الكاتبه رهف البغدادي
هادي :- لج اتظربين ملودة اني اصلا متحملج من زمان
شهد:-هيج حجه بعدني مملحكه أدافع ع نفسي بالكلام
ماحس الاوظربني ع وجهي 👊 وبعدهة جسمي كوله صار ازرك من الظرب
كلت هذا بس اسكت من عنده يتعلم يظربني كل يوم
شهد//انتم ليش متخافون من الله إذا انتي ست ميلاد المفروض تحجين الصدك وماجذبين لأن انتي بنيه وهذا الشي اياثر عليج
واذا انته يلي محسوب زوجي ظربتني بدون متسمعني وعيب ع الرجال يتقوة ع مرة صح اني فصليه بس حرام عليك هيج اتعاملني يعني المفروض اتراعون ظرفي
ماكللكم شي غير أريد الله يأخذ حقي من عدكم
هادي//انقهرت عليهة من كالت فصليه كتلهة انقلعي لغرفتج
شهد/رحت الغرفتي كعدت ابجي ع حظي وين جنت وين صرت
كلت اله أخذ حقي بس مو ابنتقام لا بطريقه غير
اول شي أخذ حقي من هذا المغرور اله اخلي مايرفظلي طلب لأن ساعتهة راح أقنعة أكمل دراستي وراح انافس ميلاد بشطارتي
المفروض من هسه ابدي بالخطه
رحت لبست أتراك برموده حلوو وفتحت شعري وسويت باف مقدمه وخليت مكياج
هادي//دخلت للغرفه لكيتهة تبجي
شهد//ليش هيج اتعاملوني ليش اتعاقبوني ع ذنب مارتكبته
اهئ اهئ اهئ😭😭😭
بكل هدوء هادي ليش متعتبرني صديقه الك واعتبرك صديقي
ليش معتبرني عدوتك يعني كافي عاقبتني ع تجاوزي عليك من يوم الي صرت عندك فصليه
تعرف شنو مشاعري من اسمع كلمه فصليه
يعني مايكفيك تركت أهلي ودراستي وكل أحلامي اتحطمت ارحمني عاد لاتشوفني أكابر واسوي نفسي ممهتمة ترى اني بشر موحديد
مالومك اني فصليه وهذا جزائي
هادي //كسرت كلبي بكلامهة وبعد نقاش طويل وشروط خليتهة ترجع للدراسة
شهد// رجعت للمدرسه وإني تلش تلش فرحانه بس مثل ميكولون يافرحه الي مادامت
ميلاد//جانت مظغوطه من عندي وفظحتني بالمدرسة تكول للبنات هاي فصليه اخوي والبنات كلهم يكلولي صح هادي حلو واحنه نحجي وياه وجنه نتمنه يصير من نصيبنه بس مومثل حالج فصليه (احس سهم ظربني بكلبي) اوووف ياربي
رجعت للبيت بس ابجي سألتني رفل كتلهة اشتاقيت لااهلي
رحت للغرفه وما كشخت مثل كل يوم وجهي بذل من البجي
هادي//دخلت للغرفه لكيتهة تبجي شهد شبيج موكلتي انصير أصدقاء احجيلي
شهد/مابيه
هادي/لا بيج وهذا الشي واضح لاحظت اول مدخلت حته ممبدله. ممبين عليج عروس
شهد//بكلبي احجي اهااا يعني جان ينتبهلي من اعتني بنفسي كتله هادي بعد مااداوم
هادي/اممم شنو مناسبه هذا الشقه
شهد/موشقه احجي صدك
هادي/والسبب
كبلاتك كلهن يكللي الفصليه وانته حظرتك المدرسه كلهة اتعرفك
هادي/وهنه شعرفهن انتي فصليه
شهد :- مكتله ميلاد كتله شعرفني بعد ماريد انهان أكثر
هادي//ابراحتج لااداومين
شهد/اكلك عود هم اتحب وحده من كبلاتك
هادي:هه ايجوز لااتشاقه اني اظحك عليهن ماابالي ولااهتم لهيج نماذج
شهد/ترى هاي النماذج صنع ايدك انته سيطرت عليهن وخليتهن يخظعلك حرام عليك عوفهن لااتاملهن
هادي:ليش ماخظعتي مثلهن بس انتي شريفه وبعدين ليش اعوفهن اتغارين
شهد :اغااااار😂😂 وعلى منو
هادي/امممم اشوفج الغيرة اشلونهة تعالي خلي اخابر وحده من كبلاتي واسمعي اسوالفنه
شهد//ميهمني 😜
هادي//الوووو
شهد//باي راح اجهز الأكل
هادي //خرررب وتكول ماغار
بعد مرور فترة بيت هادي جانو عازمين عمامهم مسوين ثواب
شهد جهزت الأكل ويه البنات وصعدت بدلت
هادي كال البسي ملابس مستورة لأن عمامي وياهم ولدهم
كتله اوك لأن اني أصلا ملتزمه
جهزت نفسي وطبعاً المكياج مافاركه 😚 اني وياه قصه عشق وتعطرت
ردت أنزل هادي كلي شهوده جهزيلي ملابس
شهد/انصدمت لأول مرة يكلي شهوده ...ويطلب اجهزله ملابس 😮😮😮 معقوله الشي الفكرت بي لالا مستحيل يحبني بس شعجب كلي شهوده
كتله :-اوك جنت اجهزله والباب اندك كلت منو رأسا انفتح الباب ودخلت بنيه شكلهة حلوو ومرتبه يعني مبينه مثقفه
بدون متسلم عليه كالتله هلا هادي شخبارك زوجي المستقبلي😉😉
شهد//😮😮 منو حظرتج
تبارك//وانتي شدخلج يالفصليه
شهد//هادي جهزتلك الملابس راح أنزل
يالله اختنكت ماعرف ليش
اوووف يمكن لأن ماحترمتني هاي وفشلتني
قلبوشاتي :-ابرأيكم شهوده غارت ع زوجهة لوصدك اختنكت
وهاي منو الي دخلت بحياتهم اول مبدت تتحسن العلاقه %%% مثل كل مرة أذكركم لاتنسون تشجيعكم هوة سبب استمراري %%% اعبكم
بايوو🙋🙋
