***حققت حلمي وصرت ( فصليه )
.بقلم
.....الكاتبه.....رهف البغداديf
مرت الأيام وحياتهم مستقرة هادي يطلع للشغل يرجع يلكه شهد كالعاده ممقصرة بواجبهة وشكلهة دائماً مرتب واتحب أهلة كلهم ...
هادي / رجعت من الشغل تعبان ونعسان اول مدخلت شفت شهد تنظف بالكراج واكفات يمهة زينب ورفل وتظحك وياهن
اتكلهة زنوبه شغلتج يمي وتظحك بس جان صوتهة عالي
اني هنا اشتغلت الغيرة عندي خررب هسه لواحد غريب سامعهة دخلت وإني بعصبيتي كلت راح اموتهة ع صوتهة بس بعدني مناطق بحرف اكلتني بالسانهة نستني العصبيه
شهد / هلا نورت الله يساعدك شوفي رفوله اشلون مبين عليه التعب هادي تلكه ملابسك بالحمام مجهزتهم بس اسبح تلكه الأكل كامل يله بسرعه حته ترتاح
هادي / يالله هاي مو فصليه هاي الراحه بمعناهة شكد تهتم باموري ...اوك راح أدخل للحمام
خلصت شهد ع الوقت متتاخر من اتجيبلي الأكل وطبخهة طيب يسوي واهس
شهد / / جهزتله الأكل وكعدت يمه كتله هادي ممكن اطلب طلب بس حباب لاتفشلني🙇
هادي / /كولي بدون مقدمات...شهد أريد اروح ويه البنات راح يرحن لتحليل زينب تسوي تحليل حمل وكلتلهن اكلك اذا تقبل اروح بطريقنه نطلع للسوك
هادي / / اممم روحي بس موتتاخرين
شهد / شكرا بس ممكن طلب ثاني
هادي / كولي
شهد / امممم لاهيج كلشي ماريد حته بعد ماروح
هادي / احجي وخليني محترمج
شهد / محتاجه أغراض ظروريات بس فلوسي خلصن من رحت لكربلاء تكدر تنطيني اذا عندك
هادي / ثوووول عبالي اكو شي ثاني افتحي المحفظة شكد تحتاجين اخذي
شهد / شكرا والله خجلانه بس مكدرت اطلب غيرك راح أخذ 25
هادي / عليش اتخلجين موكلنه أصدقاء وبعدين 25 متكفيلج اخذي بعد
شهد / / ههه لا كافي أريدك سالم ..بهمس بس رجعلي موبايلي اشتاقيتله أكثر مااشتاقيت لااهلي😞
هادي / عود سمعت صيري ادميه وإني ارجعه
شهد / / حباب هادي فدوة مافاركه تبارك افترت عليه والله
شنو انته اذا تريدهة اخطبهة بس لاتخليهة اتسبب مشاكل بيناتنه
هادي / الله كريم روحي هسه ويصير خير ..ابكلبي اكول البنات اموتات نفسهن عليه وشهد اني زوجهة وحته متغار عليه صدك ليش اتغار هيه اشايفه من عندي
شهد / / بدلت ورحنه للمختبر وطلعت زنوبه حامل يوومه حبيبتي صدك اختي شكد فرحتلهة
وبعدهة طلعنه للسوك اشتريت النواقص وكلتلهن بهاي المناسبه تعالن اشتريلجن كيكه ورجعنه والكل فرح من سمعو ابحمل زينب
أم هادي ..يوم الالج شهوده ظحكت وسكتت
مرت الأشهر وإني مشايفه أهلي طك كلبي
كعدت ابجي ودخلت رفل كالت اشبيج شوشو كتلهة أريد اشوف أهلي لج راح اموت ع شوفتهم اني ساكته واكول بلكت هادي وحده ايحس بيه ماردت اني اكله حته لايفكر افرض كلامي عليه بس بعد مااتحمل اشتاقيت لاامي لاابوي ...حته لحيطان البيت اشتاقيت 😭😭😭
هادي / اجيت أدخل للغرفه وسمعتهة تشكي لرفل
كلت صدك اني شكد ظالم شنو ذنبهة هيه صدك اهواي اتعاقبت دخلت كلتلهة حظري نفسج اخذج هسه وباجر بليل اجيج
شهد / / صدك تحجي من فرحتي ركظت وحظنته
وبعدين استحيت شكد عيب يالله احنه من نكعد وحدنه استحي احجي وياه هسه هيج سويت ورفل واكفه ههه خرب حظي ابد ميكمل شي وياي عفتهم وركظت جهزت نفسي ب10 دقايق
رحت كلت لمامه ولعماد كالو ماعدنه مانع روحي
رحنه وصلنه باب البيت كال اني مادخل مثل ماكتلج باجر بليل اجيج ب8 كتله اوك كال محتاجه مصرف كتله لا أهلي ميقصرون هسه ينطوني وبعدين ممحتاجه شي وهذا فضلك مانساه ماجنت متوقعه اتجيبني لااهلي
هادي / كافي لواكه اتنزلين لوارجعج وياي
شهد / موصوجك صوجي اسولف وياك باي راح أنزل 🙋
نزلت وإني ع لحظة اموت من ألفرح رجعت لبيتنه ياربي
دكيت الباب --طلع اخوي ظل متفاجئ هاي منو ولج شجابج
شهد ..يااا ممشتاقلي شنو هاي ردت فعلك
فهد اخوهة. ..لاولج هله بيج مشتاقيلج بس اتفاجئت بجيتج شبكته يمه ياريحتكم
دخلت مامااا ...مامااا جوعانه شمسويه أكل اذكرهة بايامي من جنت اجي من المدرسه
خطيه اجتي تركض ...هله ببنيتي يابعد امج ولج اجيت اموت بفراكج وانتي كطعتي بينه خطيه كلهم حظنوني ومشتاقيلي
وأطفال اخواني بعد كليبي اموت عليهم بوستهم وكعدتهم من نومهم ...
اكلكم بابه وين ....سجاد هم ماكو ...
كالت ..امي ....هسه ع جيه
راحت مامه وزوجات اخواني جهزن الأكل
وشويه اندك الباب جان اشوف بابه وسجاد ياعلي مشتاقتلهم ومشتاقه لدلالهم حظني بابا وظل يبجي ولج بابه اشلون انطاج كلبج تعوفينه ..ولج اسئليهم شكد ظليت بالمستشفى بسببج
بابه حبيبي لاتخاف عليه الله يحبني وطلعو ناس زينين
سجاد / احمم احمم نحن هنا شنو مناويه اتسلمين عليه
يمه فدوة لااخويه مشتاقتلك بكد رحمه الله
جذابة ..اني مشتاقلج بكد رحمه الله ..هههه
كعدنه ع الأكل ورجعت ظحكتنه وسوالفنه
**مشتهيلي حاجيه حلوة
وكهوة مرة ...وريحه الطرمه العصر مرشوشه ماي
وحجاية امي. .وصوت ابوي الجنه ناي. .*£****
أهلي مخلوني اشيل شي ولااشتغل بس أكل وسوالف
صح شفتهم وتونست بس احس شي ناقصني وبديت أفكر بهادي هسه أكل هذا وقت طلعته شبيه خلي اشبع من أهلي
هادي نارك 💥 ولاجنه هلي ثول صدك هيج اشتاقله هه البزون اتحب خناكهة
هادي / / وصلتهة لبيتهم ورجعت لبيتنه صعدت لغرفتي احسهة موحلوة مومثل كل يوم الكه شهد موجوده وعطرهة مالي الغرفه ..بدلت وطلعت خررب شهد عودتيني ع دلالج كله الكاج مجهزته بدون ماحجي .
قلبوشاتي هذا البارت طولته الخاطر عيون المتفاعلين وياي
صدك سويتولي واهس أكمل القصه
🙋🙋 بايووو
