شهد :- سويت حفله لنفسي الابشده
وبعدهة
بدلت وكشخت ع آخر حبايه
بس لبست أسود احتراما للميت
بس ماجذب خليت مكياج خفيف 🙅
وعموو:-كال يله بنيتي اذا كملتي خلي اوديج لبيت زوجج
شهد😢😢
ايي عمو كملت خلي انروح
اباوع ع اخواني بعيونهم يحاجوني بمعنى شبيدنه عليج
بابه حته ميباوع عليه دخل بغرفته
اما :-مامه نصبتلنه فاتحه
زوجات اخواني :-اول مرة احسهن ايحبني ظلن يبجن خطيه حته بجيت
يالله ركظت ع اطفال اخوي اموت عليهم شبكتهم وظليت ابجي
ولكم عمه مااتحمل افراكم بوقت المدرسه
اشلون هسه الله اليعلم بعد شكد يله اشوفكم
اوووووف😭😭😭😭
طلعنه (حسام) كال اروح وياكم اوصلج
رحنه وصلنه البيتهم حسام نزل جنطي 👜👜👜
وصلنه لبيت الناس اني اعرف بيت هادي يالله شوف حظي صرت فصليه ابيته
عمو سلم ع ولد 2
كلهم هاي شهوده غاليه خلوهة امانه عدكم
واحد من الولد جاوب عمو :-أن شاء الله انصون امانتك
أما الشاب الثاني جان مدنك من سمع حوارهم خزر أخوه
اباوعله هذا هادي خرررب
عمو كلهم اعقدو حته احنه انروح
اباوع ع حسام خطيه يبجي انكطع كلبي عليه
ماجنت اصدك بيه
الشباب جانو هادي وأخوه عماد
عماد متزوج صارله شهرين
اما هادي حاجزيله بنت عمه بس بعده حته مخاطبهة
عماد:-يله هادي حظر نفسك حته تعقدون اني خابرت الشيخ
هادي:-ماعندي شي مستعد ويخزر بشهد
شهد:-خررب حظي اشلون حظ هادي يزوجني
هسه يطلع تجاوزي عليه كوله
هادي:-اباوعلهة ابكلبي اكول انتي اجيتيني ابرجليج
اجه الشيخ عقدلنه ..حسام اختنك وطلع
عمو سلم عليه وباسني من راسي كال رفعتي راسنه
كتله:-عمو انتم العلمتوني ارفع راسكم وراسي وان شاء الله طول العمر هيج أظل
عمو طلع وإني الدمعه تهددني تنزل بس ماانطيتهة مجال تنزل واخليهم يشوفوني ويعتبروني ظعيفه
**&&&€**&&&&&&^^^^^^^
هسه تعالو احجيلكم ع عائله هادي
تتكون من أم هادي ....و2 أخوات وحده مخطوبة اسمهة (رفل) والثانيه (ميلاد) ممتزوجه هم طالبه رابع من شفتهة عرفتهة طالبه ابمدرستي بس ماعندي علاقه وياهة
...زوجه عماد (زينب) حبابه وطيوبه
أما الشباب :-عماد سبق التعريف
وهادي ----بطل القصه مواليد 1990 .
مواصفاته ..أسمر عيونه عسليات ..عنده لحيه وشعرة عالي واسود وجسمه ظخم بس موسمين .عنده أسواق للتسوق المنزلي هوة وأخوه بيهة شراكة عماد الصبح ايروح والعصر لليل هادي يستلمهة
هادي:-حاجزيله بنت عمه مواليد 1998 شكلهة مقبول
طالبه جامعه اسمهة تبارك
*********
نرجع لشهد
عمو راح وإني خلص العقد مالتي ظليت بمكاني وين اروح
هادي كلي موكتلج اني اعلمج واجه الوقت بس هاي المرة حقدي زايد عليج يالفصليه
صدك ماعرفت اسمج
شهد ظليت اباوعله وكتله ماعتقد اسمي شي من اختصاصك
هادي:-جاوبي ع كد السؤال😈
شهد:-خطيه خلي اكلك اسمي لأن اشوفك راح اتموت لحد متعرفه😞 اسمي شهوده
هادي:-ع أساس اموت اذا ماعرفت اسمج
بس كلت خلي اعرفه احسن ماصيحلج فصليه خاف احتاج شي
شهد:-منو كلك اظوج من هاي الكلمه بالعكس احس ابفخر من اسمعهة لأن سويت إنجاز عظيم الزلم ماتسوي وقفت بحر الدم
هادي/والله عليهة السان هوة الي مخليني انتظرهة يوميه
لأن متنطي عين
هادي/توقفين بحر الدم الانتم جنتم سببه بسببه خسرنه ابوي
شهد //قضاء وقدر هيج مكتوبله الله يرحمه
هادي//الحديث وياج مابي فايدة اتاخرت ع شغلي وانتي خلي البنات يكللج ع الأشياء الاحبهة والمااحبهة
شهد^/😛 وإني شدخلني
هادي //احترمي نفسج احسن ماشوفج غير أسلوب
رفل زينب
اجت زينب هااا هادي شتريد
متابعيني الغالين شتتوقعون من هادي وأهله وتصرفاتهم وي السان شهد. ... (rahf )رهف
