هلووووز صقيقاتي اشنونكم أقصد اشلونكم مشتاقتلكم
اممممم عبالكم صدوك اني خبيثه وماانزل البارت للعيد
اشبيكم والله ناني حبابه بس اصبغوني بكم تعليق وتصويت وإنطيكم عنوني 👀 الحول ...يله تعالو كملو القصه لاتحمسوني حمس
شهد..لبست الفستان الي جابة الي هادي جان لونة ماروني ساده وبي كسرات ناعمة من الخصر مرتب إلى درجه وخليت وياه مكياج خفيف ونزلت واتفاجئت بالموجودين
لكيت أهلي كلهم وعمو وياهم ماتنوصف فرحتي صدك فرحت
رحت سلمت ع الكل وباوعت ع هادي كتله صديقك بعد ميجي
هادي / / بعد مازعلت شهد من عندي قررت اصالحهة وافتح صفحه جديدة وياهة فكرت اشلون أراضيها مالكيت غير أعزم اهلهة حته افاجئهة اتفقت وية امي وكلتلهة خطيه فرحت
كلت لشهد راح أعزم صديقي حته افاجئهة رحت عزمت اهلهة مكالو لا همة اصلا جانو منتظرين ننسه كلشي ونتقرب ع بعض مثل الاهل وإني هم أحب شهد فماردت شي يوكف ابطريقي.........من اجو أهل شهد فرحت بيهم واجت سألتني ع صديقي اني كلت هاي فرصتي ....بوجود الكل أهلي وأهلهة
كلتلهة هاي كلهة خطه من عندي حته اراظيج وانتي موكلتي ممعترف بيج زوجه الكل يسمعني وشاهد علي اني أحب شهد ومشتريهة قبل كلشي أحب اتشكر من اهلهة ع هيج تربايه وشي ثاني اشكر امي الي شجعتني أحب زوجتي واتقبلهة وإني مندمان ولااندم ع هذا قراري
............والأهم بهذا كله اني اليوم راح اعتبره يوم خطوبتي ع شهدو الاسبوع القادم راح اسوي حفله زواج واعزم بيهة حته شهد تتأكد اني اعترفت بيهة كزوجه مو فصليه. ......
شهد / ع كيفك وياي هادي وحده وحده انطينياهن هسه اموت من الفرحه🙈🙈 وبعدين خجلتني
الكل//هههه
أم هادي / / ايي بس هذا الاسبوع شهوده اتروح لااهلهة حته نستقبلهة كعروس بيتنه
هادي / / لا لا وين أسبوع اهواي خلوهة هنا ماعليهة شي
أبو شهد / / لابابه شهودتي تجين ويانه كومي جهزي نفسج ورة الغده انروح
هادي / / يله عمي كلمتك سيف اخذوهة بس ابشرط اتظل تتواصل وياي
شهد / بس مو المفروض خطيبي ايجيبلي فون😞😒
هادي / تدللين باجر اجي اخذج نعقد واشتريلج فون
أم هادي / / اسوالف المراهقة عوفهة هسه وسولنه الغده متنه جوع ....شهد. ..هههه ايي مامه من عيوني
تسريع الأحداث :- خلص الغده بعد ظحك وشقه ويوم كلة سعاده وفرح بالنسبه للكل أهل شهد صار الوقت يرحون لبيتهم ويأخذون شهد وياهم
هادي / شهد قبل لاترحين تعالي انطيني ملابسي
شهد / اوك صعدت وصعد هادي
هادي / / هااا كبد اشلونهة المفاجئه اشوفج رظيتي
شهد / / هههه🙆🙆 ايي رظيت لأن خليتني اوكف أواجه كل واحد يكلي ف.....هادي / أشش من اليوم ماكو بعد هاي الكلمه انتي مرتي الي وحبيبتي وكل حياتي بهمس شهودة كوليلي أحبك
شهد /😗😗 بخجل مو وقتهة ىوبعدين موردت ملابس شنطيك
هادي / / جذب ماريد لاملابس ولاشي غير سمعيني كلمه حبيبي
شهد / / وهيه اتغير الموظوع باجر شوكت تجيني
هادي / / امممم مو اكلج شيطانه جهزي نفسج ب8 لأن ورانه فرة اني متفق وية المحامي صديقي بسرعه انخلص العقد
شهد / / اوك باجر نلتقي ولاتنسه الفون باي خطيبي ههه
.......ثاني يوم الصبح. ....
هادي / كعدت كشخت كشخه توب راح اطلع وية شهودة لازم اطلع صاك
شهد / كعدت الصبح سبحت ولبست من زوجه اخوي خطية حظرتلي من عدهة ملابس حلوات وخليت مكياج ذهبي مااشتهي أكل فظليت منتظرة هادي أجة دخل كال جوعان كومي سويلي أكل كتلة اني هم مماكلة خلي نأكل بالمطعم طلعنه رحنه عقدنه عقد محكمه احنه واحد بارك الثاني وهادي طلع مجهزلي هديه بهاي المناسبه جايبلي عقد ذهب كال هاي هديتج يروحي البسيهن بالعرس بعدين طلعنه أخذني حجزلي بدلات حنة وعرس مالت الحنه فد شي لون كشميري وقماشهة ستن مالت العرس اختارهة ع ذوقة بس عجبتني اوفايت وبيهة ردن تور وبيهة رصعات كريستال ع شكل ورد وانطوني وياهة تاج كريستال وبعدهة أخذني ع صالون هم حجزت بي كال بعد ظل بس ملابس النيشان خليهن ع باجر اجي اخذج كتله لا ميحتاج عندي اهواي بس هوة مقبل كال تعاي هسه نأكل شي لأن راح اموت من الجوع رحنه ع مطعم طلبنة أكل وبعدهة نزلنة ايس كريم حبيبي عيشني يوم ايخبل مع العلم تعبنه بس تونسنه رجعني للبيت وانطاني افلوس كال روحي باجر جيبي ملابس النيشان انتي وامج لأن صارت عندي شغله وموبايلج مناسي هسه انطيجياه موجود طلعه حاجز رقمه ومخلي صورة بيه اتشكرت من عنده ونزلت
...هادي / بعد ماوصلت شهد لبيتهم رجعت لبيتنه ميت تعب رحت نمت وكعدت ثاني يوم رحت جددت غرفه الأخشاب للعصر خابرت شهوده كالت كملت النيشان كلتلهة راح اجي أخذ امج حته اترتب الملابس بالكتتور .............تسريع الأحداث
يوم الخميس جان يوم الحنه وشهد بالصالون وراحت وياهة ميلاد لأن ميلاد ابراسهة شغله اممممممم اتصلت ع هادي كتله خلصنه تعال اخذنه هادي اوك اجيت
هادي / / وصلت الصالون وخابرت ع شهد كلتلهة اني اجيت اطلعن. .طلعن صعدت شهد يمي بالمقدمة بس ماشفت شي من وجهة جانت مغطيته وميلاد كعدت ورةاخذتهن ورحت للمصور نزلنه اخذنه صور المصورة تنطينه الحركة وشهد خجلانه فديتهة يلوك عليهة الخجل كم لقطه كوة عليهة سوتهن وإني ميت ظحك عليهة ..رحنه ع بيتهم نزلناهة وجان يصير بوجهي حسام
بنات صح وعدتكم هذا آخر بارت بس شفته صار طويل فقررت اسويلكم بارت إضافي
قرائة ممتعه
