البارت الخامس عشر
#احلام_ايقظها_الواقع
للكاتبه Retaj Ali Almousawi
ام مصطفى
ياااااا اي والله همه معقوله اتيه عنهم عزه عزه عزه
ابو مصطفى: شبيج تلطمين بنص الليل خير شصاير
ابومصطفى: يا خير الي تحجي بي تعرف مرام ولك مررررام الي دخلناها بيتنه تطلع منووو
ابو مصطفى : منو يعني بنت المحافظ
ام مصطفى. : لا بنت اخوووووك
ابو مصطفى: انتي اكيد تخبلتي تحجين صدوك
ام مصطفى: شفت صور امها وابوها بعيني وبقيت مصدومه حتى البنيه استغربت تصرفاتي
ابو مصطفى : اكيد متوهمه دنامي هسه نامي
ام مصطفى: لك يارجال داكولك شفت الصور بعيني انت تحجي صدوك شلون بهاي المصيبه شلووون
ابو مصطفى: حتلو الي تحجي صدوك البنيه طفله ويتيمه مالها احد غيرنا اصلا تعيش ويانه حالها حال ميس ومصطفى قابل اذب بنت اخوي بالشارع
ام مصطفى: ونسيت وصيت ابوك لو اذكرك
يعني كولشي عدنه راح يروح
الها يعني طارت نص فلوسنه
وحلالنه وتعبنه ابوك وصه بنص الورث لاخوك ومرام هي الي تورثه ابوها
ابو مصطفى: بس اذا كدرنا نقرب مصطفى من مرام وخليناهم يزوجون هيج زيتنا راح يصير ببيتنا وماراح نخسر شي
ام مصطفى: يااا واني انطي ابني الوحيد لمرام والله لو تموت من باجر ماتبقى ببيتي واشوفلها غير مكان
ابو مصطفى: يعني شلون بله اشوفلها غير مكان وشنو راح تكولين لمصطفى
ام مصطفى: انت بس خلي الموضوع عليه وماعليك
مرام
كعدت الصبح حضرت الريوك كملت شغل البيت ورحت اريد اكعد الي بالبيت. بعدين كلت خليهم اليوم جمعه وهمه يكعدون على راحتهم
بقيت كاعده بالمطبخ انتظر احد يكعد فجأه اجه مصطفى وهاي اول مره يجي يحجي وياي من بعد ذاك اليوم
مصطفى: صباح الخير
مرام: صباح النور
مصطفى: شنو لهسه محد كعد
مرام: لا والله صارلي هوايه منتظره احد ينزل وماكو
مصطفى: انتي شلونج مرتاحه
مرام: بفضل الله وفضلك كولش مرتاحه ماقصرت ربي يوفقك
مصطفى: تدللين
فجأه سمعت صراخ خالتي ام مصطفى صعدنه نركض اني ومصطفى حتى نشوف شصاير
ابو مصطفى: يابه دادوري هنا يمكن تلكيها
ام مصطفى: انت تعلمني بغراضي داكولك مخليه المداليه هنا وين راحت
مصطفى: خير يمه شصاير شكوووو
ام مصطفى: وك يمه المداليه الذهب مالتي مموجوده وگلبت الغرفه عليها ماكووو
مرام: خاله خاف مادورتي عدل خل ادورها وياج
ام مصطفى: داكولج گلبت الغرفه شنو دااكذب اني
مرام: لاخاله حشاج موقصدي والله
ام مصطفى: اني ماجان يضيع شي ابيتي ابد هاي اول مره اصير ويانه
مرام: شنو قصدج خاله
مصطفى: يمه صدك تحجين فدوتج المداليه اشتريلج غيره
ام مصطفى: ماريد غيره اريد هاااي
مرام تعالي فتحيلي غرفتج
مصطفى: يمه صدوك تحجين مرام مسويه
مرام: خاله والله اني ماخذته ولا اعرفه اصلا
ام مصطفى: هسه نشوف اذا كلامج صحيح لولا
بقت خالتي ام مصطفى ادور بغرفتي لمن طلعت المداليه ماعرف شلون وصلت لهنا ومنو خلاها بس الي اعرفه اني والله مااخذته ولا مديت ايدي عليها بقيت مصدومه ماعرف شنو احجي ومصطفى بقه يباوع عليه بنظرات كولها عتب صرت ابجي واصرخ
مرام: والله خاله مامديت ايدي ولا اخذته
مصطفى والله ما اخذته والله ماعرف شلون اجت هنا
ابو مصطفى: منين جبتها رجعه بعد ما اريدها ببيتي ابد مالج كعده هنا
أنت تقرأ
احلام ايقظها الواقع
Romanceقصة حقيقيه تتحدث عن فتاة ريفية تلك الطفلة الصغيرة التي اجبرت على ترك تعليمها واتجهت الى طرق اخرى لسد ذلك النقص داخلها القصة تتحدث عن احداث واقعيه مع تغيير الاسماء للحفاظ على الخصوصية اتمنى لكم قراءه ممتعمه تحياتي الكاتبة Retaj Ali Almousawi
