدت لكيت هادي بالغرفة فتحت الخانه أريد اطلع ملابسي
كال تعاي احجي وياج
كتله بس اغير ملابسي
كال كتلج تعاي لااكوم اكسرج 😈😈😈
شهد//اجيت
هادي:-فتحلي جهازة ويسمعني تسجيل لج منو هذا الي تخابرينه وتحجين عليه كدامه
قابل منو يعني//حسام ابن عموو
اهاا وشنو حب وغرام كلامج ويااه تجين تحاسبيني ع تبارك وحظرتج تحجين عليه
هاي شبيك هادي جنت ظايجه من عندك تبارك فشلتني كدامك وانته مدافعتلي وبعدين عمامك كلهم يكلولي فصليه وإني بهاي الحظات حسيت بالظياع وفجأة اتصل ابن عمي حسام هذا الي وصلني الكم وشنو حب وغرام ابن عمتي ترة عادي اذا اشتاقيت وياه
هادي /انطيني جهازج بعد ماشوف بيدج فون
واشوفج الفصليه اشلون يعاملونهة انتي مو مال احترام
شهد / ماسويت شي حته اتعاقبني هيج
اسكتي انتهى النقاش روحي نامي
حبايبي ليش متشجعوني معقوله معجبتكم القصه
حوقف النشر لحد ماشوف تفاعل
