البارت الثامن
#احلام_ايقظها_الواقع
للكاتبه Retaj Ali Almousawi
ابو مرام: شنو شصاير هنا بويه شبيها امج وكنعان شيسوي هنا وليش شايلها احجي بويه احجي
كريمه(ام مرام) كريمه اصحي كريمه شبيج يابعد عيني شسوولج هذوله ولج كريمه كعدي وحاجينه وج بويه مرام شبيه امج.
مرام: بويه لكيناها واكعه وشفت كنعان كتله يدخلها وياي لان ماكدر اشيلها
ابو مرام: وج بويه مرام امج امج شبييه شبيه بويه مرام
...
سكت ابوي بمكانه من شاف وضع امي لزم كلبه وظل يصيح عليه ونكطع صوته وراها ظليت ادك والطم واصرخ بعد ماعرف شسوي
بووووويه بووويه شبيك بووويه اصحى يابه اصحى فدوه ارووحلك صخام بوجهج مرام ولك بووويه اكعد وحاجيني
يمااااااا
وج يماااااااا اني كتلتكم وج يمه يابه وين عفتوني وين اروح وك ياااابه
التمت عليه كل القريه شافوني ادك والطم على اهلي الي كتلتهم بيدي النسوان تلزم بيه لان بذاك الوقت ملخت نفسي بس اصرخ وفاقده ماعرف شحجي بذاك الوقت مانتبهت على لكنعان وين صار لو وين راح ماجنت اكدر حتى اركز منو كاعد يمي
..
كنعان
شفته كامت اصرخ عرفت راح تلتم الجيران علينه خليت وطلعت حتى محد يشوفني وظليت اراقب الوضا من بعيد من شفت القريه التمت ببيت مرام اجيت اركض حتى اعرف شصاير عود حالي حال العالم وكلها اصيحلي شخ اللحك شيخ اللحك اهل مرام مادري شبيهم انه صرت الشيخ بعد ابوي طبعآ
ركضت ودخلت وشفت مرام فاقده كلت لازم اطلعها من يمهم خاف كولشي يصير وتفلتلها كلمه من دون متدري بروحه كلتلهم لازم تبتعد عن اهلها خاف يصير شي بالبنيه ولازم مانخليها يمهم
اخذت مرام ودخلت للبيت عدنه وخليت يمها مره من اهل القريه وكتلها انطيها حبايه مهدئه خل تنام ليصير بيه شي.
ام احمد: بس ياشيخ وين تنام واهلها بهيج حاله
كنعان: كتلج خليها تنام نجهز احنه كولشي والصبح ناخذه ويانه حتى ندفن اهلها
....
خلصت ايام الفاتحه وبقيت افتر بالبيت وحدي
صرت كل شويه اتخيل ابوي راح يدخل عليه من البستان جاي تعبان لو امي تحضر بالاكل منتظرتني حتى اجي
وصلت لمرحله صرت احجي ويه روحي مرت اشهر واني على هاي الحاله وكنعان من يوم الدفنه بعد ماشفته
فد يوم كاعده بالبيت كالعاده ندك الباب عبالي وحده من الجوارين گوه كمت فتحت الباب بس اتفاجئت واحد من الي يشتغل بالمضيف مال الشيخ
.
حسين: شلونج خيتي
مرام: هلا خويه خيرك شصاير
حسين: الشيخ رايدج بالمضيف وضروري
مرام: شصاير شكو ماعرفت شيريد وادور يريدني بالمضيف يا صدك جذب
حسين: لاوالله بس گالي اجيبه وياك وتجي
.
كنعان
صرت افكر لازم اخلص من مرام لان عرفت راح تكوم تبتزني واصير بلوه على راسي كلت اتغده بيه قبل لتتعشه بيه جمعت كل زلم القريه وقررت اگولهم اني لكيت غريمنه الي كتل الشيخ عزام وفعلآ جمعتهم بالمضيف ودزيت حسين حتى يجيب مرام ويجي حتى إخلص منها ومن شره للأبد
.
كنعان: اسمعوني يا اهل ولايتي اني حلفت ما ارتاح ولا يهدالي بال الا الزم الي قتل الشيخ واقتله بيدي بس هسه للأسف ماراح اگدر اكتله بيدي لأن غريمي حرمة واني ماوصخ ايدي واكتل حرمة الي كتل الشيخ منه وبينه ربه عدنه واكل من زادنه بس ماقدر نعمته ولاخاف الله بالناس الي ساعدته وآوته ببيته كل هالسنين الي قتلت الشيخ هي مرام بنت الفلاح الي خلينا بأرضنه وعاملنا احسن معامله
بعد ماكشفها الشيخ عدها علاقه بواحد من اهل القريه استدرجته لغرفة البستان وكتلته وهذا الحجي مو من عندي هي اعترفت بلسانه من جانت حزنانه على اهلها وكالت الله عاقبني بموت اهلي من بعد ماكتلت الشيخ عزام وحركت كلب اهله والناس الي تحبه
أنت تقرأ
احلام ايقظها الواقع
Romanceقصة حقيقيه تتحدث عن فتاة ريفية تلك الطفلة الصغيرة التي اجبرت على ترك تعليمها واتجهت الى طرق اخرى لسد ذلك النقص داخلها القصة تتحدث عن احداث واقعيه مع تغيير الاسماء للحفاظ على الخصوصية اتمنى لكم قراءه ممتعمه تحياتي الكاتبة Retaj Ali Almousawi
