#احلام_ايقظها_الواقع
للكاتبة Retaj Ali Almousawi
مستوحاه من قصه حقيقه مع تغير الاسماء للخصوصيه
البارت1
رجعت من المدرسة فرحانه بشهادتي نجحت من السادس الابتدائي وكان حلمي ادخل المتوسطة واكمل دراستي بس فرحتي بذاك اليوم ماكملت ابد لان من ذاك اليوم انقطعت علاقتي بالمدرسة وبصديقاتي واحس انو انقطعت علاقتي بالدنيا كلها.
اني مرام عمري 13سنه اعيش ويه والدي ووالدتي بقرية بأطراف بغداد ناس عايشين على كد حالنه صحيح فقرة بس چنه هواي مرتاحين ابويه وامي يحبوني هوايه مالهم غيري واني مالي غيرهم لاخوال ولا عمام ولا غيرة كولشي ماعدنه لانو والدي اخذ والدتي غصب عن اهله واهلها لهيج. الكل اتبره منهم وعاشوا وحيدين بقرية غريبة مايعرفون بيه احد
كعدو عند رجال غني هو وزوجته وابنه يشتغلون بالمزرعه وكاعدين بمشتمل وعايشين ويامحلاهم بس......
هاي الايام الحلوة ماراح تكمل للأسف رجعت من المدرسة لكيت والدتي بالبيت
مرام;يمه يمه نجحت يمه نجحت
ام مرام:صلوات على محمد اي يمه هيج اريدج دوم رافعة راسي بعد روحي كللووووش
مرام:يمة وين ابوي
ام مرام:ابوج بالبستان روحي اخذيلة الشهادة وفرحي
.....
رحت اركض بجهة البستان حتى افرح ابوي بنجاحي من فرحتي طلعت ركض وماشوف احد كدامي بس اريد اوصل لابويه وافرحه دخلت للبستان اركض وجان انصدم بواحد ماركزت بالأول بعدين من دار وجهه عرفته هذا كنعان ابن الشيخ عزام الي احنه كاعدين عدهم يعني نشتغل يمهم
...
كنعان:لج شبيج عمية انتبهي
مرام:اسفة خوية بس من الفرحة مو شايفة كدامي
كنعان:شنو راح تعرسين وهيج فرحانه
مرام:لابس انه نجحت وجايه ابشر ابوي
كنعان: على اساس راح اصيرين دكتوره اشو تاليتج بيت رجلج
بس شنو كبرانين وحليانين منين هالحلاوه كلها
مرام:كنعان الف مره كتلك بطل اسلوبك هذا وياي انه مثل اختك.
حاول يلزم ايدي ويقربني اله
كنعان:بس انه اريدج اليوم اريد اشوفج بالبستان بالليل مو تتأخرين عندي كلام مهم وياج
مران: شيل ايدك عني انت اكيد تخبلت
....
ودفعته وكملت ركض حتى اشوف ابوي ووصلت يمة وظليت انادي عليه جان متسلق الشجره دايكص بالسعف
ظليت انادي عليه
يابه
يابة
يابة انه نجحت باركلي يابه
ابو مرام: يابويه رفعتي راسي يابعد ابوج انتي
سوده عليه من فرحته كام يبجي نزل ابوي ورجعنه اني ويا للبيت وطبعآ جان كنعان واكف بنفس المكان ظل يباوع عليه بحقد مثل الي يكول انه اعلمج ماهتميت اله وكملت مشي انه وابوي للبيت
ام مرام: انه راح احضر الغده لبيت الشيخ وارجع اصب الغده انتظروني
مرام:يمه انه راح احضره الغده هنا مو تتأخرين
......
راحت امي لبيت الشيخ حتى تحضر الغدة الهم وانه بقيت يم ابوي حتى احضره الغده وننتظر امي حتى ترجع
ام كنعان:خيرج ام مرام قبل شوية سمعت هلاهل شنو مرام راح تعرس
ام مرام:لايعمه وين تعرس مرام بعدها طفله انه مانطيها هسه ماريده تعيش حياتي اريده تكمل دراسة وتطلع للمدينة هناك تكون نفست وتعيش حياته
ام كنعان:جا خيه شنو هاي الهلاهل
ام مرام:مو مرام نجحت لهيج انه فرحانة
الشيخ عزام:اللهم صل على محمد وآل محمد عليكم بالخير ام مرام
ام كنعان:انت هنا ياشيخ ماحسيت عليك
الشيخ عزام:هسه جيت وسمعتكم تحجون
ام مرام:الله يبارك بيك ياشيخ كله بفضل الله وفضلك الله يعليك ان شاء الله
.....
كملت امي الشغل ببيت الشيخ ورجعت امي للبيت ولكتني محضره الغدة ومنتظريه
مرام:وينج يمه الاكل برد
ام مرام:شسوي هسه كملت وجيت..صدك حضري روحج من باجر ادور تشتغلين وياي ببيت الشيخ
مرام:تدللين يمه بعيني
ابو مرام:واساعديني بالبستان يبويه انه كبرت بعد مااكدر اشتغل وحدي
مرام:تدلل بوية شعندي غيركم انت وامي
ابو مرام:اي يبويه من زمان جنت انتظرج تكبرين هاي المدرسة وخلصنه منها
مرام:اي بويه بس انه اريد اكمل
ابو مرام:لهنا كلش كافي كمتي تقرين وتكتبين بعد شكو مدرسة انسيها بعد
ام مرام:يارجال صدك تحجي انه اريد مرام تطلع دكتوره مهندسة شنو ماكو دراسه بعد
ابو مرام:ماكو دراسه يعني ماكو البنيه كبرت وصارت مره والعين عليها
مرام:بويه يامره بعدني طفله بويه فدوه
ابو مرام:انه كلت الي عندي
...
عفت الاكل ورحت دخلت لغرفتي حسيت كلبي انملى حقد بس ماعرف على منو على كلام ابوي لو على الناس لو المكان الي عايشة بي الي خسرني مستقبلي وحياتي قررت اروح اشوف كنعان كلت مادام راح اخسر مستقبلي ع الاقل احاول اوكع كنعان ابن الشيخ بحبي واصير مرت ابن الشيخ افيش شحلاتها هاي الكلمة مرت ابن الشيخ
وساعته اشيخ على الدنيا وانعل ابو الفكر.....
البارت 2
صارت الساعه 12بالليل الكل نام وانه منتظره شوكت اروح واشوف ابن الشيخ
طلعت من الباب شفته واكف اشرلي حتى اللحكه
هو يمشي وانه امشي وراه شفته دخل للبستان انه خفت الساعه 12 بالليل وناس نايمه خفت لايسويلي شي بس قررت اروح وراه بعد انه خليته ابالي رحت وراه والبستان اظلم باوعت تيهته ماعرف بعد ماشوف وين راح ظليت امشي وادور بس ماشوف شي بعدين صحت بصوت ناصي
كنعان
كنعان
بس ماكو رد فجأه واحد لزمني من وره فزيت وانه ماعرف شسوي درت وجهي واذا هو
مرام:يمه كنعان خوفتني
كنعان: فديته الي تخاف من عندي
مرام: احجي شرايد مني
كنعان: هيج بسرعه تعالي خل نكعد ونحجي براحتنه
....
كعدنه انه ويا بالبستان وظل ساكت بس يباوع بعيوني ويتقرب عليه انه بيني وبين نفسي فهمته شرايد بس سويت روحي ماعرف وما افتهم على اساس انه طفله ومافهم شي مثل ماهو يكول والكل يكول هيج بس احنه عدنه البنيه اذا صارت 13سنه يعني صارت مره على ابواب زواج هذاهو بس انه جنت دائمآ اتصرف تصرفات اطفال ما اريد اكبر
...
كنعان: مرام لج صايره تخبلين شنو هالعيون هاي شنو هالجسم هذا فديت الي خالقج
أنت تقرأ
احلام ايقظها الواقع
Romanceقصة حقيقيه تتحدث عن فتاة ريفية تلك الطفلة الصغيرة التي اجبرت على ترك تعليمها واتجهت الى طرق اخرى لسد ذلك النقص داخلها القصة تتحدث عن احداث واقعيه مع تغيير الاسماء للحفاظ على الخصوصية اتمنى لكم قراءه ممتعمه تحياتي الكاتبة Retaj Ali Almousawi
