تبارك. .قررت اشوف حياتي وبعد مالي دخل بهادي وشهد الله يسعدهم كتله بابه هادي اخوي خليني اشوف حياتي
بابه كال انتم اعرف بحياتكم
وانطه خبر للناس اجو حجو بالموظوع وسئلو عليهم
وصارت الخطبه
شهد / / صارت خطبه تبارك والحمد خلصت من عدهة
مرت الأيام وماكو شي معكر حياتي غير ميلاد تكرهني وإني ممسويتلهة شي
ذاك اليوم جنت انظف وسمعت الباب يندك اجيت اروح وطلعت ميلاد قبلي
جان يطلع حسام ابني جاي يسئل عليه
حسام .. جنت بالشغل واشتاقيت لشهد كلت خلي اروح اشوفهة هسه شيصير بنت عمي واسئل عليهة محد يحجي اكيد
رحت ع بيتهم وطلعتلي بنيه كلش حلوة معانيهة كلهة ناعمه بس بشرتهة سمرة وهذا السمار لايك آلهة هيه من شافتني استغربت لأن ظليت صافن ابوجهة لأن أول مرة اشوف شخص أسمر وسمارة لايكله
ميلاد/ / اندك الباب وشهد جانت تشتغل كلت خلي افتحة رحت فتحته وشفت شاب اول مرة اشوفه امبين ع شكله شخصيه بس اشو هذا صفن ابوجهي
كتله اتفظل اخوي رايد منو
كال أريد شهد اني حسام ابن عمهة ..إن ماعرف ليش هيج جاوبته كتله انته ابن عم هاي المكروهة
حسام/ هاي البنيه حجت ع شهد وإني اتخبلت كلتلهة احترميني ع الأقل هم ابن عمهة وهم خطار ابابج
ميلاد//اسفه هسه اني قابل شكلت هسه اصيحهة الك
دخلت تعاي هي ابن عمج بالباب هم غثيث مثلج
شهد / /دخلت ميلاد كالتلي مااهتميت لغلطتهة أكثر من اهتمامي أخاف يجي هادي ويتخبل لأن هوة ايغار من حسام
واحنه علاقتنه بعدهة موقويه
رحت سلمت عليه وكتله اتفظل بس كلبي بشيشه من الخوف كال لامستعجل محتاجه شي كتله سلامتك
بس سئلني ع ميلاد كال هاي منو الفتحتلي الباب كتله هاي اخت هادي اسمهة ميلاد بس ليش تسئل كال هاا لا مجرد سؤال وبعدهة اترخص وراح
ورة نص ساعه تقريبا اجه هادي وإني جنت بالغرفة
أشو صعدلي بس يظرب ويغلط انتي مو مال احترام شنو ابن عمج مزودهة يجي لبيتي كلبهة كلاب عليه
اني أريد بس افهمة ماانطاني مجال احجيله آخر شي طلعت روحي كتله تعبني موتني حلال وارتاح لأن فصليه مومن حقي اكلك طلكني
هادي / / جنت بالشغل وخابرتني ميلاد كالت ابن عم شهد يمنه اجه عليهة اني اشلون امووت من عنده وفوكاهة جاي لبيتي اتخبلت بس مسافه الطريق اجيت لبيتنه مالكيته صعدت بعصبيتي كتلت شهد موتتهة واغلط عليهة من حركه كلبي احبهة واغار عليهة من الهوة بس حجت كم كلمه خلني احس بألم يمكن أكثر من الاخذته هيه أثر الكتله
بس عندي كبرياء عفتهة وطلعت من البيت كله. ..
شهد / كتلي وطلع من البيت وإني بعدني ممفتهمة شنو الي صاير ولامفهمته ع شي بس حيل اتاذيت من الكتله صارت ب12 بليل وهوة ماكو ظل بالي يمه اول مرة هيج يتأخر
ولاعندي موبايل حته اخابرة لأن الصراحه 🙊 صح زعلانه بس خفت عليه اول مرة هيج يتأخر لهذا الوقت
حسام // رحت ع فراشي أريد انام اول مغمظت عيني اجت أبالي هاي البنيه البيت شهد استغفر الله ولك شسوي حسام انته اتحب شهد ومتفكر بغيرهة لا بس هيه بعد اتزوجت خلي اعوفهة ابحالهة مثلا شنتظر من عدهة ..?؟؟؟؟؟؟؟؟؟؟؟
حبايبي اهواااي وكووووومات تساؤلات حول القصه
البارت القادم بي تشويق اريدكم اتفجرولي هذا البارت
بالتعليقات وتدللون من عيوني انزللكم البارتات الاخيرة بأسرع وقت😍😍
