فتحت موقع فيس بوك لتدخل إلي صفحتها الشخصية "البروفايل" لتكتب منشورا ....
"قرأت في مرة عن طائفة إسمهم (الأميش) !
اسم غريب لكن عارفين دول مين؟
الطائفة دي من النصاري متمسكين بقواعد خاصة بيهم وغريبة جدا
عارفين بيعملوا ايه؟ !
عندهم الانجيل غير اللي منتشر في غالبية البلاد متمسكين بقواعده جدا
شايفين ان التكنولوچيا حرام
ليهم مدارس خاصة بيهم وبيستخدموا سيارات قديمة جدا من الخشب وبتجرها الأحصنة ! مجتمع منغلق علي نفسه جدا كأنهم دولة صغيرة كده!
بيتعلموا لحد سن معين تقريبا لحد 12 سنه وبعدها بيقعدوا في البيت بيتعلموا كل اللي محتاجينه من البيت!
الطائفة دي محبوبة جدا من السكان لالتزامها القوي بتعاليم النصرانية ومسالمين
الفئة دي بحكيلكوا عنها ليه؟ !
بحكيلكوا عنها لأني حقيقي بتمني نعمل زيهم كمسلمين إننا نلتزم بجد بالتعاليم ومنهتمش بكلام الناس ونعمل اللي ربنا أمرنا بيه نتفرغ للعبادة كده وندرس في المدارس القرآن والحديث والفقه والعلوم الشرعية الأخري ونتفرغ بس للعبادة!
تخيلوا كده مجتمع كأنه أيام الصحابة!! "
أغلقت بعد كتابتها لذلك المنشور ثم أكملت تنظيف غرفتها وهي تدعوا لنرمين باستعادة ذاكرتها!
************************************************************
كانت تجوب البيت ذهاباً وإياباً وهي تستغفر كثيراً حتي سألتها والدتها بتعجب وهي تدلف إلي المنزل ...
والدة نرمين: مالك يا نرمين في ايه؟! حصل حاجة
نرمين: بستغفر حبيبة قالتلي ان لو استغفرت ربنا بييسر لي أمري
والدة نرمين: ماشي حبيبتي بس انتي عاوزة ربنا ييسرلك ايه ؟
نرمين بعد أن جلست بتعب: نفسي أفتكر!
والدة نرمين بقلق: نرمين حبيبتي ممكن اكلمك في حاجة طيب بخصوص الموضوع ده؟
نرمين وقد قلقت لقلق أمها: اتفضلي يا ماما
والدة نرمين بعد أن أخذت نفساً عميقا وازداد توترها: بصي يا نرمين انا ووالدك يعني بينا مشاكل كتير زي ما انني شايفة يمكن قلت شوية بعد اللي حصلك لكن هتفضل موجودة بسبب المشاكل دي إنتي حالتك النفسية مكانتش كويسة وأنا كنت عارفة لكن مكانش بإيدي حاجة أعملهالك يا بنتي والله احنا ادوارنا معكوسة أنا وأبوكِ عشان كده حياتنا بايظة
ترقرقت الدموع في عينيها وهي تكمل قائلة: كنت بشوفك بتتأذي نفسيا ومش قادرة أحتويكِ لأني بنزل الشغل الصبح وبعد الظهر وبرجع بليل كنت بحاول أعوضك بفلوس بس لأن دي الحاجة الوحيدة اللي في إيدي غير كمان اني مكنتش قريبة من ربنا مفكرتش ادعي او بدعي بس مش بيقين دلعتك جامد أوي وسبتك تعملي كل اللي عاوزاه ومكنتش برفضلك طلب بس للأسف كنت وأنا بحاول أرضيكِ بفسدك!
فرت دمعة ساخنة من عينها أزالتها وهي تقول بألم: سامحيني يا بنتي بس لو حصل في يوم وافتكرتي كل ماضيكِ مش هتفرحي بيه صدقيني لكن توبي واحمدي ربنا علي نعمة صاحبتك حبيبة اللي ساعدتك وساعدتني أنا شخصيا إني أقرب من ربنا يا بنتي واوعي تفكري ترجعي زي ما كنتِ لأنك بعد اللي حصلك ده أشك إنك تتمني ترجعي كده تاني سامحيني يا بنتي
احتضنتها نرمين بسرعة لتبكي أمها بكاء مريرا وتشاركها نرمين به وهي تشعر بل وتأكدت بالفعل أن ماضيها مظلم لا بل مظلم ظلام حالك!
************************************************************
إنتهت محاضراتها لذلك اليوم فخرجت سريعا وهي تعاني من صداع طفيف ولكنه أتعبها وذهبت للكافيتيريا واشترت كوبا من القهوة جلست سريعا لتحتسيه
*تن تن تن ملحوظة عارفين حور قعدت ليه ومشربتش القهوة وهي راجعة مثلاً؟
عشان الرسول صلَّ الله عليه وسلم نهي عن الشرب واحنا واقفين وابحثوا عن الحديث عشان مطولش عليكوا هنا وكمان لو بحثتوا علميا ليها أضرار إوعي تشربي يا فوزية وانتي واقفة اللهم بلغت "
انتهت من احتساءها وخرجت لتركب الأوتوبيس لم يكن قد امتلأ بعد فجلست في مقعدها ولكن أثار غيظها كثيرا ما يفعله السائقون لأنها ليست المرة الأولي التي تركب فيها ولكن أغلبهم يفعل تلك الفِعلة المثيرة للأعصاب يتركون مشغل الموسيقي بصوت مرتفع حتي وهم بخارج الأوتوبيس ينتظرون الركاب!
ألم يفكروا في كم الذنوب ! حسنا لا يعتبرون ألا يراعون أن هناك ركاب مرضي ومرهقين وتلك المعازف الصاخبة بلا هدف تصيبهم بالصداع! ! يا إلهي! !!
بعد امتلاء الحافلة "الأوتوبيس" بالركاب قامت باتجاه السائق و……
************************************************************
يتبع .......
أنت تقرأ
هو دليلي
Espiritualخلال رحلتنا في الحياة .. نبحث عن ما نستمد منه القوة .. الأمان .. الوضوح .. الهداية .. الإرشاد باختصار نحن نبحث عن دليل .. تتفرق بنا السبل بين ما نظنه دليلاً وبين ما هو دليل بحق .. والعاقل هو من يتمسك بالحق .
