احلام ايقظها الواقع

البارت التاسع

البارت التاسع
#احلام_ايقظها_الواقع
للكاتبة  Retaj Ali Almousawi

مرام
وصلت وسمعت كل الي گاله كنعان للناس وگامت الناس هجمت عليه وحتى مانطوني مجال ادافع عن نفسي لو احجي شي بصوت واحد سكتهم كنعان
هههه قصدي الشيخ كنعان
.
كنعان: بسسسس ياجماعه ممكن تهدون شويه واسمعوني عدلا انه راح اصرف اول شي راح نطردها من القريه ومالها رجعه ثانيه لهنا
وثانيآ اني بلغت الشرطه وراح اسلمها بيدهم وهمه يشوفون شغلهم وياها
مرام: لاياااا شيخ لااااا يعني هسه طلعت انه ااي كاتله الشيخ وانت وانت ياشيخ ياچبير قريتنه ماگلتلهم شنو سويت لوتحب انه افضحك واحجي كل الي صار بالتفصيل
ويه كلامي هذا جتي الشرطه وكنعان طبعآ سلمني ألهم ظليت اصرخ واگول
راجعتلك ياكنعان ماراح تخلص مني انت وياي بكل الي صار كنعان راجعه وثار امي وابوي االلي راحو بسببك ماراح يروح هيج ياشيخ سمعت ياشيخ والتمت علينه اهل القريه كلها تباوعلي بنظرات
قرف مثل المنبوذه والي بعد مامرغوب بيه بين اهلها وناسها
اخذوني للمركز وحققو وياي واخذو اقوالي طبعآ اني سولفت كولشي صار للضابط بالتفصيل طبعآ حولوني على مركز ببغداد بعيد عن القريه هذي رغبة الشيخ  طبعآ
.....
مصطفى
دزولي ملف قضيه من اخدى القرى محوليها لبغداد وتفاجئت من شفت عمر البنيه طفله عمرها 14 سنه لا اله الا الله وجريمة قتل ظليت فاتح عيوني شنو من قلب عد هذي الطفله وشلون تكدر تصرف هيج تصرف بس بصراحه اني مار عليه هووواي من هيج نوع من القضايا بس نصدمت بعمرها طفله شنو شافت من الدنيا وشنو السبب الي خلاها تكتل شيخ عشيره مكتوب بالمحضر الي دزوليا للمركز كولشي بس طبعآ لازم احقق وياها بنفسي واشوف هذي الطفله
........
اني ملازم مصطفى عمري 26 سنه اسكن بغداد ويه عائلتي الي همه امي وابويه واختي الصغيره طولي متوسط جسمي معضل اسمر عيوني لونه ازرق
والدي جان يريدني اطلع مهندس مثله بس اني جنت انتظر لحظه لحظه حتى ادخل كلية الشرطه واصير ضابط
من اطلعت على ملف مرام صار عندي فضول اشوفه واعرفه طفله مثلها شلون وصلت لهذي المرحله
دخلو البنيه اليه حتى احقق وياها البنيه سبحان الخالق من الجمال الي شايلته شنو عيون شنو بياض شنو طول جسم ولاعبالك طفله ظليت صافن بس عالجمال ااي شايلته وهي مدنگه وخايفه بس تبجي ....